Press "Enter" to skip to content

Trump Nupi Tthing Nih A Chim Mi Hi A Rak Dih Tuk Hme Hi A Sining A Chim Dih

Trump le Biden cu chiandeih ngur bantuk in an i ngur peng i, mah bantukin zei tik tiang khi dah an um lai. Asinain tu ah cun Twitter ah Trump nih ka sung tiah a vawikhatnak caah ka sung tiah a pom.

Vote rel ning a hman lo i thuh nawh mi a um tiah Trump a support tu lei nih cun an lungtlin lo nak an langh ter. Court ah buainak tiang an phak pi. State cheukhat ah cun Vote an rel nolh tthan i Biden nih a hmaan lo mi vote tamtuk a ngei tiah an ti.

Biden le Trump cu President an i cuhnak le an i dohkalhnak ah Trump nupi tthing Ivana Trump nih a pasal tthing “Trump cawlcangh ning le ka sung tiah a pom duh lo mi nih hin ka khuaruah a har ter lem lo” tiah a chim. Ivana nih a pasal tthing Donald Trump cu a thinglung a khohcho tak le teimi si a duh bak lo mi a si tiah a chim i, tei tu a si hlan chung paoh cu ai zuam ttualmal mi a si tiah a chim fawn.

Ivana nih hin sinak sangpi ngeih nak cun thadam tein normal life i um a ttha deuh, ka fa le Eric, Donal Jr. Le Ivanka zong midang bantuk in Normal Life in um hna sehlaw ka duhpiak deuh tiah a chim i, Washington i caan hman peng hi a duhpi lem lo.

Ivana Trump hi Donald Trump nupi hmasa bik a si i, 1977 in 1992 tiang an i um. An pahnih in pa 3 an hrin i, an fale min cu Ivanka Trump, Donald Trump Jr. le Eric Trump an si. Ivana he an i tthen hnu ah Marla Maples he an i umh tthan ifanu pakhat Tiffany Trump an hrin tthan. Atu i, a nupi First Lady, Melania Trump hi a nupi 3 nak a si.

Be First to Comment

Leave a Reply

Your email address will not be published. Required fields are marked *