Press "Enter" to skip to content

Tthitumh Ding In A Sawmnak A El Ruangah TV Actress Chu Nam Sawh A Tong.

Television Actress pakhat Malvi Malhotra cu vanchiat nak tongin a theihhngalh mi le Producer i ai chimmi nih namte in a sawh i, sizung ah kalpi a si.

Malvi Malhotra namte i sawhtu pa hi Yogesh Mahipal Singh a si tiah an tarlangh. Hi thil a canliao hi cacawn nikhat zan nazi 9:00pm hrawngah khan a si i Andheri’s Versova area ah a cangmi a si, Malvi hi Cafe in Inn lei i a rak lawi pah ah a si.

Malvi nih hin amah a rak phomh tupa hi a theih tukmi a si, Social Media in ai theimi an si i a Producer bantuk in a ruah a si Personal cun vawi khat lawng an la inhmu rih nghe nghe.

An i hmuh tan ahcun i tthi um dingin a sawm i, sinan Malvi hin a duhlo . Cu hnu ahcun an i chawn ti lo i a block colh hnge hnge. Tribune report ahcun Malvi a lawi lei hi Yogesh Mahipal Singh nih hin a rak dirter i, zeiruang ah dah naka chonh duh lo tiah a ti i ticun fak ngai in bia an i el i Yogesh nihcun namte in a sawh colh.

Yogesh nih Malvi hi a paw le kut/banrek ah a sawh i, a zam colh, Malvi hi Mumbai’s Kokilaben Hospital ah hruai a si, a dirhmun zong a ṭha ngai cang ti a si. Versova Police Station ah Complaint an tuah i, Yogesh lakah hin Section 307 le 354 hmangin bia ceih piak a si.

Be First to Comment

Leave a Reply

Your email address will not be published. Required fields are marked *