Tuchun Ah Kawlram Palek Minung 19 Cu India Ah An Zam Micheu Cu Lampi An Kal Cuahmah
Palik 19 India ram ah an zam a dang zam dingmi zong an um rih.India palik bawi pakhat nih Kawlram palik 19 India Mizo ram ah an rak zam. I dawrnak zong an hal tiah nihin March 4 ah a chim tiah RFA nih a thanh. India palik bawipa chim ning ah cun mah India ram zammi hna cu Tatta deuh an si hna. A zammi palik lei nih an chim ve mi cu palik dang zam aa timmi zong an um rih hna. Micheu cu ralkap duh lo ah CDM an lut. Kannih cu Mizoram ah kan rak zam an ti.
UN le nitlak lei ram nih an upat bakmi Singapore nih a rammi pawl zawkzawk in Myanmar chuah taak uh a ti cangMipi nih kan theih khawh lomi biathli a um hrimhrim ti a fiang. Asian ram lakah business lei top a si i an ram a dai bakmi Singapore hmanh nih Kawlram um a rammi cu a sikhawh chung in Kawlram chuah taak uh. Cun Kawlram zong tlawn lo ding.
Kawlram chung business tuahmi zong kir dih ulaw tiah nihin March 4 ah Singapore’s Ministry of Foreign Affairs (MFA) nih an thanh tiah CNA nih a chim. A sawhsawh si hrimhrim lai lo.Tutan Kawlram buainak kong ah Singapore hi nitlak lei ram nih an i bochan tukmi a si. Asia ram laifang ah a um lengah UN zong nih a zohthlami ramtha a timi a si. Phundang chim cun nitlak lei ram nih Asian ram ah thil a tuah ding si cun Singapore lungtlinnak hi an zoh pengmi si. An sawhsawh lo ti duhnak.
Singapore nih cun Kawlralkap cu zei bantuk ralrinnak pek zong ah a ngeih ti lo caah a za cang tiah UN ah fiang ka ro in a chim. A lungdong cang. A fiangmi cu UN nih caan rau hlan ah Kawl ralkap pawl cung ah thil a tuah hrimhrim cang lai. Nan tha chia hlah uh. Ralkap an hran poh ah hran ve lo ding tu a biapi. Hran le mithah kha ralkap an planing a hnubik an mi teinak kuat a si. A rau lai lo. UN nih thawng a thanh colh lai. Khungzung ah maw a auh hna lai a ralkap maw a thlah lai siloah ram pakhatkhat maw thah a fial lai chim khawh si lo. Credit:Tluang Ceu Thang
