Press "Enter" to skip to content

Tuchun Kalaymyo Ah Ralkap Nih Salai Cung Lian Ceu An Kah

Kalaymyo ah Ralkap nih Salai Cung Lian Ceu an Kah.Nihin Kalaymyo lamzawhnak ah ralkap le palik nih meithal in an kah hna i Salai Cung Lian Ceu a nunnak a liam.Kalaymyo, Taungphila sang, Sehmuh Zone lamtthen ah meithal in lamzawhtu pawl an kah hna hi a si. Salai Cung Lian Ceu hi Taungzalatt sang ah a ummi a si i, Gilgal Baptist Church chungtel a si.Kan hnu zong ah khan Kalaymyo lamzawhtu pawl meithal in an rak kah hna caah minung pakhat a nunnak a rak liam cang tiah The Chin Journal nih a langhter.

thawngpang dang relchap >>>>>>

Kawl Ralkap Nawlngaihnak Le Thilti Khawh Nak Vialte Cu UN Nih Nan Kan Thah Piak Awk A Si

Atu lio kawlram buai nak konghe pehtlai in vawlei cung thawngzamhtu lian CNA’s William Denselow nih Myanmar’s ambassador palai U Kyaw Moe Tun cu interview an tuah.UN palai U Kyaw Moe Tun nih bia tampi a chim mi chungin theih khawh tawk ka vun langhter.Kawlram cu zeitin kan dirkamh ah dah a t’hat bik lai tiah a chim mi ka vun thaiduh bik mi a si.A chim mi cu Febuary 26 ni ah UN Security Council meeting tuah nak ah fiang tein ka chim cang ko.

Cucu zeidah a si tiah cun Kawl ralkap hna thil tuah mi cu Kawlram mipi nih doh,kham khawh ding a si lo caah international community hruaitu hna nih Mipi lei ah nan kan dirkamh i CRPH a t’hawnter.a ran nak in Kawl ralkap nih an tlaih mi President Win Myat le Daw Suh Kyi hna telh in an thlah dih hna lawngah ruahchan nak cu a um mi a si.Kawl ralkap hna cu mizei hmanh nih dirkamh lo in mipi humhim khawh kha a si ko.zeicatiah Kawl ralkap cu Democracy uk pen nak kha a ralchan mi an si.

International community hruaitu hna nih cun CRPH kha bia tak tein thazaang an pek awk le an dirkamh awk a si ko tiah statement zong kei mah pumpak in ka chuah cang mi kha a si.a tu Kawlram dirhmun ah cun Kawl ralkap hi a thih bak in a thih hnu lawngah Kawl ram cu sersiam khawh dingmi a si.kawlram mipi vialte nih kan duh bik mi cu Democracy ram si ve,miphun thlaidannak le pakhat le pakhat karlak ah i zoh niam nak tibantuk vialte kha thlau kan duh.

Kawlram mipi vialte nih kan chunmang tlinter nak caah a tu hi can t’ha kan neih mi a si ko.asinain cucu kan mah kawlram mipi lawng nih tuah khawh mi a si lo International community hruaitu bochan in a si bik.cun, tutan ah Kawlram mipi vialte hna nih kan temtuar nak le kan chunmang hna hi International community hruaitu hna nih hnu an kan chit lai ti cu kan zum hrimhrim lo.International community nih Action a lak zawkzawk lo a si ah cun Kawlram mipi cungah zeidah a cang lai ti cu chim awk tampi a um tiah a chim.

Kawlram ralkap hna nih cun thilti khawh nak zei taktak hmanh a nei lo mi le hriamnam zong a nei lo mi civil mipi kha hramhram in an thah nawn cuahmah mi hna le a phunphun in harsat nak an pek mi hna cu International community hruaitu hna nih an kan zoh sawhsawh lai ti cu kan zum hrimhrim lo.cu bantuk harsatnak kan ton ruangah International community sin ah bawmh kan halnak zong cu a si.asinain cu har nak chungin mipi humhim nak can cu a rau sual lai ti hi phan a um tuk.ralkap nawlngaih nak hi a thah bak in an kan thah piak a herh tiah a chim.

Be First to Comment

Leave a Reply

Your email address will not be published. Required fields are marked *