Press "Enter" to skip to content

Tuchun:Vawlei cung thawngpang laiholh tein(+video)

A voi 23nak Chin Ramkulh Hluttaw Caanhman meeting an tuahnak thawngChin Ramkulh Paletwa Peng le Rakhine Ramkulh ralzaam hna cu khuasik nih a den hna ca ah hrukaih le harnak an tong Stay ah Home nawl chuah lonak Peng kip ah eidin dawr ah thut khawhnak nawl pek a si lainak thawng tel in thawngpang dangdang

Relchap a duh mi hna caah a tang:

US Presidential Result Update: Ka FB hawikom chungin US President thimnak (2020) ah teitu an fiang rih lo ti bantukin a chimrelmi kan hmuh ngai rih hna.

President Trump nih teinak a co tthan lai titiang in a chimmi nan um ngai rih. Tutan thimnak hi kum 2000 lio i Bush le Al Gore cu Florida state ah votes 2000 hrawng lawngin an i thlau caah teitu fiang kho loin caan zeimawzat an rak ummi he hna a tahchunhtu kan tam ngai tikah mirangca a rel kho ve lomi mi cheukhat caah lung awtawmnak a chuahter ngai rua dah ka ti.

US President thimnak result cu January 20 ah uknak nawl an i thlen hnu lawngin tlamtling in fehtermi asi zungzal ko nain States cio nih votes an relmi result in teitu thanh cia an si camcin ko.

President Trump le a dirpitu mizeimaw nih thimnak result cu States cheukhat ah an dohkalh (challenge) len ko nain an thlen khawhmi zeihmanh a um rih lo hlei ah State pakhat cio nih an State election result an thanh (certified) cang caah teinak cotu cu Mr Biden asi ko.

Cucaah US President thimnak ah teitu an fiang rih lo asiloah Trump nih teinak a co t’han ko lai tiin a zumtu le a chimreltu poah nih phaisa thap (betting) in zuamcawh khawh ka si. Kan miphun chungin Mirangca aa rel kho lomi pawl caah lungbuainak nan chuahter ngai tiin ka hmuh caah biatak tein ka van chimmi asi. Credit: Biak Hnin Sang

Be First to Comment

Leave a Reply

Your email address will not be published. Required fields are marked *