Press "Enter" to skip to content

Tuipuiral YMA: Hnangam Tein Um Ulaw Angei Tu Lungput He Khua Kan Sa Tti Hna Lai

Tuipuiral group YMA hna cu nihin ah Thekte khua a ummi ralzam hna an va tlawng i, ei-din an va pek.

Ni hin ni tiang Tuipuiral YMA group area chungah ralzam alutmi 1500 leng an lut cang i, mah chungin 250 leng cu hmundang an panh cang i, mi 150 leng cu mi inn hlan in khua an sa cang.

A tu ah Farkawn hi Tuipuiral ah ralzam a tam cem nak khua an si i, minung 500 an um. Tuipuiral YMA area chung khua 23 lakah khua 6 ti lo cu ralzam ngeih dih an si, Farkawn ti lo cun Thekte khua hi inndawng tuak ah mi khual an ngah cem an si i, mi 130 hrawng an ngei lio tiah theih a si. Hnangam tein le mah le khua/ram bantuk in a ngeitu lungput he khua kan sa ti hna lai tiah Tuipuiral group YMA Vice president Pu C.Lalpektluanga nih ni hin Thekte khua um ralzam hna an va tlawn nak ah a chim.

A tu dirhmun ah Chin ram ramri le Mizoram Lunglei, Champhai, Serchhip, Lawngtlai, Saiha District ramri pawng khua hna lawng si loin Mizoram chung khuapi 11 lakah Aizawl, Champhai, Saiha, Sangau hna cu ralzam um tam nak a si. Ralzam hi ni fa tin an i chap lengmang caah fiang tein chim a har ngai. Mizoram a lut cang mi dihlak hi 2000 an si cang lai tiah theih a si.

Credit: Chin Post

Relchap: Myanmar Ralkap nih Rammi cung ah an Tuahmi Sualnak Tehte 180,000 CRPH ah a Phan tiah Dr. Sasa nih Langhter
β€”β€”β€”β€”

February 1, 2021 thawk in Myanmar ralkap nih rammi hna cung ah an tuahmi sualnak tehte 180,000 cu CRPH sin ah a phan cang, tiah Dr. Sasa nih nihin ah a chuahmi thawngthanhnak ca ah a langhter.

Tehte 180,000 a um pin ah upadi he aa kalh in Myanmar ralkap nih mi an thahmi 540 an si i, tlaih an ton hnu ah a nunnak a liammi minung 10 an si, tiah a langhter chap.

CRPH nih a sermi upadi thiamsang bu le atulio Myanmar kong hlathlaitu Independent Investigative Mechanism for Myanmar (IIMM) timi bu cu nihin April 7 ah tonnak an ngei lai i hmailei rianttuan tti ning pawl an ceihmai lai, tiah Dr. Sasa nih thawngthanhnak ah a langhter.

Credit: The Chin Journal

Be First to Comment

Leave a Reply

Your email address will not be published. Required fields are marked *