Press "Enter" to skip to content

Tukum Myanmar Rampi Thimnak Ah NLD Nih Teinak An Hmuhnak A Ruang Phun ( 6)

Mipi lei nih hruaitu thimnak hi mirang holh in Election tiah an auh. Cun, cunglei upa hna nih an tang lei rianttuan ding an thimtthan mihna khi Selection tiah kawh a si. Mipi nih thimnak (election) kan dih cang i thimnak ah a tlingmi cunglei party hruaitu pawl nih State chung i minister pawl cu an thim (selection) tthan lai. Cucu democracy ram pawl nih an tuah ning a si. Zeiruang ahdah NLD hi term hnihnak an tlin tthan? Ka ruahning ka rak chim lai .

1.Ralkap cozah chan liaoah thih ttih loin an doh ngam. 1990 kum ah thimnak an tling nain ram uknak an pe lo, kum 20 hnu ah thimnak an tuah nain an telter tthan hoi lo. Thimnak an i tel hi tu kum in kum 5 lawng a si rih. Mipi nih an zangfah nak le duhsak nak hi a liantuk rih a si lai.

2.A liamcia term ah thilttha zeimaw zat an tuahkhawh mi cungah mipi an lung a awi rih a si lai. Cun, tuah sualmi pipa an neih rihlo tikah opposition pawl i soisel ding (challenge) a umlo ti tluk a si kho.

3.Party lianmi chung i umnak nih thil tawlrel le tuaktan a oldeuh tihi mipi nih an theih fian caah a si kho. MP hrut deuh zongnih party min ruangah thil tuahkhawh mi a um lai tiah ruahnak an nei a si kho.

4.Opposition pawl i mipi an sawm ning a diklo zong a si kho. Tahchunh nak ah; CNLD uarlo cu miphun tlau, miphun zuar thlai, Kawl taw liak, mi a timi pawl hi an serhleih hna ruang zongah a si kho.

5.Opposition,khatlei party MP cuhtu pawl hi mino deuh an si ruangah mipi nih an bochan kho taktak rih hna lo ca zongah a si kho.

6.Tangka pe tam le pe tlawm zong a biapi ngai. Election i tangka hman hi, vulei cung ramkip i thimnak ah an buaipi tuk ciaomi a si. Nungak pawl nih a duhtu ciao ciao ah a mah a cawm khotu ding kha a pasal ca i ai thim deuh bantuk a si. I thimnak ah hin tangka a bawi tukmi hi kan hrial deuh zong a haumi a si.

NLD an bawi ruangah opposition pawl thachiat awk a si hrimhrim lo. NLD nihhin Politic hi thi lo nunglo in an buaipi chung a sautuk cang. An i pumpek mi zoh tikah teinak an co hi a phu hrim hrim ko. Opposition pawl zong duhsah tete in mipi thinlung a tei ve lai i teinak an hmuh ve te kolai. zuamnak timi cu teitu a um lai i teimi a um phung a si ko. ram le miphun caah lungdong lo tein i zuam ciao ko hna u sih.

Be First to Comment

Leave a Reply

Your email address will not be published. Required fields are marked *