Press "Enter" to skip to content

Tuni Chung Lawng Bak Ah Laitlang Ah Covid In Minung 5 Bak Te An Nunnak A Liam Tiah Theih A Si, A Poitu Hringhran ko Mu>>>>

Tonzaang Khua ah COVID-19 in Minung 3 Nihin ah an Nunnak a Liam
———-
Nihin (July 4) Tonzaang khua ah COVID-19 mizaw pathum an nunnak a liam, tiah thawng kan theih.
“COVID-19 zawtnak in an nunnak a liam. Minung pahnih cu sizung ah an thi i, a dang pakhat zunthlum zawtnak a ngeimi hi inn ah a nunnak a liam,” tiah Tonzaang peng ngandamnak lei director Dr. Thang Shing nih a chim.
Nihin ah Tonzaang khua ah minung 31 COVID-19 zawtnak an check hna i minung 8 sin in COVID-19 zawtnak an hmuh chap, tiah thawng kan theih.
The Chin Journal
July 4, Yangon
(Khonumthung)

Zarhpi zing ah Tedim ah Covid in minung pahnih an nunnak liam
============================================

hKaptel khua mi Pu Un Kham Suan(55) le zinglei suimilam 5:45 ah Saizan khuami Pu Sawn Za Lian (61) hna pahnih cu Covid in an nunnak a liam.

Thantlang Covid-19 Emergency Response Committee thawngthanhnak :
A tanglei bantukin, a kan hruaitu hna nih zulh ding a kan serpiakmi, kan rak zulh nak lai, thawngthanh le zangfah nawl kan in duh hna:
✔️Kan khuachung ah mithi um tikah, ruak i fimtawl ning:
1). Covid in mithi kan neih sual ahcun, Covid Committee ttuanvo laknak in, vui cawlh a si lai.
2). Hmundang kaa dang in, mithi an um i, ruak tlunpi asi ahcun, suimilam pa 1 chung, inn ah ruak suan in, vui ding a si lai.
3). Khua chung i, mithi ruak cu, an thih in suimilam 3 chungah, ruak vui lim ding a si lai.
🚥 Zaan, suimilam 7:00pm cung i mithi um ahcun, Darkhing tum rih lo in, a thaizing suimilam 6:00am ah dartum a si lai i, zing suimilam 9:00am ah ruak vui lim ding a si lai.
✔️Mithi inn i ruak humh tikah ralrin ding le zulh ding:
1). Lakphak ti le hangthlum i pek lo ding!
2). Rawl dum nak tuah lo ding!
3). Ruakvui nak bulletin tuah lo ding!
4). Ruak hmumh tikah sau tthut lo ah a tha bik!
5). Covid phung in, Pe 6 dan in thut i, Mask i hruk ding, cun Hand-get in kut i ttawl ding asi lai!
📢 Hi zulhphung hi, July ni (4) in Thantlang khuapi tein zulh ding si lai..!
✔️Share khawh asi✔️
# Thantlang Covid -19 Emergency Response Committee,
Volunteer Team

Be First to Comment

Leave a Reply

Your email address will not be published.