Tuni Myaing Peng Tayatkaan Khua Kahdohnak Ah SAC Ralkap 17 An Thah Hna

Magwe ramṭhen, Myaing peng Tayatkaan(သရက်ကန်) khua ah umhmun khuar mi SAC ralkap le pyosawthi sakhan cu mipi vengtu ralkap phofonh hna nih hriamngan le hriamhme he an luhhnawh hna i SAC ralkap 17 an thi, tiah cia-tit-net pyohcia (ကျားသစ်နက်ပြောက်ကျား) nih nihin March 24 ah thawng an thanh. Cun An sakhan zong hrawhpiak dih an si tiah an chim. SAC ralkap nih anmah lei a thi mi hna ruak cu Tayatkaan khua thlaan ah an phum hna, tiah cia-tit-net pyohcia nih an chim.

Myo Hla PDF le SAC Ralkap Kahdohnak Ah SAC Ralkap 3 An Thi: Myo Hla (မြို့လှ ) PDF Battalion hmunhma chung ah a ra mi SAC ralkap hna cu nihin March 24 zing Sml 7 :20 hrawng ah mizapi vengtu ralkap hna nih bomb puah in an doh hna. SAC ralkap minung thazaang 45 hrawng cu tilawng veng ding in, Okfat Wegyi (အောက်ဖက်ဝဲကြီး) khua in an ke in an kal i, hi lio ah mizapi vengtu ralkap hna nih an kah hna. Cu kahdohnak ruangah SAC ralkap minung 3 an thi i, tamlakte hliam an tuar, tiah Myo Hla PDF nih cathanh an chuah.

Cu kadohnak cu minutes 10 hrawng a rau i, SAC ralkap lei nih hriamngan le hriamhme he pehzulh in an kah hna nain mizapi vengtu ralkap leiin a hliamtuar um lo tein hnu an tolh kho, tiah theih a si.Crd the chin post
Thantlang peng, Zahnaktlang Lungler khua ah Zuureu, OB thawl 300 tlaih a si i a zuartu cu tazacuai ding in case ser piak a si. Zuar ding ah ramtang i an thuh mi zong Zahnaktlang palek nih an kawl cuahmah lio a si, tiah tualchung thawnghram in kan theih.

relchap..Thantlang peng, Zahnaktlang Lungler khua ah Zuureu, OB thawl 300 tlaih a si i a zuartu cu tazacuai ding in case ser piak a si. Zuar ding ah ramtang i an thuh mi zong Zahnaktlang palek nih an kawl cuahmah lio a si, tiah tualchung thawnghram in kan theih.

People’s Police Force Thantlang, Zahnak Area nih Lungler khua ah nihin 24 March 2022 ah zuureu, O.B lang 250-300 kar hrawng an zuar cuahmah mi cu an tlaih i, a zuartu, a ngeitu hna cu biacaihzung ah tazacuai ding in case an onpiak hna.

Inspector Sang Hlei Cung hruainak in hi zuu hi an tlaih hna i, zureu le zuar ding ah ramtang an thuh mi zuu zong an kawl cuahmah lio a si. Zahnaktlang ah thlali chung ah case serpiak mi 13 chung ah 10 hi zuu he aa pehtlai mi an si. Cucaah zuureu zong kan khap i, zuu zuar zong kan khapnak a si, tiah Zahnaktlang Battalion i Information Department Director Salai Nawl Tling Lian nih Zahnak tlang group ah a ṭial.