CNDF Ralkap (2) Tlaih An Ton Hnuin Ramri Hlei Cungah SAC Ralhrang Thanhtar Cu An Chiah Than!Chin ramkulh Falam peng Rih Khua Dar ah CNDF sakhan cu SAC ralhrang ralkap nih March 26 zinglei sml 5:30 ah luhhnawh in an kah.
Nawlngeihnak latu SAC ralhrang ralkap nih CNDF ralkap (2) an tlaih tiah theih a si.Cun nizan ah online cungah a linsa ngaimi ramri hlei cung i CNDF thanhtar cu SAC ralhrang ralkap an laak i, anmah ralhrang thanhtar an chiah than cang tiah theih a si.Crd: Zalen
Matupi Peng Chung Paletwa Peng He Aa Pehtlaihmi Lampi Cu An Phih Lai!SAC ralhrang ralkap nih an tuah dingmi tanghra cammipuai cu kum 2022 March 31 in thawh ding a si i, April 9 tiang caan rauh ding a si caah Matupi peng chung Paletwa motor lampi siseh
Paletwa-Semi lampi telh in Paletwa peng he aa pehtlaimi lampi a simi paoh cu March 28 thawkin April 9, 2022 tiang SAC ralhrang ralkap nih an phih lai tiah theih a si.
Rakhine ramkulh Sittui leikap i luhchuahnak vialte zong luhchuah khawh a si ti lo pinah motor ngan, hme telh in tilawng tiangin siseh ke in khual tlawn siseh rikhiahmi caan chung ahcun ahohmanh kal a ngah ti lai lo tiah The Matupi Times sinah thawngpang pek ningin theih a si.
Matupi peng chung zongah tanghra cammipuai a phi dingmi siang ngakchia 100 lengkai in 107 tiang an tlawm chin lengmang cang tiah theih a si.
Be First to Comment