Press "Enter" to skip to content

Tutan Kawlram Buainak Ah Naypidaw I Hrenhkhumh A Tong Mi Pi Siami I A Chim Mi Cu Thinlung Mithli A Tla Ko Mu Celh Ding A Si Loh

Myanmar ralkap nih Myanmar ram nawlneih nak an lak dih hnuah, hlutdaw meeting kai dingin Naypidaw i a phan cang mi hlutdaw palai pawl cu an umnak hmunah chuak kho ti lo ding in kharkhumh rih an si i, lenglei in ralkap in an chawnh thap hna.

Mah cu ah Kalay myone in pituh hlutdaw palai Pi Siami zong Meeting kai dingah ai tel ve i phone in a dirhmun le thawngpang hal a si tik ah phone line that lo tuk he, fianglo ngai in an dirhmun cu mipi sin ah chimfian nak a nei.

Pi Siami nih cun “Hlutdaw meeting kai dingin kan phanhnak inn Naypidaw ah hrenhkhumh kan si i lenglei ah hin cun kan chuak kho lo lawlaw. Keimah lawng ka siloh i hlutdaw meeting kai dingin Naypidaw i a phan mi vialte cu hrenhkhumh dih kan si.

“Kan umnak inn cu lenglei in ralkap nih an kulh dih. Ei in cu pek kan si ko. Mipi sinah cah kan duh mi cu hahdam tein rak um ko rih uhlaw buainak rak tuah bak duh hlah uh timi hi a si,” tiah a ti.

Tu ahcun ralkap nih Myanmar ram nawlneih nak an lak dih cang bantuk in, ramkulh kip le ramthen kip zong ah, ralkap nih nawlneih nak an lak dih cang. Cozah zung vialte cu ralkap nih an luh hnawh dih cang i, Chin ramkulh cozah hruaitu lakin a cunglei pawl vialte zong tleihdih an si. ( KB )

Be First to Comment

Leave a Reply

Your email address will not be published. Required fields are marked *