Vawleicung Nun Khuasaubik 118 Cu Tuzing ahkhan Nunnak A Dih! Vawleicung nunkhuasaubik French tlangbawinu (nun) cu kum 118 asi ah a nunnak a liam, tiah Tuzing ahkhan a umnak khua Toulon khuabawi Hubert Falco nih a Twitter ah a tial.
French tlangbawinu (nun) Sister André cu Pathian nih kum 118 tian vawlei taksa damnak a pek hnu ah, Tuesday at 2 a.m. local time ahkhan a thih tiang a Pa rian a tuanpiak mi sinah a kan kaltak cang, tiah biachimnak nawlngei David Tavella nih a ti.
Tlangbawinu (nun) Sister Andre hi February 11, 1904 ahkhan Lucile Randon, France ah a chuak, tlangbawinu (nun) a tuan hlan Ralpi Pahnihnak (World War II) lio ahkhan cawmtu ngeilo ngaktah kum 28 chung a rak zoh khenh hna. Cun hospital ah tar damlo le thihbawh in a um cangmi pawl zoh khenh in a caan hi a rak hman, cu hnu ah Catholic nun a thih tiang a tuan.
Sister Andre hi Japanese Pi Kane Tanaka April 19, 2022 a thih hnu khan vawleicung nungmi lakah upa bik record rak siamtu asi. Vawleicung a nun khuasaubuk theihmi ahcun French nu thiam Pi Jeanne Louise Calment a si i February 21, 1875 ah rak chuak in kum 122 le ni 164 tiang a rak nung in record asi. Credit; Chelsea Bawi
MAH Nih A Pennak Hmun Zungzal Awk Ah Aa Ngeih Mi Simankin Pathum (Part 7) Chansau Ukpennak Lamthluan Dotthumnak (a) MAH nih a pennak chansau ter awk ah Lamthluan Dot thum in aa zuam. Dot khat nak le Dot hnih nak hlawhtlin awk ah 2023 thimhnak cu a chungril le a muru asi. Cu tluk in a biapi mi ah I tello awk a ṭha lo mi cu Tlangcungmi kan si. Cucaah MAH pumpak in Tlangcungmi phu cu a tawn hna hi asi.
Tlangcungmi zawnruahnak le Tlangcungmi duhmi Federal caah asi lo. Amah MAH pennak chansau ter awk ah le Tamada si khawh awk ah, 2023 thimhnak in aa zuam duh mi tu asi deuh. Kawlrawn mipi le NLD minung nih an ka duh lo zongah, Tlangcungmi le EAOs nih an ka cohlan ahcun aza timi mumal in MAH cu a kal. DASSK le NLD nih an chan lio ah an hlawt hna tikah, MAH lei ah a lung ummi Tlangcungmi hruaitu hi an tam deuh cang.
Rallokap nih EAOs an si ko tiah phung ningin an thanh mi hi 26 an si. Cu 26 lakah, 17EAOs hi a ngan bik mi ansi. EOA 17 nih amah MAH an cohlan awk kha aa zuam nain, 10 lawng nih an cohlan. CNF < KIO < KNU < KNPP < AA < TNLA lawng nih MAH cohlan loin NUG an cohlan. Zatuak tamdeuh (51%) leng nih cohlan ahcun aza mi asi. Cucaah MAH nih Tlangcungmi hruaitu cu amah pumpak in a tawn hna I bia a ruah hna hi asi. 2023 thimhnak hlawhtlin awk ah a si.
Hi bantukin a tuah lawngah, MAH cu Tamada asi khawh lai I Rallokap pennak cu a hmun zungzal ve lai. Phungning loin Hramhram in uknak an lak mi cu Phung ning in asi cang lai. Legitimacy (Mipi le Vawleipi) timi cozah na si ko tiah Phungning in cohlan nak hmuh khawh ding ah MAH nih aa zuam nak asi.
Upadi ning le phung lut awk ah, Ramkhel Party rual le EAOs hna cu kahcham le tambo in a hmang tu MAH te Ralhrang an si. Tlangcungmi cu MAH Puai ah a lam tu ding le a linsa tertu si awk ah sawm mi le lemsoi mi kan si. A can ah covo kan pek hna lai an kan sawm bantukin, 2023 thimhnak ah nan I tel lo ahcun Covo vialte nan sungh lai, nan chanchung ah Federal nan hmuh khawh lailo tiah tlerhkhawn kan si.
Fainternak: Part 1- Part10 asilai. Rel rak i zuam ve. Part 10 a dih in Email in PDF in kuat khawh na si. Ka sian ko Man lo tein. Credit; Joseph R Thang
Be First to Comment