Press "Enter" to skip to content

Tuzing Lihninh Ruangah Lungcawi An Biakinn Rawk

Nihin Zinglei Lihninh ruang ah Lungcawi Biakinn a Rawk. Nihin November 26 zinglei sml. 6:15 hrawng ah a cangmi lihninhnak ruang ah Hakha he meng 50 hrawng a hlatnak Lungcawi khua i Believer Church biakinn ah rawhralnak a um, tiah Khrihfabu pastor sin in thawngpang kan theih.

Lungcawi Believer Church ah pastor a ttuahmi Saya Van nih, “Li aa hninh ning a fak hringhran. Kan khua thing inn pawl cu an i thui dih ko. Sau deuh i hnin sehlaw zeidik kan lawh hnga,” tiah lihninh a fah ningcang The Chin Journal ah a chim. Lihninhnak ruang ah Believer Church biakinn pulpit cunglei tlakrawh a cim i pulpit zawn ah a vung tla.

“Pulpit cung i tlakrawh rualmi a cim i celling a pemh hnu ah pulpit zawn ah a tla. Thudan cheukhat le thilri cheukhat an rawk,” tiah a chim. Hakha khuami hna zong nih lihninhnak fak ngaiin an theih ve. “Nihin zinglei lihninh cu a vawr bak in a kan vawr ko. Inn a rawkmi zong an um kho men. Aa hninh ning a fak tuk,” tiah Hakha khuasa pakhat nih a chim ve.

Lihninhnak kong he pehtlai in Myanmar khuati zung nih “Hakha he meng 10 a hlatnak Nitlak-Chaklei zawn ah 6.0 Magnitude lihninhnak zinglei sml. 6:15 ah a chuak,” tiah report a chuah ve. US Geological Survey zong nih Hakha pawng ah 6.1 Magnitude lihninhnak a chuak, tiah a langhter ve.

[Burmese]
မြေငလျင်လှုပ်ရှားမှုကြောင့် ဟားခါးမြို့နယ်တွင် ဘုရားကျောင်းတစ်ကျောင်းပျက်ဆီး
————
ယနေ့ နံနက်ပိုင်း ၆:၁၅ အချိန်ခန့်က ဟားခါး‌ မြေငလျင်စခန်းနဲ့ ၁၀ မိုင်ခန့်အကွာ အနောက်မြောက်ဘက်တွင် မြေငလျင်ရှားမှုဖြစ်ပွားရာ ဟားခါးနဲ့ မိုင် ၅၀ခန့် အကွာတွင်တည်ရှိသည့် လုံကြွယ်ကျေးရွာ Believer Church ဘုရားကျောင်းတွင် ပျက်ဆီးမှုရှိခဲ့ကြောင်း သတင်းရရှိသည်။

ဘုရားကျောင်း ပလ္လင်ပေါ်တွင် အုပ်နံရံပြုတ်ကျပြီး ထိုင်ခုံနဲ့ပလ္လင်ပေါ်ရှိ ပစ္စည်းတစ်ချို့ ပျက်ဆီးသွားကြောင်း အသင်းတော်ပါစတာတစ်ဦးက The Chin Journal ကို ပြောပါတယ်။ ယနေ့နံနက်ပိုင်း ၆နာရီ၊ ‌၁၅မိနစ်၊ ၄၅စကန့်အချိန်တွင် အင်အား ရစ်(ခ်)တာစကေး (၆.၀) အဆင့်ရှိ အင်အားအသင့်အတင့်ရှိသော မြေငလျင်တစ်ခု လှုပ်ရှားသွားကြောင်း မိုးလေ၀သနှင့်ဇလဗေဒဌာနမှ ထုတ်ပြန်သည်။
– The Chin Journal

Be First to Comment

Leave a Reply

Your email address will not be published.