Press "Enter" to skip to content

U.S Um Lai Mi Caah Ralrinnak A Kan Petu Si Hram Seh; By: Vanuk Ceu Khenglawt

RALRINNAK A KAN PETU SI SEH
November 26, Thanksgiving ni zaan 8 ah khan thla 5 nak nau a pawi lio mi, kum 22 nu, fanu kum 6 le fapa kum 1 a ngeimi, Amethyst Killion, St. Peters, MO, cu a umnak kan thei kho lo tiah a chungle nih police sin ah report an pek i a thaizing Friday ah police nih a inn pawng ah a ruak in an hmuh ti si. A lu, a hngawng, le a paw ah namte sawhnak hmun 20 hrawng a um an ti. A paw chung i a pawimi naute zong namte sawhnak in thih dawh a si.

Kum 27 pa; Damion Delgado hi a thattu si lai tiah lunghrinh in an tlaih. Hi pa he hin ai theimi an si lo nain online in ca an i kua tawn rua i Thanksgiving ni zanlei ah i tong ding in ca an i kuatmi an hmuh ruang ah an theih mi a si. Hmithi nu hi online in pa pawl he ca i kuat phun le i zuar tehna zong a hmang pahmi si rua tiah news ah hin an ṭial.

Hi kong ka rel cangkaa in ka lung i a chuakmi cu Chin nutung tete zong warehouse i rianṭuan ve mi mi dang pa pawl he a thli in vahvaih a hmang mi an um len ti an ka chimh tawnmi kong ka ruat colh. Miraang pa lak ah hin nupa sualnak tuahpi hnu i thah beh a hmangmi hi an um lengmang tawn i a thli in mi dang pa he cangai khorh le sum sukter a hmangmi pawl caah ka thin a van phang pah i siaherh bia ah report ca ka van ṭial/pho duak ve. A dih.

Crd: Van Uk Ceu Khenglawt
Rf; Fox New

Be First to Comment

Leave a Reply

Your email address will not be published. Required fields are marked *