Press "Enter" to skip to content

Uar An Um Bak : Kyaw Kyaw Thihnak Kong Ah Hakha Nan Daih Ahcun Falam Kan Cawlcaang Lai Hih An Ti

Tutan Mizoram, Sangau ram ah kan miphun Kyaw Kyaw an tuahto le an thah ning cu kan miphun kan lung fak bak ko. Anmah YLA (Young Lai Association) lei an thil tuahmi le an cathanh tete rel lengmang tika an kan nihsawh le sersat zong a lang chin lengmang. Mizo hrimhrim zong nih an kan nihsawh tuk cang. Hi kong ah Falam lei nih Hakha lei nan cawlcangh lo i nan daih sawsawh ko ahcun kanmah nih biatak tein ttuanvo kan lak lai an ti cang.

Aziah, kan miphun kong ah thih ngamh in heh tiah miphun caah cun, cu ee kha ee tiah online ai ai cerhro lenmi miphun party tiah aa ruatmi CNLD (Chin National League for Democracy) mino pawl kan cawlcangh pi ne u ca. Thim lai i, nan cawlcangh le nan statement chuah tam lawng maw si lai. Mah bantuk hna hin pei von kan cawlcangh pi ulaw hmailei thimnak hna ah kan in bochan cang hna lai cu. A herh huaha lomi hna ah heh tiah lam hna nan vai zawhter ko cu teh. A huaha lo hmanh ah cathanh zong cu nan vai chuahter thulh ko cu teh.

Khah! miphun caah thih a ngamhmi le miphun a daw bak tiah a ruatmi CNLD le mino pawl kan in bochan ko hna hih. Mah Kyawkyaw thihnak kong ah ttuanvo nan kan lakpi ahcun zapi nih nan hnu lei in kan dirkamh bak hna lai. Mah bantuk caan ahhin CNLD hi von cawl ulaw hmailei thimnak zong ah teinak nan hmuh hrimhrim lai. Hakha le Thantlang hrimhrim kan cawlcangh awk a si. Falam nih an kan cawl kanh ahcun kan ningzak tuk lai hih.

Be First to Comment

Leave a Reply

Your email address will not be published. Required fields are marked *