Uar An Um Kho Tuk E : Chin Mi Bawmh Dingin CNF/A Ralkap Timh Cia Kan Si
CNF Hi An Thu Sawhsawh Lo: Tutan Myanmar ram buainak ahhin cheukhat nih CNF cu zeihmanh an si lo, an zam dih cang, an ral a chia tuk ti in kan duh paoh in kan rak au, ca kan thlah! CNF hi kan thu sawhsawh lo, tiah CNF hruaitu upa pakaht a simi Pu Daniel Sakhong nih Chin Post he biaruahnak ah a chim! A chimmi tampi chungin a tawifiannak in seh….!
1. Ralkap nih nawlngeihnak an lak in a thaizing ah CNF nih duhlonak ca kan chuah colh! Hihi cu zapi theih….!2. CNF nih tlangcung hriamtlaibu dihlak he zeitindah kan cawlcangh lai timi ceihkhannak kan ngei peng! 3. Kahnak a um sual ah tiin kan nupi le kan fale hna caah Mizoram ah um chungnak kan hal. Asinain CNF upa le CNA ralkap hna nih cun Chin mipi kan in zamtak hna lo, nan pawng teah kan um peng ko. Nanmah bawmh dingin timh cia kan si peng!
4. Chin mipi fahnak le harnak a petu cu CNF kan ral ngan bik an si caah kan zoh sawhsawh hna lai lo. 5. Kahnak a chuah i kan Chin mipi tlikzam a hauh sual ah tiin Mizoram Chief Minister Pu Zoramthanga le Mizo Zirlai Pawl president zong tha tein kan chawnh cang hna, cu pinah Aizawl ah facang dip 1000 leng kan cawk i kan chiah cang.
6. Ramleng ah ramchung i CDM ruang le lamzawhnak ruangah harnak a tongmi hna bawmhchanhnak ah tiin CNF nih tangka kan hawl cuahmah lio! Mah vial hi a tawinak in sisehlaw, tlamtling tein theih a duhmi nih Chin Post le Pu Daniel Sakhong biaruahnak kha Chin Post page ah zoh khawh a si! Credit: Chin Post/ Photo Credit: Salai Bawi Lian Mang
