Uar Um Kho Taktak : Chin Pa Pakhat Nih Palik In Ai Dinh Nak A Ruang A Chim Tha Kho Tuk (+Video)

Upat tlak, Lai pasal ttha bak a si. A fawi hrim hrim mi a si lo, chungkhar zohkhenh nak in a tuan ve mi rian chuah tak hi. “Palik rianttuan hi keimah nih ka rak duh mi te a si i, 2012 in ka rak tuan cang, Ka tuan chung ah miphun le ram caah tiin ding tein tuan kai zuam ve i ka tuah khawh ve, a sinain tu ahcun Ralkap tang ah ka tuan duh lo ruang ah palik rian zong ka kal tak cang lai” tiah a chim.

Video a tanglei ah kan van thil chih.

Salai Pa Thawng nih lawmhnak bia le hnemhnak bia a ttial chih. Ka Nau, kum 7 renglo Palek rian ah felfai tein na si khawh tawkte in rian na tuannak cungah upatnak kan pek. Kan Kawlram uknak tha lo ruangah na nupi le fa cawmnak ah na hmanmi na palek rian kaltak in Ralkap uknak that lo tangah riantuan duhlo in mipi leiah ttang dingin CDM luh ding naa thimmi cungah kan upat. Zei hen na sual khi bang zan ih hmanh merem lo le rawl ei chungpil kho loin kumkhat tluk a si na fapa le na nupi tiin fingreicat arkhuang hlan in nan ruun inn le chungkhar kaltak in hmuhlo tluangdang nan kal ni cu na chungkhar kan celh hrim lo. Nain tu naa thimmi lam CDM hi har ko hmanhsehlaw teinak ngeitu Pathian nih a kan umpi lai i teinak thantar kan zar caan a phan zau te ko lai ka nau.

Kum khat tluk a si i na fapa Ceupi cu zeihmanh theih rih Hlah hmanhsehlaw a hung upat tikah mah tuanbia naa thimmi CDM kong na chimh te tikah upatnak an pek ve te lai zong ka zumh. Zu le va hmanh rawl loin a chiahlotu hna kan biak Pathian nan caah a tha bik in khua a khan te ko lai. Har ko hmanhsehlaw tuanbia tha lam hman nan thimmi cungah upatnak kan pek hna i nan caah thlaza kan in campiak peng ko. Thennak cu ton thannak an ti bangin kan ram a that te tikah ton thannak um zau ko lai zong kan i ruahchanh. Salai Pathawng