Press "Enter" to skip to content

Umnak Inn Ngeiloin Zuun-inn i Khaw A Sami Pu Hlimawma le A chungkhar Konglam (+Video)

Mizoram, Thingdawl khua i umnak ngeilo in khualak i an tuahmi zuun-inn ding i an sak mi inn te ah a ummi Pu Hlimawma te chungkhar cu zangfah tu tam pi an ngei cang. Pu Hlimawma te chungkhar cu Pu Hlimawma nih aihlawh mi tein an i cawm i fanu pakhat te an ngei. Kum 2020, covid 19 boruak ruang ah lockdown an tuah kate ah chungkhar pa cem a simi Pu Hlimawma cu Ungti (Coconut) nih a kengruh ah a tlak hnawh sual i rian ttuan kho ti lo in a um caah an harsa taktak.

Ungtii ih tlak hnawhnak cu minung taksa caah i a biapibik mi a keng ruh pi (spinal cord) a si i, ṭhiṭha in a kal kho ti lo. An nu zong hi Ke ṭhalo a si tikah an chungkhar cawmin zohkhenh kho ding dirhmun i a dirmi a silo lo tikah zangfak taktak khi an si. Cucaah an harsat tik tikah khawlak zun zuunnak inn ah an umnak hi a sisi i, inn pa pawl nih bawmhnak an pek mi in zing zan rawl an ei khawhnak hi a si.

Hiti i an harsat nak hi Misoram i alar tukmi Zo Inspiration YouTube Channel nih an theih tikah an tikhawh tawk tein bawmhnak pe dingin an khua ah an va kal i hmaitonh biahalnak an tuah lio cu video in an zeih. Cu video cu YouTube ah tlangzarhnak an ngei i azohtu zong an tam kho taktak. Cuti cun Zo Inspiration nuh cunPu Hlimawma le a chungkhar caah bawmhnak an tawlrel piak i, atu ah hin Rs 3,15,065 an hmu i chungkhar hna sinah an ap cang.

A tanglei ah a Video kan van thil chih.

Be First to Comment

Leave a Reply

Your email address will not be published. Required fields are marked *