Press "Enter" to skip to content

UN Le US Cung Ah Mipi Nih Hnabei Seinak Kong Ah Dr. Sui Hingz Nih A Hmuhning A Vun Langhter, Zeitin Dah An Ruah Cio?

UN Le US Cung Ah Mipi Nih Hnabei Seinak
– Dr. Sui Hingz hmuhning
____________
UN nih Chapter 7 a hman lai, cun ICJ ah case sawk an thawk timi kong ah UN Security Council nih UN chungtel ram khat khat ah daihnak caah ṭihnunnak tlerhnak le biakam hrawhnak a um tikah UN Chapter 7 i Article 41 le 42 ning in zeitindah dantatnak le action a lak khawh tiah aa ṭial ti ahcun:

Article 41 ah UN Security Council nih hriamnam hmang lo in, cu daihnak umlonak ram ah a luh tikah a tuahmi cu Sipuazi le diplomatic lei pehtlaihnak ṭhenkhat a hrawh pin ah vanlawng, tlanglawng, le rili lei pehtlaihnak siseh telecommunication pawl postal, telegraph, internet tibantuk pawl kha zeimawzat phih kha a si. (not involving the use of armed force) a ti.

Article 42 ah UN Security Council nih Article 41 lawng nih a zat lo, a tlinh lo ti a si ahcun van, rili, le tlang ah ralkap thaa hman in ṭuanvi a lak khawh. Cu hmalaknak hna cu duhlonak langhternak ah kham tibantuk le ti, rili, tlang, le vanlawng lei ralkap thazaang in buainak khamh kha a si.

Cucaah a awlnak in chimh ahcun UN nih atu buainak hi daihnak a chuahnak hnga a kham lawng a si i, Kawlram ralkap kha ṭhuat le kah in a thah, a thlak hna lai, (overthrow) a tei hna lai tinak a si lo. Ral a do lo. Peacekeeping army lawng an si. Ral an kap lo. Daihnak a khawh nakhnga tlangtlatu.

ICJ le ICC hi cu kum tamtuk a rau dingmi a si i tulio harnak a daih (solve) kho colh lai lo. (US bel a luh ahcun UAV timi drone) Minung i cit lomi vanlawng nih ralkap umnak a kah i a hram in a bungh khawh tinak a si nain US hi anmah ram National Security caah tlerhnak le ṭihnungmi – Threat a um lo ahcun a lut lai lo.

Biafunnak ah… Cucaah ralkap hi a hram in bungh duh ahcun a fawi bikmi cu pakhatnak ah Caretaker cozah- ad hoc hi MP pawl le tlangcung hruaitu pawl le fimthimnak ngeimi -expertise pawl nih Inn-Hngak Cozah dirh hmasa hnu ah 2008 Phunghrampi hrawh hnu ah Federal phunghram a hran kha fehter phot, mah hi mipi nih kan dirpi le kan aupi a hau..

Rual-U tlangtar… Ṭanṭi cu teinak a si.

CRD; Foto: SHz/ Private/ Facebook

RF: Chin Post

Be First to Comment

Leave a Reply

Your email address will not be published. Required fields are marked *