Press "Enter" to skip to content

United Nations (UN) Innpi Tungtlang le Myanmar ;Rel A Phu Bak, rel Ve Hrim , Kan Hngalh Cio Ding Bak Si

United Nations (UN) Innpi Tungtlang le Myanmar
Hlan chan deuh tang 6/tang 7 history ah kan rak cawnmi UN kong tawi tein ka hun thlai than.

(1) UN cu 1945 kum October 24 ah an rak dirhmi a si. San Francisco khua ah ram 50 leng aiawhtu hna nih tonnak an rak tuah.
(2) UN Charter UN hruainak phunghram cun veto power a ngeimi ram 5 le adang ram tam deuh nih fehternak minsen an rak thut.
Cucaah October 24 cu UN Day tiah nihin tiang kan hmannak a si.

(3) UN Charter chungah Article dihlak 111 a um. UN charter ning tein UN tangah a biapi bakmi Buu bu (6) an um.
(3.1) General Assembly: UN chungtel a simi poahpoah an I tel dih. Kumkhat voikhat tonnak an ngei. Kumkhat voikhat General Assembly President thim a si. Kumkhat te long President a tuan.
(3.2) Economic and Social Council
(3.3) Trusteeship Council
(3.4) International Court of Justice (ICJ): Netherlands ram the Hague ah an zungpi cu a si. Myanmar acozah tazacuai a si caah a liam ciammi ah khan kan cozah aiawhtu zong an va kalnak kha a si.
(3.5) Secretariat: Secretary General le UN ah rian a tuanmi kha mah tangah an um. Secretary General cu kum 5 dan ah voikhat thim a si. Atu tan SG a tuanmi pa nih Myanmar ram ralkap nih uknak an lakmi kong ral kan dohnak ah a kan tanpi ngaingai tiah ruah a si.
(3.6) Security Council: Chungtel ram 15 an um. Azungzal chungtel ram 5 an um. Cu ram 5 hna cu UK, US, China, Russia, le France an si. Voihnihnak ralpi teitu ram an sic aah veto power zong anmah chung in an I phaw. Adang chungtel ram 10 tu cu amah le caan ning tein thim than lengmang an si.

(4) UN Security Council hi vawlei cung remdaihnak (peace and security) kongah a bia bik in tuanvo a latu buu a si.

(5) UN Security Council ah remdaihnak kong khuakhan lairelnak an ngeih tikah chungtel dihlak ram 15 an si bantukin ramkhat vote khat cio an ngei. Biachahnak an tuah tikah Veto power a ngeimi ram 5 le adang chungtel ram 7 nih kan lung a tling an ti ahcun a dih.

(6) Asinain Vote power a ngei lomi ram 10 nih siseh, veto power a ngeimi ram 4 nih siseh, khuakhannak an tuahmi ah kan lung a tling an ti zongah veto power a ngeimi ram 1 te nih NO, ka lung a tling lo a ti ahcun khuakhannak an ngeihmi cu pakpalawng ah a cang ko.

(7) Myanmar kong tonnak an tuah fa te China nih veto power a hman lengmang. Atu cu China long si ti lo in Russia nih a hun bomh chih lengmang cang. Veto Power a ngeimi ram 5 chungah ram (3) hi mipi lei in an tang. Ram 2 hi ralkap lei in an tang zungzal.

(8) Atu thil kongah US tanzung le France tanzung hmai ah sandah an piah tikah Ambassadors hna nih mipi kha biaruahnak an ngei hna. China tanzung ah sandah an piah ve nain Ambassador pa a mui a lang lo. Russia le UK tanzung hmai ah an piah ve te tikah zeidik a lawh te lai. Asi khawh ahcun a rannak in Russia le UK tanzung hmai ah siseh, EU zung hmai ah siseh, va piah zau ahcun a tha ve men lai.

Crd: Thawng Za Pum

Be First to Comment

Leave a Reply

Your email address will not be published. Required fields are marked *