Press "Enter" to skip to content

UPAT A TLAAK MI CU UPAT HNA U LAW CONG LAWMH A TLAAK MI CU CONG LAWMH KO HNA U

UPAT A TLAAK MI CU UPAT HNA U LAW CONG LAWMH A TLAAK MI CU CONG LAWMH KO HNA U
*****************************************************************************************
Kawl Rawn Chin Unau Bia Ruaknak le Yangon Chin Unau Bia Ruahnak ram chung ram leng hawi dawt hna zong nih na rian ttuannak le Chin Mi phun ca i, nai Zuamnak le nai pum peknak cungah Upatnak kan in pek.

Dr.Peter Ngun Za Cung a hring tu a paa hi Hrinthar( piangthar) mi le Pathian ai hruh pi mi pasal ttha a rak si,Hringtu a Nu zong Pathian a duh ngaingai mi asi. Dr.Peter Ngun Za Cung a nau le zong Pathian an duh taktak cu pin ah Hringtu Nu le Paa dawt le ttih zah a thiam ngai ngai mi an si,an Unau rual in an i daw taktak Pathian thlua chuah hi an co dih an mah le tawk cio in.

Dr.Peter Ngun Za Cung a Nupi Sayama Chin Chin hi Pathian a duh taktak i Kawl zum lo tu hna sinah Thawngttha chim le thlacam hi fel te in ai tlaih Peng mi asi,Kawl mi phun zum lo tu pawl tam ngai te an Thlarau an chanh chuah hna i, Yangon ah Mission Church zong an dirh,an sin i ai pum mi hna nih thawng an kan thanh mi ah an van chim tawn.

Sayama Chin Chin hi Upat le hmai zah a rak tlaak tuk,Dr.Peter Ngun Za Cung hi Rian tam pi a ttuan khawhnak hi a Nupi nih harnak phun kip hi a rak tuar pi khawh Peng caah an pa hnih in Pathian nih a cawi san hna.

Dr.Peter Ngun Za Cung hi mi teima le sungh timi pawl hi a dik bak mi Kong ahcun sungh a duh lo mi a rak si, thil dik thil ttha tiah a hmuh fian mi ah cun ningzah le thangchiat le mi soisel le dohnak hna hi, ralttha te in a pah ngam mi le a chim rel ngam mi a rak si.

Vice President Dr.Henry Van Thio 2015 thimnak a hmuh hnu ah Dr. Peter Ngun Cung le Saya Tluang Thang hna khi a chunglei in a rak dir kamhtu an rak si, Yangon lei in Upa hna nih thawng pang an kan chimh ning ahcun Novotel Hotel I,Vice President Upatnak tuah hlan ah thlacam bu he a rak thoktu hna cu Dr.Peter Ngun Za Cung le Saya Tluang an rak si,Saya Tluang nih thlang lei Laitlang le Tidim lei Yangon um Upa hna khi inn kip ah hruaitu hna le biaknak lei Upa hna cu fel fai te in a va vah hnawh hna i,ton pumhnak vial te cu an tlaam tling hnu ah, Comiti an ser khawh hnu ah Dr.Peter Ngun Za Cung nih a lam kip te in zaang hlei a cawi i,Vice President Upat peknak tiang khi a tlaam a rak tlung mi asi tiah an kan chimh.

Chim duh bik mi Dr.Peter Ngun Za Cung hi Mino te asi na in ngun a siang dai thlan a duh lo, Mi tei maa asi khi ruangah Yangon ah ai telnak Comiti le group paoh ah hmai Suang Leng mangah a kal mi a rak sinak tam pi Kan Rak thaih khawh.

CSCCI le All Chin Societies ah siseh zei ban tuk in dah Rian a rak ttuan i, dohnak le soiselnak a rak ton timi zong Kan Rak thaih bal Sihmanhsehlaw lunglawm le tha nuam te in a ttuan khawh Peng caah Upat a tlaak tuk,Minung hi tlaam tlin tuk ruang le thiam tuk le fim thiam tuk ruang lawng ah rian tlaam tlinh dih tinak a rak si lo, tong mi thil cung tu ah teima te le lungdong lo in hmai ah Kal Peng khawh tu I zuam hi a rak bia pi tuk.

Dr.Peter Ngun Za Cung a thar te in tha zaang chuah rih law Kan Mi phun caah tthat hmem san tlaihnak caah Pathian le Mipi nih jn hmang rih ko seh. Kan peh tthan te Lai India- USA- Hakha- Yangon

Be First to Comment

Leave a Reply

Your email address will not be published. Required fields are marked *