Press "Enter" to skip to content

UPC, Oneness pawl i an i palh naak, baptisma (tipilnak) cungcaang ah ka langhter cang

UPC, Oneness pawl i an i palh naak, baptisma (tipilnak) cungcaang ah ka langhter cang. Atu cu Trinity cawnpiaknaak an zumhning ah an i palh naak kavan langhter ve lai.

Jesuh hi Nazareth khuami a si , nu le pa zong tha te in a nei mi asi,unau hna zong a nei mi asi, minung zaa ah zaa asi,cun pathian zaa ah zaa asi.

Jesuh nih hin paa hi a nei tak tak rua tiah an ruah,a chan cu, baible ah kapathian timi le kapaa timi le kafaa timi hi an hmuh tik ah Baible ningtein an ti i , pathian zaa ah zaa asi naak kha an hmu kho lo caah, Dr Rual uk le bang nih cun, Oneness pathian min cu JESUH asi ati ko khah,

Curuangah pathian zaa ah zaa asi ko tiah an pom khawh lo naak bik cu,a mah cungah hin PA, pathian hi a um ko ti hi an zumhning ah an palh naak lian pi a si.

Keimah cu Trinity cawnpiaknaak chungah a um bak mi ka si ko nain,an cawnpiak ning le an zumhning hi cu an palh bak ka ti caah ka van langhter mi asi. Trinity cawnpiaknaak azumtu an zaatein cun ka ti ngamlo a si ko naa in a tamdeuh poh cu an si dih. Credit: Ngunkhar Hlawnceu

Relchap>>><<< Laimi kan felnak hi phundang ngai a si tawn. I funtom ttha kan ti cio ,i fun ah fun ning phun zong a sen, anak,muici rong an karh lulh.

CJDC ah aa fun cia nih fun nolh, nolh chin tuah hi ttha te ruah le zoh tikah MAL ralhrang dohnak ah tiin kan chim ko lai nain a si nemman lo, ruah hrup ngeih nak in a chuakmi a si ko caah theihtlei ah ka ruah lem lonak cu,

👇👇 Zeitikah dah an nihte phu nih an chuahpi te lai le dirhte hnga tikha ka rak zoh le ruah cia mi asi. Tuhnu kum 4/5 kan kal ahcun,an nih te chungkhar le khar hna cu,alliance an tuah ti zong a va chuak te kho men. Kum 9/10 a rauh cun,Innchak pa le Inn thlang pa alliance an tuah,

kum 14/15 arauh cun, khika pahmei pa le nuhmei nu allince an tuah tiah a rak lang rih te men lai. Mah hmaanthlak hi hmundang cio in an zoh caah pakhat nih”M” pakhat nih “W” le pakhat nih 3 tiin an i el,hmunkhat te ah dir in zoh hna sehlaw pakhat in an hmuh hnga cumu.

Meeting le Alliance tuah in ralhrang tei sisehlaw Chin state nih kawlram chungah kan tei hmasa bik hnga dah. CNF upa lutlai chungin mah btk ruahnak pek le kalpi tu hna an um sual maw/ an itel maw,hlat i an itel sual cun, an feeling nak hmunah bochuk hmukyi rank va tlaih ter hna ulaw kan Chinland adam rang deuh lai. Credit: Salai William HC

Relchap>>><<< FA NIH PA A HRING BAL LO I PA NIH FA A HRIN TAWN. Naite ah fb ah an postmi ah Jehovah cu Adonai in a rami a si timi kha a fa nih a pa a hrin tibantuk a si. Asinain Adonai nih Jehovah a chuahter lo i Jehovah tu nih Adonai hi a chuahter mi a si.

Thil si ning tak tak cu hitihin a si. Pathian nih a min Jehovah timi hi Moses sinah a hngalhter. Chuahlanhnâk (Exodus) 6:3. Asinain Pathian miphun Judah mi nih an Pathian min Jehovah (YHWH) timi chim hi an rak ngamh lo.

Zeicatiah Nawlpek pahra chungah pathumnâk ah, “Jehovah na Pathian min cu a sawhsawh in hmang (chim) hlah, zeitintiah a saw sawh in a min a hmangtu (chim) cu sualphawt lo in an um bal lo,” tiah a ti. Chuahlanhnâk (Exo) 20:7

Cucaah Judah mi hna nih Pathian nih sual a phawtmi silai an phân tuk ruangah Pathian min Jehovah timi chim hi an ngamh ti lo. Cuticun Pathian min Jehovah timi can ah lei le van ah bawibik a sinâk Adonai timi tu in an Pathian Jehovah kha an rak kawh.

Adonai cu Bawipa or ka bawipa tinâk a si. Cucu Mirâng nih LORD tiah an leh i Lai Baibal Thiang ah BAWIPA tiah an lehmi hi a si. Cucaah Pathian khi ADONAI (BAWIPA) tiah Judahmi nih an rak ti mi kha JEHOVAH (YHWH) timi Pathian min chim an ngamh lo ruang ah a si tihi thil sining tak tak a si.

Cucaah Biakam Hlun ah cafang ngan in BAWIPA tiah timi vialte khi a hrampi Hebru Baibal ah cun YHWH (JEHOVAH) ti a si dih. Cucaah ka lehmi Baibal Cathiang timi le Dr. Timothy Sui Lian Mang lehmi Bible Thianghlim ( Chin Standard Bible) timi le Saya Hoi Cung Tum nih a leh lio mi Hakha Baibal Thiang timi ah Biakam hlun le Biakam thar zong ah cafang ngan in BAWIPA tiah timi vialte khi JEHOVAH tiah kan ti dih.

Zeicatiah Jehovah ti kha Baibal hmasa bik Hebru nih a hman mi a si. Carson le Laurah hmangin zûmtu a rak si mi kan pipu hna le a ka hringtu ka pa le tiangin thla an cam ah Jehovah Pathian tiah an rak ti.

Lai Baibal Thiang a chuah hnu ah JEHOVAH timi kha BAWIPA tiah a ti caah Jehovah Pathian tiah pupa hna nih an rak timi kha Bawipa Pathian tiah kan thlen mi a si.

Pathian khi Bawipa (Adonai) tiah kan ti tikah kan palh hrimhrim lo. Zeicatiah Pathian cu lei le van ah Bawibik a si. Asinain Bawipa timi (Adonai) hi Pathian min a si lo ti hi kan hngalh fian a herh.

Amah Pathian nih voi li kheng te ka min cu Jehovah a si tiah a timi ( Chuahlanhnâk (Exodus) 3:15. 6:3. Isaiah 42:8. Jeremiah 16:21) kha Judah mi nih a chim an ngamh lo ruangah,

Jehovah timi can ah Adonai tiah an rak thlen mi a si ti hi kan philh hrim hrim lo ding mi thil sining tak tak cu a si. Cucaah fa a simi Adonai nih pa a si mi Jehovah a hring lo i pa a simi Jehovah tu nih fa a si mi Adonai hi a hrin ti hi thil sining tak tak cu a si. Credit: Rev. Dr. Rual Uk

Be First to Comment

Leave a Reply

Your email address will not be published.