Press "Enter" to skip to content

Update News; India ah a zammi palik hi an chungkhar hna he minung 200 leng an si cang tiah nawlngeitu hna nih an chim.

India ah a zammi palik hi an chungkhar hna he minung 200 leng an si cang tiah nawlngeitu hna nih an chim. A tam deuh cu Mizoram ah an lut. Cun Myanmar he ramri aa tlaimi Manipur, Nagaland le Arunachal Pradesh ramkulh zongah lutmi an um pah len.

India cozah nih phungning tein ralzam a kan cohlan caah lawmh a um tuk. Asinain minung 200 leng zohkhenh le cawm khi a fawite lo. Kan i bawmh cio a hau!

CDM ah aa telmi palik hna hi zaangfak taktak an si, anmah caah tih a nun lawng a si lo. An nupi le fale ca tiangin tih a nung. Mizoram i aa dormi ka hawipa i a nupi le a fale pahnih zong Chin ram chung um kha an caah tih a nun caah an inn le lo chuahtak in an zam ve.

An nu nih Mizoram lei an zam lai teah a tah buin……
“Ralkap uknak duh loin CDM ah aa telmi palik pawl an nupi le fale zong tlaih ding, timi bia a um ruangah atu bantukin kan zamnak hi a si. Vok le ar zong tha tein kan fimhlawm manh lo. Thawng kan theih lecangka in a rannak in kan i timtuah colh ko”.

Cuticun mitthli he an run-inn le Chin ram cu an chuahtak ruangmang. Misual lainawng khi bang….lung a fak ko mu…!

Khatlei ah Rangon, Mon, Shan le Pago i palik zeimawzat zong KNU sinah an lut ve. Atu tiang i KNU sinah a lutmi palik hi 25 an si cang. Hi chungah rank sang zong an i tel tiah theih a si.

Ralkap uknak a rannak in rawk sehlaw mipi uknak dir zau ko seh. Rammi hna intuarnak le thlacamnak hi kan theih/hmuh piak hram ko Bawipa…..

Be First to Comment

Leave a Reply

Your email address will not be published. Required fields are marked *