Press "Enter" to skip to content

US Cozah nih Dr. Ngun Cung Lian cu a hnu in an dawi cang

US Cozah nih Dr. Ngun Cung Lian cu a hnu in an dawi cang. President Biden nih Myanmar ralbawi pawl dantatnak nawl (Executive Order) a chuah ko buin anmah ruahnak petu rian a cohlan caah US cozah nih a duh lo. A ruang cu kan theih cio bantukin Ngun Cung Lian cu US rammi a si. US rammi a simi nih US Cozah nih a huatmi le a duhlomi hna va bawmh cu a phung a si lo. Dr. Salai (Andrew) Ngun Cung Lian cu Thein Sein chan ah Myanmar Peace Center le Rakhine State Inquiry Commission ah ruahnak petu a rak si.

Salai Ngun Cung Lian cu International Economics and Cultural Affairs in Valparaiso University ah Bachelor degree a dih, cun master’s degree le doctor of law degree cu Indiana University’s Mauer School of Law in a dih. Amah hi October 1996 ah US ah a rami a si. US rammi a simi nih hramhram in nawlngeihnak a latu ralbawi pawl ruahnak va pek cu US President nih a chuahmi Executive Oder a buar, asiloah a doh a si. US cozah nih rammi sinak an chuh lo hmanh ah zeidang dangin dantatnak, asiloah phihkharnak tuah khawh a si. An tuah te fawn lai. Source: The Irrawaddy News (English)

Be First to Comment

Leave a Reply

Your email address will not be published. Required fields are marked *