Press "Enter" to skip to content

US Le UN Hi Kan Rak I Ruah Ning An Si Ti Loh Bochan Awk An Tlak Lai Lo

US le UN Ruahchan Awk An Um Tilo! Trump nih Qasem Soleimani cu drone in hmakhat te ah a rak kah bang MAH hi a kap te hnga maw kan ti. George W. Bush nih Saddam Hussein zu kua le va kua ah a tlaih lio kan mitthlam ah a cuang. UN R2P mi khamhtu an ra hnga maw kan ti. Nihin ceo US le UN dirhmun tampi an hun i fiang.

U.S. Cozah Department of State Secretary Blinken nih Kawlram kong he pehtlai in foreign policy cu nihin ah fianternak a tuah. “Democracy nunphung ṭhawnternak ca ah US cozah nih thazaang kan pek lai. Asinain cu democracy ṭhawnternak ca ah cun phaisa tampi a dih mi hriamnam hmang in ram pakhat buainak karlak ah hun i thlak le uktu pawl kha hramhram in an ṭhutnak in thlak kha cu kan tuah lailo.

Hi tactic pawl hi kan rak hman cang mi an si. Tinh mi ngei ngai in kan rak tuah ko nain a tak ah rian a kal lomi tactic an si” tiah a chim. Bochan awk kan ngei lo. Kanmah le kanmah hi kan si ko. 2013 November in 2014 February tiang thlathum chung Ukraine ram thlennak bang vawlei ah kanmah lawng hi bochan awk taktak cu kan si ko cang. United Silent le United Nothing an si ko rua lai hih. Credit: Salai Tial Hram Ling

Be First to Comment

Leave a Reply

Your email address will not be published. Required fields are marked *