US Nih Kawlram Mipi Thisen Le Au Thawng A Theih Piak Cang Hma A Lak Piak Cang Lai
Kawl ralkap nih hramhram in uknak an lak hnu in tuchun tiangah zeisualnak nei lo civil minung 6 nunnak a liam cang tiah theih a si.tuchun a thi mi pa cu nizan tihni ah a khup ah Palek nih an kah i a thisen a chuahtuk bu an tleih chih,mah ticun zohkhenh lo in an kalpi caah a thisen tamtuk a chuah ruangah a thi mi a si tiah an chim.mipi au-aw Civil Disobedience movement nih US hnachung ah a lut taktak cang.
Tatmadaw ralkap hna cawlcangh cu vawlei pi nih sual an phawt hna.European Union nih a chim nak ah cun Kawl ralkap military officials zei maw zat hna cu phihkhar an cang na in midang zong an dirhmun hawih in phihkhar an si t’han lai tiah a chim.US nih cun Kawlram mipi nih ralkap uknak an duhlo ruangah sandah an piah mi cu ningcang thil le Dotla a si ruangah kan dirkamh hna tiah a chim.
US nih cun Kawl ram mipi nih a tu bantuk in sandah an piah mi a ruangah remdaihnak le ram dam nak Democracy taktak kal phungin kal an duh caah a si.a tu tiang Mipi le Ralkap karlak dirhmun zoh tik ah Tatmadaw cawlcangh ning cu vawlei pi nih upadi zulhphung kan neih mi zei a rel lo bia le a ralchan pin ah Nuhrin covo zei ah a rel lo ning cu fiang tein hmuh khawh a si cang tiah a chim.
US Secretary of State Antony Blinken nih cun America nih hin Kawlram mipi hna nih an duh mi Democracy taktak i hruai nak le mipi nih thim mi a cozah kha hmuhter in Ralkap nih ningcang lo in an tlaih mi hna kha a ran nak in kan chuah piak hna seh.Kawlram mipi hna hi international community nih kan dirkamh ti hi rak theih hna seh. Tatmadaw le Palek hna nih Military trucks 20 renglo in mipi nor nak ah an hman i mipi nun nak a liam a si ah cun international community nih action lak dingah timhcia kan si tiah a chim.
