US President Biden Nih Ukraine Caah $3.6 Billions Bawmhnak Pek Dingin Min A Thut

Ukraine Ca Ah $ 13.6 Billions Bawmhnak Ding Biden Nih Min A thut Cang! US President Biden nih Ukraine Security ca ah $3.6 billions bawmh ding ti mi budget cu nizaan March 15 ah min a thut cang. US President Biden nih cun, “Russia ral i khamnak ding ah Ukraine cu $13.6 billions kan pek lai,

Putin nih Ukraine a tuk caah US ram pumpi mizapi kan i funtom deuh i, Congress chung zong ah Party ngan pahnih karlak ah i theihthiamnak le lungrualnak a chuahpi. Russia cung hmanh ah i lawmh a phu a si. Atu cu tank kahnak hriamngan le vanlei ralvennak kan hriam tampi Ukraine kan pek lai,” tiah a chim. Biden cu hmaizarh ah NATO hruaitu hna he tonnak an ngei lai i US nih Ukraine hriamnam a pek ding mi kong an ceih lai. Crd; The Chin Post

Peru Ah Vawlei A Minh Caah Inn 60 Leng A Chilh I, Minung 20 Tluk An Tlau! Peru ram, Retamas khuapi ah vawlei a min i inn tamtuk a chilh pin ah minung 20 nak tlawm lo an tlau, tiah theih a si. March 14 Peru times in zing sml 8:30 hrawng ah tlangbo pakhat cu a cim i inn pawl a khuh dih hna lio video cu social media ah aa ṭhek.

Hi leimin nihhin inn 60-80 hrawng a hrawh i minung 20 tluk an tlau, tiah Peru ram ṭuanvongeitu nih a chim. Minung 20 tluk a tlau mi hna lak ah ngakchia 3 an i tel, tiah a chim i, Cu lei a cimhnak hmun cu midang khawh lo in an kham i, mibawnchantu hna nih an tawlrel lio a si. The Chin Post

Video

Watlat Ralzaam Pawl Muka(Cungkhuh) le Sii-ai Bawmh An Herh! Sagaing ramṭhen, Watlat peng khuate 6 in ralzaam hna cu muka le sii-ai an ngeih lo caah bawmhnak pek an herh tuk, tiah The 74 Media nih a langhter. SAC ralkap le Watlat PDF kahdohnak ruang ah khua mi dihlak ngawt cu an zaam hna i,

An zaamnak hmun hi tupi a si lo caah naidem a um lo i, upa le ngakchia ca ko ah a har khun. SAC ralkap nih khuachung ah hmun an khuar peng caah khuachung kir ṭhan khawh zong a si lo tikah eidin le sii-ai zong an chambau i nilin le ruah khamnak caah muka cungkhuh zong an ngei lo, tiah theih a si.

Kahdohnak ruang ah ramtang i aa dor mi hi khua 6 in an si i an zate minung 5000 tluk an si i hmun khatpi ah um lo in a khuakhua deuh in an um hna caah hmunkhat ah 800 tluk hrawng cio an um. Crd; The Chin Post