Press "Enter" to skip to content

US President I National Security Advisor Le NUG Hruaitu An I Tong

A rauh hlanah tuah dingmi ASEAN Summit thok hlan teah US President Joe Biden i National Security Advisor Mr. Jake Sullivan le NUG Acting President Duwa Lashi La, NUG ramleng vuanci Daw Zin Ma Aung hna cu Oct 25 zaan ah online in tonnak an ngei tiah NUG nih thanhnak a tuah.

Tonnak ah cun ASEAN hnatlaknak phun 5 le ralhrangbu tuanvo laknak kongah hmualngei tein riantuan ding le ralhrang nih nawlngeihnak an lak hnu in Myanmar ah a cangmi thil, mining zawnruah bawmhnak, ASEAN ram hna he riantuanti nak kong hna an i ruah tiah theih a si.

Vawleicung huap ramkhel thiamsang tampi nih cun Myanmar buainak tuahremhnak ahhin UN le ASEAN nak hmanh in US hi a biapi deuh tiah an chim. US nih biatak tein phihkharnak a tuah cangmi ram cu sau an dir kho lem lo. US duhnak an zulh lo hmanh ah an ram a tumchuk ti a si.

Naite ah khan UN i Myanmar palai U Kyaw Moe Tun nih “Atu hrawng hi Myanmar buainak kongah US a cawlcang ngai” tiah a chim. ASEAN Summit thok hlan i President ruahnak petu le NUG hruaitu an i tonmi zong hi a sawhsawh a si lai lo, tiah zumh cio a si. Ref: Khet Thit Media

A dang: Falam Ah Ralhrang Phu Motor 56 A Phan: Nihin October 25, zaanlei ah Hakha in a kirmi ralhrang phu hna motor 56 cu Chin ramkulh,Falam khua ah a phan tiah theih a si.

Cu ralhrang phu motor chungah cun Hakha-Falam kar khua ah minung umnak inn an bauh i an firmi thil, TV, thutdan, facang le zeidang inn hmanmi thilri hna cu an phorh tiah theih a si.
October 23 zinglei ah Hakha in an chuak i Ramthlo ah zaan an riak, October 24 zaancu Taal khua ah an riak . An kalnak lamthluan ah ummi khua inn 13 mei in an khangh piak hna. Ref: Zalen. The Chin Post

Be First to Comment

Leave a Reply

Your email address will not be published. Required fields are marked *