Press "Enter" to skip to content

US President Joe Biden Nih Cun US House Le Senate Nawl Lo In, Myanmar Ralkap Kah Nak Nawl A Ngei

Kawlram ralkap nih uknak an laknak kong he pehtlai in American President Joe Biden nih a voi 2nak a ke kar hram a hun thok cang. A hramthok ah UNSC meeting ah an tthutti hna i ralkap hruaitu pawl phaisa kawlnak lei phihpiak dingin cathanh a chuah. Asinain, Joe Biden nihcun February 13 ah phun dang ngai in cathanh pakhat a hun chuah tthan.

Cu kong cu ralkap nih uknak an laknak kong ah American ram humhimnak le ramdang pehtlaihnak a chiatchuah ( Unusual and Extraordinary ) a um tiin an ruat i American ram kilvennak thil biapi (US National Emergency) Joe Biden nih thawng a thanh.Cu a cathanh chuahmi cu kawlram uknak ralkap nih hramhram in an laknak kongah a biapituk mi pakhat a si i Kawlram uknak an laknak kong ah Joe Biden nih a voi 2nak a ke kar hram a hun ithok tiin theih a si.

A ke kar a voi 1nak ah Kawlram ralkap hruaitu pawl Sanction in a phihpiak hna.American ram kilvennak” tiin Joe Biden nih cathanh a chuah ruangah a voi 2nak a ke a kar ahhin zei bantuk dah a tuah lai ti kan zoh hna lai. Biapi taktak mi pakhat cu β€œAmerican ralkap nih Kawlram ralkap hruaitu pawl an kah khawh hna” timi a si.

America ram humhimnak a hnursuan tiin biapi taktak in ca a chuah ruangah American ram President cu ralkap hruaitu bik a si chih caah ralkap cungah direct in nawl a pek khawh i America Hluttaw pawl i hnatlak lak kher a hau lo. A duh ahcun tuknak nawl a chuah khawh colh.

Cun American Upper House le Lower House hluttaw pawl hnatlaknak lak a herh lo i kah an timhnak hmun a kawl khawh i kah taktaknak dingah Joe Biden nih nawl a chuah khawh. Naite ah Iraq ram ah Iran General an kah bantuk in Kawlram ralkap hruaitu pawl zong a kah khawh ve hna. US nihhin Kawlram cungah hriamnam hmangin tukdohnak a tuah khawhmi zong a si. Nain a ho nih cucu kan chim kho taktak lo.

Kawlram aa-naa tingnak parah Joe Biden ih a vei 2 nak kee kar suak khi cu Kawlram aa-naa nei ralkap pawl hrangah an sunmang pawl a ttha nawn lo timi cu el a a theih lo.. Netabik theihmi thuthangah American ih hliakhlai vanzam pakhat cu February ni 14 zan nazii 10 hrawngah Naypitaw tlunlam a zam rero ti khi asi.. Kawlram ralkap hotu pawl ziang an bang pei maw .. tiin …

Kawlram uknak ralkap nih an laknak kongah Joe Biden nih a voi 2nak ke kar hram a hun ithok hi cu uknak a latu ralkap pawl caah mangchia ngai ngai a si kho. A donghnak bik thawngpang a leng mi ah America mi ngiathlaitu Drone zong February 14, zaan suimilam 10pm hrawng ahkhan Naypidaw cungah an zuang ti a si. Ref: Martin Swe

Be First to Comment

Leave a Reply

Your email address will not be published. Required fields are marked *