US President Thar A Tuan Cang DingmiJoe Biden Lak Luh Ni I An Can Hmanding Ning Cu A Ropui Ko Lai Hih
Donald Trump nih bia a chim mi cu US president thar hrang Joe Biden cu January 20 ah lak luh le biakam nak neihhter ding a si cang i cu can ah cun hlasak thiam a lar bak mi nih mipi awihnak a neih hna lai. Mipi a awitu ding lakah Lady Gaga le Jennifer Lopez a thar an i tel in tel i Lady Gaga cu US ram hla satu ding a si tiah USA Presidential Inaugural Com.mittee (PIC) ah cun phuan nak an nei cang.
Minute 90 hrawng live an pek dingmi US president thar lak luh ni le biakam nak neih ding caan cu lemcangthiam Tom Hanks nih can hmannak a nei lai i hlasakthiam lar tampi nih mipi an awi hna lai. Mah can ah can a hmmangtu ding a fiang cang mi cu hlasakthiam lar pawl cu Jon Bon Jovi , Demi Lovatko , Justin Timberlake, Ant Clemons ,Jennfer Lopez le Lady Gaga pawl hna an si.
US president thar Bible biakam nak cu Georgetown tanghra siang inn i a rak tuan cang mi, puithiam Leo O’Donovan nih a neihpi lai. US thantar tlaitu ding cu Georgia mitat bawi Andrea Hall nih a hruai hna lai.Thangthar catial thiam Amanda Gorman nih cun lunglomh pi nak biazai relnak a nei lai i, Pastor Silverster Beaman nih thlawchuah peknak a nei lai. Amah cu Delaware ramthen Wilmington, Bethel African Methodist krifabu ah pastor tuan cuahmah mi a si.
Tu ahcun President tuan cuahmah lio mi Donald Trump nih a mipi pawl cu buainak tuah lo dingah a kham cuahmah lehlah hna i, buainak a tuah mi zong phunglam ning in hrem an si lai tiah video hmangin mipi a theihter cang hna. ( Presidential Inaugural Committee )
