Press "Enter" to skip to content

US Rampi I Thim Nak Cu A Thli Te I Vote An Hlon Ruang Ah Biaholh A Tam Tuk I Buai Nak In An Khat

November 5 zing tiang US rampi ithim nak cu vote rel khawh rih lo a si i, tu i dirhmun vote an tarlangh dan cu Biden vote 264 le Trump vote 214 ti a si. Mah hi zong ah tampi a um i, Arizona vote dirhmun a fel rih lo mi cu, Biden lei ah an chiah cia titu zong an um.

President Trump nih cun Court lei ah zual a ko cang i, hmun cheukhat cu vote rel than ding ah a pom nak kong zong a chim cang. Trump nih a hal nak hna cu cunglei minung zong nih a rianran nak in, an leh ding mi a si i, ni 3 chungah an leh hrimhrim a hau tiah a ti tu zong an rak tampi. Arizona, Michiagan le Wisconsin pawl i vote thlakmi cu rel than a hau kho rhan mi dorhmun ah a cang i, ithim nak cu, US ram chung buainak sosang tuk mo a chuah ter kho tu zong a si.

Arizona i vote an hlonh lio video a darh thluahmah i, Pennsylvania zong ah vote cabawm tam.taktak an hlonh tiah langh ter a si.Trump a lungawi kho ti loh,khat lei nih thil hman lo ning in, i thim nak hi an hman tiah an puh. Mah zong cu chun i vote an rel mi nak in, zan i vote an rel mi tam deuh in bia a um ruangah a si.

Federal Election commission cu independent body a sinain, President thing Obama i minung tampi an um tiah theih a si i, Biden cu Obama i dirpimi le party pakhat an si. Curuangah tu i an langh termi result ah Biden dirhmun a thadeuh nain, result tlamtling a chuah hlan chung cu, thil phundang theih dih a si.Mah hi ah a cheukhat le bang nih cun, Biden vote hmuhmi lawng an langh ter i, Trump i vote hmuhmi an Langh ter duh ti loh titu zong an um. Asinain ,cu bantuk cu bia vakvai sawhsawh a si.

Zei si poh ah US rampi i thim nak cu, cuti cun a kal ning cang ah a tlamtling meimei lo ding ah a lang i, Court an phanh ,heknak an tuah mi an cohlan a si ahcun, ni tampi ainawk kho mi a si. Tui i dirhmun ah Biden nih hmai a hruai bak ko. a dirhmun zong a tha deuh tuk. Asinain, Trump vote a kai khawh lo nak cu, lunghrinh nak le a hman lo mi a um ruang ah a ai tiah an ti.Vote an rel dih hnu,result felfai te i a chuah hlan chung cu, bia holh a phunphun a chuak thluahmah lai. A ho nih dah a tei lai timi cu mah zumh nak cio ah a um mi a si i, tu i dirhmun State 4 vote rel nak ding ah teitu.a um rih loh, teinak a hmu kho veve mi an si.

Mipi nih kan fian ding mi pakhat cu US ram ah mi pakhat vote cu pakhat ti i.rel thluahmah a sinan, Electoral Vote bantuk in, president thim a si. President si khawh nak dingah vote 270 a hau i state pakhat ah Electoral vote umzat ai khat loh.A ho hmanh nih teinak an hmu rih loh i, result hi zeitik ah dah an phuan te lai timi cu theih a si rih loh. Result hngak in bawh ding a si lemloh. Teinak a co tu cu, result felfai an phuan hnu lawngah a fiang ding a si.

Be First to Comment

Leave a Reply

Your email address will not be published. Required fields are marked *