Press "Enter" to skip to content

US Um Chin Mi Ca Tiang In Thawngpang Tha : Christmas hlan ah mimung pakhat $ 600 cio ngah a si lai hih

Nizan ah White Houe Secretary of Treasure Mnuchin, Republican hruatu hna le Democrat hruaitu hna meeting ah mipzapi bawmhnak minung pakhat stimulus check $600 pek ding cu a tlangpi in an lungtling.

Senator Tim Kaine nih cun tuchun ahcun deal kan tuahmi vilatr kan lim dih lai tiah ka ruah tlawmte ceih ding lawng a taang cang” tiah reporters sin ah a chim Senate Majority Leader Mitch McConnell nih kap hnih lungtling nak dingah a pelte lawng a tang tiah nizan zanlei ah khan a chim. Tuchun i deal an tuahmi an lim ahcun Christmas hlan ah mimung pakhat $ 600 cio ngah than si te lai. Salai Lairamthang

Thawngpang dang relchap >>>>>

A Nu nih Zeitik Caan Poah Ah Make-Up A Hman Peng nak Le Zanit Lai Zong Ai Ttamh Peng nak A Ruang Cu A Fanu nih A Theih i A Mitthli A Luang Thluahmah

Nu caah cun make-up hi a biapi ngaimi pakhat a si ve i nupawl taksa vun a dawhter tu le thinlung ah lomhnak pakhat a pe khotu a si ve . Lengchuah lai le puai kal lai te hna ah cun make-up hmanglo mi cu an um tuk lai lo i a sinain innlawi hnu ah cun thiang tein i ttawl than a si tawn .Asinain nu pakhat nih cun make-up a hman mi cu innlawi hnu zongn ah aa tawl than bal lo i a it lai tiang hmanh ah make-up hmang ta lo in a it duh bal lo .

A um tu dan cu a fanu tiang a khuaruah a har i a nu cu a ruang a hal tik ah a nu nih cun a chim duh bak ve lo .Asinain kum 50 a tlin hnu ah cun a fanu ih a nu kong theih a duhtuk mi cu a theihkhawh ve cang . A nu hi muidawh pumrua tha a si i a fanu zong nih hin a thinlung te cun ai uang ngai ve tawn mi a si .A pa he hin 1944 kum vawleipi ral a voihnih nak lio hrawng ah khan a rak i um mi an si .

An i umh hnu kum 2 nak ah an fanu hi an hrim mi a si . Fanu an van ngeih cun an i nuam tuk i chungkhar nuam ngai ah an cang i an fanu te zong cu a hung puitling deuh deuh ve i a nu umtu dan cu a khuaruah a har i hi ti hin a nu cu bia a hal .”Ka nu ziah hme nang hi zeitik poah ah na hmai hi naa tamh mawih peng i zan na it lai tiang hin make-up hi na hman peng ko ” tiah a hal .

A nu nih cun ka fanu thianghlim tein um cu a tha tuk ko cu ta , cupin ah zeitik ah dah damlo in na um lai timi zong chim khawh a si tung lo .Zanlai hna ah ruahlo pi in damlo in um sual law Ambulance in rak lak hna na hauh ah cun kei na nu hi dawh tein ka rak um cia ah cun sizunglei zog nih a kan upat lai i tha tein a kan chawnhbiak lai cu ta” tiah a fanu cu a leh men ko .

Culawng silo in a nu hi nilin lak ah a kal duh bal lo i a kal cante hmanh ah luchin kaupi he lawng akal tawn i a kut ah hin khuasik le khualum can zong ah zeitik hmanh ah kuthrolh hi a thlah bal fawn lo . Cunak in a fanu a khuaruah a har ter deuhtu thil pakhat cu a nu i a hringtu a pa hi (a pu) hi a hmu bal lo i a konglam zong pakhat hmanh a thei ve fawn lo .

Voikhat cu a fanu nih cun ” ka nu ka pu hi ziah hme a konglam zong na ka chimh ve bal lo , ka pi le ka nute ( a nu unau nu) lawng hi ka hmuh hna i ka pu hi cu a sining le a konglam zeihmanh ka thei bal ve lo , zeitik ah dah a chuah i zeiti ah dah a thih timi tal cu ka chim ve ” tiah a nu cu a hal .Asinain a nu nih cun ka fanu na pu kong a chuahkum le a thihkum te hna hi ka thei ve bak lo tiah a leh than i a fanu cu a lung thalo ngai ngai .

A nu kong a ruah ah a lungsia rem tilo i cuti cun ai than lianhpi i a nu cu a thli tein a sining diktak theih aa zuam . Asinain a nu kong cu zeihmanh theihkhawh mi ngaingai a ngei kho hlei lo .Asinain 1995 kum a mah zongn nutling a si ve cang hnu kum 48 a si kum ah cun a nu kong ah hmuhtheih mi pakhat a ngei cang .

1990 kum thil pakhat record nak ah cun a nu i a hringtu a pa a si lai tiah a zumhtuk mi pakhat a hmuh i a tanglei ah a fale min zong an i ttial ve hna i culak ah cun a nu min zong cu ai tel ve fawn . Asinain a lungfian lo mi pakhat cu an min tialnak lak ah cun (B) tiah aa kulhmi te cafang pakhat an telh chih i a sullam theihduh ah a hal hna tik ah mingo le minak thleidan nak a si i ‘B’ timi cu black tinak a rak si .

Cuti cun a khuaruah har chinchin i a nu birth certificate cu hmuhkhawh nak lam a kawl cang .Nawingeitu hna cu phone in a chawnh hna i a nu birth certificate a tlau i siamthan a herhnak kong a chim i a original cu mail in an rak kuat . Cu a nu birth certificate cung ah cun a anglei ah COL ti aa tialmi a hmuh than i a sullam a thei hoi ti lo i a thluakbuai a zual .

Cuti cun nawlngeitu hna cu a sullam a hal hna i COL timi a sullam cu vunnak tinak a si tiah an rak chimh . A nu cu mingo bak a si fawn ko zeidah thil ai thuopmi hi a si hnga tiah a khuaruah a har chinchin cang .Kum 2 chung a nu konglam cu theihfian aa zuam nain a theifiang kho hlei tilo i a hngakchiat tein a upat puitlin tiang a thluak a buai ter tu bik a si mi a nu kong cu a nu sin ah tha tein a hal than .

“Ka nu zeiruang ah dah na birth certificate ah hin COL tiah aa tial?” tiah a hal . A nu cu a lau tuk i zei birth certificate dah na ngeih cu ka thei lo nain keimah nih ka ngeih ve mi ah cun mingo na si a ka ti ko ” tiah a fanu cu a leh ve . Asinain a fanu cu hngakchia a si ve tilo i puitling pi a si ve cang caah a hngakchiat lio bantuk men in a dai sawhsawh duh ve tilo i ” ka nu ka pu hi a ho dah a si timi le ka pu hi minak a si timi zong fiang tein ka theih dih cang ko ” tiah a nu cu a ti .

Cubak cun a nu nih cun ” asi ah cun bia pakhat ka kamh ‘ka thih hlan lo hi thil kan chimh mi hi a ho sin hmanh ah na chim hna lai lo tiah bia i kam , a ruang cu mi mithmai na hmu ngam lai lo ” tiah bia a kam ter hnu ah a sining taktak cu hi ti hin a chimh .”Keimah hi ka sinak taktak cu minak ka si ,na pu kha minak a si i na pi belte cu mirang a si ko .

Ka unau dang nih hin ka pa an lawh i an nak dih nain kei hi ka van tha i ka nu ka lawh caah ka vun hi a ngo deuh.Asinain khalio chan ah khan mirang nih minak pawk an nehsawh hna ning le an zawmhtaih ning a rak fak tuk i minak kan sinak hi a thuh bak in kan rak thuh .Cuti cun minak ka sinak hi thihtiang thuh thai dingin biakhiahnak ka ngei i ka umnak um Ohio ka rak panh i cu ah cun a na pa he hin kan rak i tong .

Asinain na pa hi minak a hua tuk mi le a nehsawh tuk mi a si ve caah ka sinak taktak ka thuh i make-up hmangin mingo bantuk in na pa hmai ah ka rak i langh i a tak in kan i co ve .Asinain na hngakchia lio ah khan TV kan zoh can te hna ah na pa nih TV chung ah minak pawl a hmuh hna ah a soisel hna le a huat hna ah khan ka sinak taktak a rak si ve tung i a thli in an lei ah ka tang i curuang ah na pa he khan kan rak buai zungzal .

Na pa nih hin minak ka sinak hi thei seh law zeitik hmanh ah a ka cohlan kho lai lo “tiah a fanu cu a sinak taktak a chimh .Cu a chimh hnu zong ah cun na dam chung na nu ka sinak taktak hi mizei sin hmanh ah na chim hrim lai lo tiah bia a cah ta fawn . Cuti cun can cu a liam i a hnu zong ah a fanu nih cun a nu cu a hlanlio a sining pawl cu theihfian duhthan in a hal than tawn nain a nu nih cun topic dang in a bia cu a thlen piak peng i a chim thai bal ti lo .

Cuti cun a nu a thih hnu tiang a nu sinak taktak cu a thuhpiak i kum 17 chung bak a nu a konglam le a sinak taktak cu a thuh piak ve i a ho sin hmanh ah a nu kong cu a chim ve hna lo .A nu a thih hnu 2017 kum ah khan a nu theihpeng nak caah ti in cauk pakhat a chuah i “White Like Her” My family’s story of race and racial passing’ timi cauk a chuah i an chungkhar sining konglam vialte cu tling tein a tial i cuhnu lawng cun vawleipi nih an sining taktak cu theih a hung si ve .

“Ka nu kha minak sinak in a chuak i mingo sinak chung ah a um hnu ah khan a riantuan nak ah siseh khuatlang i a khuasak nak ah siseh mi upat le dawt cu a hlawh deuh hrimhrim lai i kha a duh ruang ah minak sinak a kaltak mi hi a si hrimhrim ve lai . Asinain minak sinak a kaltaak ruang ah a chungkhar vialte he i pehtlaih nak vialte a chah ve i mingo sinak chung lut in ka pa he an i umh hnu ah khan cun a mah sinak taktak khan a thinlung ah a um kho ti lai lo i a nunnak kha a mah taktak bantuk in a nung kho hrim ti lai lo ” tiah a cauk chuahmi chung ah cun a tial . Source : Dailymail

Be First to Comment

Leave a Reply

Your email address will not be published. Required fields are marked *