Press "Enter" to skip to content

US Um Pawl I Lawm Hna Usih : Thawngpang Tha Taktak A Chuak Cang Rak I Ralring Cio U Law Dide Ngai Cio Usih

Zahan zantim ah Congress nih cozah budget ni hnih ca an thlak hnu ah President Donald Trump nih min a thut i government shutdown timi federal cozah zung kharnak in luat a si. Zarhpi ni sunday ca tiang lawng budget an pek chung caah tuchun le thaizing ah ngol loin meting an ngei rih lai. An meting ah coronavirus bawmhnak $900 billion le cozah budget aa tel chih.

Coronavirus relief bill an chuahpi mi hi $ 900 billion a si. Mah chungah Stimulus check $600 bawmh dingmi le rian ngei lomi unemployment benefit caah zarkhat $300 pek dingmi a tel chih. Zarhpi i lungtlinnak an tuah khawh ahcun Stimulus Check $600 pek dingmi zong a tel chih lai ti a si. Salai Lairamthang

Thawngpang dang relchap >>>>>>>

Israel Miphun Chung In A Rak Tlau Mi Ka Si Ai Ti Tu Mizo 200 Reng Lo cu Sunglawi Taktak In Israel ram ah Dam Tein An Phan Cang

Jews ciithlah ka si a ti tu pawl India i a um mi minung 252 cu an umnakding Israel ram ah tluang te in an phan kho cang tiah thawngtheih a si. Khahlan kum 2700 luan cang mi, Assyrian Empire chan lio i Israel ram in rak hnon mi an si i, Menashe ciithlah Bnei Menashe miphun ka si ai ti mi pawl an si i mi tam deuh hi cu Mizoram i a um mi an si.

“Bnei Menashe community minung 252 cu December 15 ah Israel, Tel Aviv khua, Ben-Gurion airport ah nunthar thokthan dingin an phan thar” tiah PTI nih a langh ter i, inn chungkhar minung 50, chungkhar nei rih lo mi minung 24, naute 4 le kum 60 reng lo minung 19 pawl an si tiah an langh ter.

Bnei Menashe community rual pawl cu Israel miphun tlau mi kawl chuak ding in, hmalak nak a rak nei cang mi an si i, Shavei Israel Organization (NGO) tawlrelnak in Israel ram ah an phanh khawh mi a si i, SIO ṭuanvonei tu mipakhat nih cun “quarantine lutter an si ta rih lai i, Hebrew cawn nak le Jews miphun si kho ding in tuah herh mi hmalaknak thlathum chung an nei lai. Cuhnu ah Nazareth Illit area ah um nak hmun khuar dingin kan tawlrel lai” tiah PTI sin ah a chim.

Sephardi miphun hruaitu Rabbi Shlomo Amar nih Bnei Menashe cu Jews miphun tlau 10 lak i ai telve mi an si tiin a pom hnu 2005 kum in India ram i a um mi Bnei Menashe community minung 2,437 renglo cu Israel ram ah an kal.

Be First to Comment

Leave a Reply

Your email address will not be published. Required fields are marked *