US um Vanzang khuami hi uarr an um kho taktak ENSF ca ah $ in tam taktak a chuak cang a chuak cang mi cu
US um Vanzang khuami nih ENSF ca ah $150,000 hrawng bawmh timh mi ah $115,000 a chuak cang
==================================
Thantlang Peng Vanzang khuami US um hna nih Emergency National Security Fund (ENSF) ca ah $150,000 renglo bawmhchanh asiloah kutsamh an i timh mi ah $115,000 a chuak cang tiah kan theih. “Pathian nih kan riantuannak cio tlam a tlinter i kan si khawh chung in kan i zuam ve. Minung pakhat nih $10,000 a thawh. Midang hi $4000 cio a tho (kutsamh mi) kan tam khun. $150,000 cu kan chuahcolh khawh ko lai,” tiah khuami pakhat nih The Hakha Times ah a chim. The Hakha Times
thawngpang dang relchap >>>>>>>
ENSF ca ah Pu Ngun Za Kham le Pu Ca Thawng nih $7000 kutsamh
================================
Emergency National Security Fund (ENSF) ti mi CNF riantuannak ca ah tiin Pu Ngun Za Kham nih $5000 le Pu Ca Thawng nih $2000 kut an samh tiah kan theih. “Tutan ah kutsamhtu hna hi New Zealand khuasa mi Pu Ngun Za Kham le Pu Ca Thawng an si. Chin miphun zawnruahnak thinlung an ngeih mi cung ah upatnak kan pek hna.
An cung ah lunglawmhnak tampi kan ngei. CNF upa hna he tuzing meeting kan ngeih hnu in New Zealand Chinland Club nih ENSF ca ah cawlcangh hramthawk kan i tim. Mitampi nih thazaang an chauh lai tiah zumhnak kan ngei,” tiah New Zealand CNF Regional Committee Chairman Pu Thomas Thang Hlun nih The Hakha Times ah a chim. ENSF ca ah pumpak in siseh, a phu in siseh, khua min in siseh kut an samh cuahmah hna tiah kan theih.
