Press "Enter" to skip to content

USA ah:Minung tamtuk nih harnak a tongh than cang hi’Tih a nung ko cang.

Tu chun A cu Coronavirus ngeimi million 12 (hleihnih) an tling tiah Johns Hopkins-university nih Data a langhter. A luancia zarh khat chungte lawng ah million pakhat an i chonh, mah cu Election a dih khawh tlawmpal a si. President Trump nih “A tlau zau lai,” tiah March ah khan a rak ti nain USA cu Coronavirus a tambiknak ram a si.

Ben Carson, Housing and Urban development Minister cu Covid19 in a zaw i tthat lei a panh ko ee an ti. USA ah Corona in 254000 an thi cang.

President Trump fapa cu Coronavirus a ngeih caah amah lawng aa erh ti a si. Tu chun in Trump ruahnak petu le a sihni nganbik fapa zong Coronavirus in a zaw ve tiah USA media nih an hun ttial. A pa hi tu zarh ah khan Media he tonnak an rak ngei.

Wisconsin ramtthen Governor Tony Evers (d) nih hmaihuh hi tu hnu ni 60 chung zapi tonnak ah hman khawh ahcun hmang rih ko u tiah a chim.Teirial catial tu ta ka lak mi asi a page like le follow tuah piak ve uh a page min cu teirial catial tu ti asi lai.

Relchap ko:Vote result namhnehnak tuah dingin le a donghnak phichuak upatpek dingin phung kan zul ko lai,” tiin White House i Trump an ton hnu ah Michigan Republican aiawhtu pawl nih an chim. Cu ti an chim caah cun, Friday in cun Trump nih election results a khupthal leh ai timhmi a chunmang cu faaktukin harnak a tong than cang.

Michigan ah Biden nih buan a co bangin, Monday ah khin vote namhnehnak tuah dingin nithla an tuk cang.Michigan le kaa dangdang zongah Trump nih hrihhram um lo piin vote firnak um in tlaang a zamh len ko nain, White House ah Trump nih a sawmmi hna Michigan’s top Republican police 2 nih election a phichuak a thleng kho tu ding thil zeihmanh an hmuh lo nak kong an chim. Cun vote namhnehnak hnahnawhpek lo dingin biakamnak zong an tuah beh.

“Tutan election chung vialte hi kan chim tawn bangin, kannih cu law (upadi) kalpitu kan si bangin, law ka zul lai i, Michigan i electors kongah phung le lam kan zul ko hna lai,” tiah the State Senate hruaitu Mike Shirkey le State House speaker Lee Chatfield nih an chim.

“Michigan i vote namhnehnak tuahmi hi zalongtein tuahmi, hnahnawh le thihphaih a tonglo mi a si hrimhrim awk a si. Vote firnak a um, tiin an ti mi hi zoh sawhsawh ding a si lai lo i, biatakthlaak in hlathlai a si lai. A um tak ko a si ah cun, law ningtein a ruk lang tiangin tazacuai a si lai. Vote tambik a hmumi nih election le Michigan’s 16 electoral vote an co, tinak a si ko. Cucu kan election kong i zumhfehnak a kan pektu a tliangmi biatak an si awk a si,” tiin an chim.

Biden nih Michigan ah buan a co mi kong belte an chim chih lem lo. Asinain, election results thatein cohlanpi dingin an lungthin a um ve nak kong belte cu an langhter.Vawleipi nih an in conh ko hna. Votepetu nih bia an chah ko cang,” timi tlaangtar ai thlir na, Mr Shirkey le Mr Chatfield an hmanthlaak ai thlir na, tiin White House pawng i Trump International Hotel hmaika ah cun mipi Friday zanlei ah an au len hna.

Trump he tonnak an ngeihmi kong kan theihmi:

Mr Shirkey, Mr Chatfield le a dang Michigan Republican lawmakers tampi cu Trump he an i tong hna. Zeican caan an hman, zei ko dah an i ceih, timi cu a dikdiar in theih khawh a si lo. Vote namhnehnak hi kan hnursuang lai lo. Asinain, vote kong i thil ai ningcanglo mi a um, tiin an chimmi hlathlai dingin joint committee kan ser, tiin an chim.

Republican state lawmakers lakin tonnak ah ai tel ve rih mi lakah, state senator Tom Barrett le January i House speaker a tuan dingmi state representative Jason Wentworth zong i tel ve hna sehlaw a dawh. Mr Barrett hi Trump a tanh taktak mi a si i, Michigan state secretary Jocelyn Benson, Democrat, a soisel taktak tu zong a si. Election results namhnehnak tuah hlan hrimhrim ah Michigan i a ummi vote kong i thil ai ningcanglo mi hi hlathlatnak tuah hrimhrim ding a si, tiin a chimtu zong amah hi a si.

Asinain, Friday i tonnak an ngeihmi ah hin Michigan state kongah Trump nih a tu le tu awlok a chawnh hna a mi Repulican National Committee chairwoman zong a si, anmah Michigan khuami pakka zong a si mi Ronna McDaniel belte ai tel lo.

Biden nih buan a conak state paoh ah amah dirkamhtu ding Electors pawl khomhsuat dingin Trump nih Republican lawmakers pawl rian a fial hna. Cu state pawl lakah cun Michiga zong ai tel ve. Cu ti i Electors pawl khomhsuat a fial hna nak a ruang cu, Dec. 14 i Electoral College nih thimnak an tuah tikah amah lei tangter dih hna i President peh a duh caah a si. Asinain, legal experts pawl nih an ruah ve ningah, cu bang i Trump nih karhlannak a tuahmi cu a sungh ding a fiang ngai ko, ti a si.

Friday tonnak ah Trump a minung lei in mizei set ai tel ve, ti theih a si lo. White House Counsel’s Office nih a minung pakhat hmanh a kalter hna lo, zeicahtiah hi kong hi White House he ai senglo mi a si caah a si, tiin mi tampi nih an chim.

Be First to Comment

Leave a Reply

Your email address will not be published. Required fields are marked *