Press "Enter" to skip to content

USA Election kong ah:Biahalh nak Saya Aung Min Thang.

USA ELECTION KONG AH BIAHALNAK: USA ah a um i thil a theimi nih rak ka let kho ulaw kai lawm hnga. 1. November 3 ah USA election cu tuah asi i USA ah state 50 a ummi lakah state 44 cu vote result hi vote an peek dih tlawmpal bak ah ai fiang cawlh. State paruk asimi Arizona, Nevada, Pennsylvania, Georgia, Michigan le Wisconsin i vote an peekmi result vial zecadah a zarh in a rauh hlei?

2. Hi result ai fiang lomi state paruk ahhin vote hi mi tampi nih carek (postal office) in an peek caah, cu ca pawl cu an hngah pah caah an rauh deuhmi asi kho men. Zeicadah state dang vial ah carek in vote a thlakmi an um ve lo maw?

3. State dang vial ah zeicadah carek votemi cu an hngak ve hnga lo? 4. Zeicadah hi state paruk lawng ah carek in vote thlakmi hi a tam khun hnga? 5. State 44 i vote result vail va chuah colh i state 6 i vote vial a result zarh khat hnu i i fian cu ka khuaruah a har ngai. Hi state paruk le state dang voting system ah zeidah an i dan nak asi?

6. Trump nih Biden cu election ah hrokhrol ai tel bak lo timi na langhter khawh ahcun president cu kan kianh ko lai a ti. Trump tu nih teh hrokhrol ai tel nak a langhter kho ve lo maw? Biden nih langhter lo in amah nih langhter selaw hmual a ngei deuh hnga lo maw? Hrokhrol ai telmi langhter cu a fawi, a tel lomi langhter cu a har. Um zia a ngei lo ngaimi asi. Credit: Dr. Aung Myint Thang

Thawngpang dang zong hi relchap ko:

Pennsylvania biaceihnak zung ah a voi hnih te in Trump lei cu an sung ko nain a voithumnak tu ah cun state legislature (3) nih hi thimnak result hi kan fehter lai lo an ti cang. Cu nizan nai taktak zong ah thil diklomi an hmuh chap thanmi a um. Hihi Trump ca ah cun diamond lungvar bak a si ko.

Mee rel ni November (3) zan sml. 11:08 ah Trump nih a hmuhmi mee (17877) cu an hlohpiak i cu caan bak ah Biden lei ah mee (127930) bak an chapiak ti an hmuhchuah than cang.

Pennsylvania lawng ah chiatserh biakam in mee firnak kong a chimtu minung (100) leng an um ko nain an bia cu state Democrat biaceihtu hna nih an hnolpiak hna. Hihi a um bal lomi a si.

Sihmanhsehlaw cu vial cun a dong cang ti khawh a si rih lo. US ram ah a sang bik Supreme Court biaceihnak a um rih. Supreme Court i biaceihtu Alito nih cun a hlanpi in Pennsylvania ah election day hnu a phanmi mee vialte cu a dang te ah a rak chiahter cang hna. Cu nih cun a hnu ah check an timh ti cu a langhter ko.Trump ca ah teinak cu a ra cuahmah ko!

Rev. Biak Lian Vel

Be First to Comment

Leave a Reply

Your email address will not be published. Required fields are marked *