Press "Enter" to skip to content

USA election kong ah:Thawngpang thar la’Thei nuam taktak mi.

Media-pawlin Arizona le Georgia ah Trump a sung ti an phuan ruangah Trump sung vekin rak ruattu kan um hnuaihni. Ngaingai ah cun Election zanah Arizona ah Trump a sung tiin Fox le AP in an rak phuang zo. Biden ih mark ngah an ngan khal Arizona telin a si tlangpi.

Georgia khalah vawikhat an siar thluh tiang vote 12000 hrawngin Biden in a tan. Tu hi siarsal an thawk rero. Vote siar thawk rero laiih nehtu rak phuan cu thilti ci cu a si lem lo. Mi hrekkhatin an sawisel nasa.

Zan hmaisa ih an EV ngah zo kan ngan ah khan Trump 232 -227 Biden a si kha. Biden ah Arizona EV 11 kan bet le 238 a ngah ding. Hi hi a felfai zo mi a si. Arizona ih Trump in thubuai a tuah mi a hnukdawk. A san cu an video kha pi 15 ai hla ih lak a si ruangah court in a pawm lo. Cun a dik lo an timi vote 191 kha ngah khal sehla result a danglam cuang lo ding(Daily Wire)

A dang State 5 cu dan vekih rel a si lai. Tui dinhmun ah cun Biden in maltete in a tan thluh. Asinan vote dik lo umih ruah a si ruangah Court ih thubuai tuah an si. Court thusuak hngah a ṭul. EV an neih dan cu Pen 20, Georgia 16, Michigan 16, Wisconsin 10, Nevada 10 a si. Danthiampawl cun Trump in Pennsylvenia hi cu a neh an zum cio. A dang cu rel theih a si lo. Trump in Pennsylvenia rak neh khal sehla EV 252 a ngah dingih EV 18 a mamawh lai.

Tling dingin Biden in EV 32 a mamawh ih Trump in EV 38 a mamawh ve. Tump lam beisei cu Court thusuak le a dik lo mi hlawn a si. Biden le Media lam cun tidanglam loih cemtir a si.

√A se zo mi tuahṭhatsal hi a har zet ṭheu. Bawhlung sit khalah Refree in dik lo zetin penalty a pek pang or a pek hrim ih an sit kawl hnu cun, a dik lo ti thei khal sehla kawl loih retsal cu a mal zet. Hi hi Media le Dem lamin an theih ruangah hiti thil an tinak tla a si hmel. Kan ram hrilawknak khalah kum kim lo vote pek theih lo, Hmatpungtin nei lawng vote pek theih, Candidate in kyat ting 100 lawng hman theih, pawisa zem theih lo, etc..tivek dan a um nacingin hivek um an report cece khal le a tling zo mi hlawnsal cu a um lem lo a si hi! (2010 ah kha cun hlawnsal mi tla an rak nei)

Trump in a neh maw a sung timi cu December 13 hlan hrangah cun kan theih a zum um. Ziangahtile court thupek thar a um lo ahcun Dec 14 ah nehtu candidate certificate State pawlin an pe thlang ding.

Vote dinhmun zoh cun Biden in a neh zo. Asinan diklonak an hmuh ih court thutluknak a ra suah ahcun Trump khalin a neh thei ve lai. Mihrek cun Biden 90% -10% Trump tiin neh theinak an pe. Thil umdan zoh cun Trump neh theinak lamzin a tam tuk lo. Asinan 2016 kum khalah Trump tlin theinak 13% pe na, 9% pe na, 1% pe na, 0% pena an rak si cingin Trump in a neh a si kha.

Zuamawknak a cem hrih lo. Republican lam cun vote dik, felfai zetih siar thluh an duh. Cumi hlan cu duai an tum lo. “Media-pawl in Trump duai(concede) dingih an ngen hi an ti ding a si lo. Media in America President an hril lo ih mipi in an hril sawn. Mipi vote zate dik le felfai zetih siar ding” tiah mizan khalah Ted Cruz cun a sim. Thlacamnak thawn hngah hrih a ṭul a si hi!
<>

Lal Lian Zual
Naypyitaw

Be First to Comment

Leave a Reply

Your email address will not be published. Required fields are marked *