Press "Enter" to skip to content

USA Election:Kong ah a buaimi thil pa3 hna.

Supreme Court in Texas Lawsuit a hnawlsak kha US Constitution Article 3 nak vekin a hnawl mi a si.

1. Thubuai um laiah hivek Court ih thlen hi dan kalh a si ruangah an hnawl.

2. Cun Court in Texas Lawsuit ahkhan State dangih thubuai an kengtel lo a tiih State dangih buainak um mi pawl hnenah Court in relfel dingih a timi phurrrit an nei lai thotho.

3. Cun Court in an rak neih zo mi dan pakhat cu Electoral hril ding ni cu January 20 ih thleng theih a siih cumi an pulutsal ding.

Aw hitiin Aw!!! Dem pawlih an rukruknak le diklozet ih an thiltimi pawl hi Supreme Court in a nuainam men hrih loih zohman in kan pu Trump an phatsan tinak a si hrih lo.State tin buainak neipawl in an hrilawkdan thubuai an simfel danin Court in ro a relsal ding.Kan pu tepawl an sung tengteng ding ti ih aukio a theih hrih lo.By Lalcawisang Sangte

Relchap ko thawngpang dang zong hi:

US President Inauguration Committee nih Joe Biden President si ding in cohlan ding le biakamnak tuah khawhnak caah Democrats hruaitu han nih resolution an tuahmi cu Republican hruaitu han nih an thah piak hna caah January 21 ah zeidah a cang lai timi chim awk a tha rih lo.

Texas Attorney General Ken Paxton nih Supreme Court ah Georgia, Michigan, Pennsylvania le Wisconsin i mail in ballot an thlak i Joe Biden an teiter mi hi US phnghrampi he a kalh caah hnon dingah taza an cuai hna. Pandemic pulrai hmang riangmang in Joe Biden teinak an coter mi hi US constitution he a kalhmi a si caah hnon dih dingah biaceihzung ah an kai.

President Trump nih tuchun ah President nawlngeihnak hmang in minsen a thut i, Executive Order a chuah. Ramdang mi hlan ah US citizen hna nih Covid-19 zawtnak khamhnak sii an tinco hmasa ding a si tiah a ti. Zawtnak khamhnak si cu US ah hmun 50000 ah ichunhnak tuah ding in timhlamhnak an ngei cang. Tuzarh chungah FDA nih approve a tuah lai tiah zumh a si. Healthcare worker pawl, tar zohkhenhnak ah a ummi hna le an riantuantu hna an chunh hmasa hna lai ti a si. US citizens paoh cu free in chunh a si lai.

Bernie Sander nih avoi hnihnak Stimulus Check mipi sin a phak khawh lonak cu Democrats hruaitu pawl ruangah a si tiah tuchun a mawhchiat hna. Mipi an har lio ah bawmhnak pek dingmi politic celhnak i kan hmanmi hi a dik lo tiah a ti. President Donald Trump nih tuan deuh ah Coronavirus relief package $1.8 trillions pek dingah a rak chuahpi nain Democrats pawl nih an i duhter loh. Atu cu mahnak in a tlawm deuhmi, $908 billion ah an tla caah Democrats hruaitu pawl cu faak ngai in a mawhchiat hna.

Relchap ko:Khua mi hnatlak nak tel lo bu le khua bawi theih pi nak zg tel lo in mi khua cia ah duh poh in sandah piah hi thawng ah ma a ruah hnga? hruh ralthat in va i that ter i duh poh in mikhua ah va um ko hi nan ning zak lo ma? Nan duh poh cun ChunCung Nu Bu pawl nan hei ti nan cei lai kan khua ah duh poh in thiltuah nak nawl nan ngei lo khua mi zei rel lo pakhat si hih

Relchap ko:Arizona state i mi an chah bik nak Maricopa County i mee relnak seh i cazin cu audit an tuah lai.Kan hnu Ningani ah state phungsertu hna nih mee relnak Dominion i.

Cazin pawl kha chekremh (audit) tuah ding in nawl an chuah. Cyber security thiamsang hna le mithmuh tehte hna nih mee relning aa ningcang lomi kong an chimmi an ngaih dih hnu ah hitihin nawl an chuah than nak a si.Rev. Biak Lian Vel

Relchap ko:Thaizing cu Georgia ah kan Pu Trump le An Nu an kal lai. Georgia cu an votemi a dik lomi tamtuk an hmuh cang caah, Trump nih teinak a Cothan cang lai.

Trump cu thildik a tanhmi pa a si. Cucu ahramthok la ah cun media nih Joe Biden an tanh nain a tu cu tehte tha taktak tamtuk a ngeih cang caah media zong nih an dirpi ve cang long silo in mithiamsang le thil a hngalmi cu Trump an dir kamh cang. Cu lakah Democratic a tanhmi an tampi ve . Kan mit in kan hmuh te lai. Kan hmaika ah ai hun te lai.

Lawmhbia chim ding in kal ai tim . A tulio hi a caan liote a si. Catial tam hi mihrut ah nan kan ruah men lai, nain a caan lio catial lo le biachim lo tu hi a ngawimi thing a si deuh. Georgia vote 16, Pennsylvania vote 20, Nevada vote 6 . A nuam tuk cang lai e. Teinak cu a ra lio puanrang kan zarthan lai. Zohte u! Total vote 274 . Trump 2020.Joseph Thawng Za Tling

Relchap duh mi caah:Ka rak chim ning tein CNN zong nih a chim ve cang hi November 20 ah ka rak tialmi ning tein a tling cuahmah cang ko hi. Trump cu teinak lam a zawh cuahmah cang. CNN zong nih ka chimmi lam (Phunghram) ah hin Trump ca ah teinak a um, state pakhat cio nih an thim te lai i phung ning tein Trump nih a tei te ko lai a ti cang ko hi. Nov. 20 ah ka rak taarmi kha ka taar than ko hi. Tlawmpalte ka remhmi le ka chapmi a um. US thimnak hitihin a buai peng rih ah cun president hi zeitindah thim a si lai? Zei can dah a rauh rih lai? 2000 kum thimnak ah cun thimnak ni hnu ah ni (36) tiang a rau. Kum 1876 thimnak ah cun November in March tiang a rau. Kum 1824 ah cun tanglei aiawhtu (House of Representatives) nih president cu an thim. Atu i kan aupi i kan cuanh cuahmahmi electoral vote in an rak thim lo. Cucaah atu tan thimnak hi zei can dah a rauh lai ti chim khawh zong a si lo cu pin ah hi electoral vote vialte a fian in president cu a fiang cawlh lai ti khawh zong a si lo.

Cucaah atu ah kan cuanh ciomi electoral college hna i an cunglei ah hin nawlngeitu an um rih ti cu a fiang. Mee relnak hmun (electoral college) cio nih mee an pek cio mi zoh in a tlangpi in president cu thim a si tawn. Sihmanhsehlaw thil aa ningcang lomi a um ahcun hitihin a dotdot in a si kho rih. (1) Electoral vote nih teinak a pekmi cu mee firnak tbk aa ningcang lomi a um ahcun state phungtlaitu (legislature) hna nih an thlen khawh rih. Atu ah hi legislature pawl mee firnak kong mithmuh tehte pawl nih an chimmi cuan ngaih cuahmah liopi a si. Aa thuimi (swing) state legislature pawl hi Republican (Trump lei) deuh ngawt an si. (2) Cu state legislature nih teinak a pekmi cu ramukbawi (state governor) nih veto nawlngeihnak in a thlen than khawh ve. Sihmanhsehlaw hmailei thimnak ah mee kan hmu sual lai lo ti phan ah hihi cu ramukbawi hna nih cun an tuah ngam lai lo.

(3) Cu ramukbawi nih teinak a pekmi cu minung (435) ummi tanglei aiawhtu hna (House of Representatives) nih an thlen than khawh ve hoi. Atu tiang ahcun tanglei aiawhtu (house) ah hin Democrat lei nih thutnak (222) an hmuh. Republican lei nih (209) an hmuh. Nizan ah Trump nih a chim ning ah cun tu kum ah Republican lei nih house thutdan (12) an hmuh chap ti a si. Cucaah Republican lei nih thutdan (211) an hmuh cang tinak a si. Cun house ah a thumi Democrat cheukhat nih Biden cu an duh lo caah Trump kha mee an pek khawh men. Cucaah Trump nih tei dawh a si. Biden nih a tei sual hmanh ah a cungah senate aa um rih. (4) House of Representatives nih teinak a pekmi cu minung (100) umnak cunglei aiawhtu (senate) nih a thlen than khawh rih. Atu tan ah hin Republican lei nih senate thutnak (50) an hmuh cang. Democrat lei nih (46) an hmuh party dang nih (2) an hmuh.

A taangmi thutdan (2) zong hi Republican lei nih hmuh dawh a si. Cucaah senate nih president a thim ahcun Trump nih teinak hmuh ko lai. (5) Senate nih teinak a pekmi kong ah a buaibai rih ahcun state cio nih mee thlaknak in president cu thim a si te lai. State pakhat nih mee pakhat lawng thlaknak nawl a ngei. Cuticun state cio mee thlaknak tiang dirhmun a phak ahcun Trump nih a tei hrimhrim ko lai. Zeicahtiah atu tiang thil sining zoh ah Democrat state cu (23) an si i Republican state cu (26) an si. Cucaah phunghram ning tein a kal ahcun Trump nih a tei hrimhrim ko lai. Trump a duh lo tukmi CNN zong nih cucu a chim cang. Cucaah Trump lei a tangmi pawl nan lunglawm ko u! Ref: Rev. Biak Lian Vel

Relchap ko:Tutan thimnak ah President nih teinak ahmuhnak dingah alam a ummi. Court biachahnak. Vote an suaksaamnak State 6 court hna nih Trump case zeitluk athat in evidence an ngeih zongah mithmutu witness hna nih an phuan zongah an cohlang hna lo ti asi. Aruang cu Court pawl hna hi political party hoih in akalmi lawngte an si caah asi.
Supreme Court kalding ah hin court hme pawl kal hmasa ahau. Court hme tete Democrats hna nih Trump case an cohlan lomi hi zeihmanh apoinak a um lo. Nawlngeitu taktak an umnak hmun cu Supreme Court khi asi. Supreme Court ahhin Trump adirkamhmi tampi an um hna. Supreme Court nih order achuah ahcun state kip ah Trump nih teinak ahmuh lai ti asi. Post in vote thlakmi hi million tampi asi i, vote angeitu zong an um lo.

Absentee vote timi lawng hmanh hi thatein zoh maw asiloah minthut aikhat lomi, tuahchomi lawng hmanh hi zohfelnak hnasehlaw Biden vote attumchuk dih ko lai. Aruang cu vote adikfelmi an thlak tiangah hin Donald Trump nih arak tei caah asi. Dominion seh nih Trump vote a hlohmi siseh Trump vote cu Biden vote ah an kalter timi hna zohfelnak tuah hna sehlaw Trump nih vote electoral vote 400 renglo hmanh a hmuh lai.

Joe Biden hi atlin khawhnak lam a um ve ko, cucu acunglei kan chimmi pawl vote lem vote suaksam, ningcanglo vote etc… hna khin a tlinnak ding asi. Adang pakhat Biden teinak a um rihmi cu tutan thimnak ah ningcanglo asimi vote kongah Trump lei nih siko seh daitein um ko usih an ti ahcun atlin ko lai. Sihmanhsehlaw Trump lei nih ningcang lo cu an doh cuahmah.

Trump legal team hna nih ningcang lo vote vialte siseh thimnak kongah thildik lo aum vialte hna cu pakhat hnu pakhat in an langhter i, court ah an kalpi cuahmah. Acung lei ah kan langhter cang bangin Court hmetete ahcun cohlan lo asi zongah Supreme court ah ruahchannak nganpi a um ko. Thilsining acuanmi hna nih Trump nih teinak ahmuh ko lai tiah an chim.

Culawng siloin Donald Trump ahua taktak mi le Trump a chiatnak lawng nifatin attial lengmang CNN hmanh nih tutan thimnak buainak konghe pehtlaiin a chimmi cu atubantukin phunghram le phunning tein an kalpi lengmang asi ko ahcun US president thimnak ah teitu asimi cu Donald Trump asi ko lai tiah a chim ve cang.

Thawngpang dang:Vawleicung ram thawng President hna nih cun Biden cungah an I lawmhnak cabia an kuat dih cang, Putin telhlo in. GSA nih Biden cu White House daily briefing tuah kho dingin nawlpek asi bakin Chin President zong nih Biden cu alawmh pinak ca a kuat. N.Korea Chairman Kim jong Un zong nih aa lawmhnak bia achim ve.

President vialte nih Biden cungah lunglawmhnak bia an chim cuahmah lio ah Brizil ram president Jair Bolsonaro nih cun, US thimnak cu ningcang lo asi, hrokhrol mee a tamtuk. Mah cu cu Republican nih tamtuk tehte an hmuh cang tiah a ti ve. Biden nih teinak a hmu tiah an timi hi adik lomi asi tiin President Trump ttanh in bia achim ve ti nak si. Brazilian President hi Donald Trump huatu ram le media pawl nih cun an huat ngai ve. Anmah pahnih hi ralhrang dohnak dingah biatak tein thazaang chuah a duhtu an si tiah theih asi.Catial tu daily chinstar

Relchap ko:Ralbawi Richard Waldron, cybersecurity expert, nih amah sin le Arizona thimnak lutlai dihlak sinah minhngalh lomi pakhat nih email a kan kuat cio. Democrat pawl meeting an tuahnak a dikthlir tein le Pima County ah Democrat candidate pakhat cio ca ah mee 35,000 an fonhpiak ding in bia an ceihnak vialte a chim dih hna. “Biden le Kamala Haris ca zong an tuah ve. A mui aa langh i chiahserh biakamnak a tuah te ko lai tiah kan i ruah chan. Cun hi tin vote an fonh hi election ni ah a si i ka hmuhchuah khawh te ko lai,” tiah Waldron nih a ti.Rev. Biak Lian Vel

Thawngpang dang:Uar um kho taktak si. Trump nih Khrihfa a si nak a langhter than cang. Kan Bible ahcun “na ral kha va daw” timi bia a um. Cu bantuk cun Laimi nih kan uar ngaingai mi Trump nih a tu dirhmun ah a ral bik simi Joe Biden cung ah hi bia hi a chim i, Khrihfa a sinak a langhter. Tunai deuh kan van post cang bantuk khan Biden cu fak ngai in aa hliam. Trump nih aa hliam ti a theih bak in mah ti hin Trump nih a wish, “Get well soon.” tiah a dam zau khawhnak ding ah a wish. A tu dirhmun ahcun Trump caah Biden hi a ral bik a si.Asinain Trump nih hin Biden hi pumpak in a hua taktak lo timi hmuh khawh a si. Khrihfa a si bantuk in a lungput zong a tha ngaingai.

Joe Biden aa hliam nak kong kha a si’ Joe Biden cu zahan ah khan Lente a celh nak ah fak in in aa hliam. A poi bak ko, upa lei a si cang caah zaangfak ngaingai khi asi. A tu Biden hi kum 78 bak a si cang. Cu lio ah zahan ah khan lentecelh nak ah aa hliam. A hliam nak hi a ke (ankle) ah a si. Sunday zaanlei ah khan Orthopedist sin ah check-up tuah dingin a kal i. Doctor te nih zohfel nak an nei lai.

Orthopedist sin ah check-up ding in a kal lio hi media pawl hmuh an siang loh i Biden team nih mipi an block hna. Asinain @nbcnews nih Orthopedist in a chuah lio hi video in an rak lak. Rau lo ah social media ah a lar colh. Doctor nih a chim ning ahcun Biden nih hin a ke orh lei(right ankle) cu a ulh(Sprained) tiah a chim. Joe Biden doctor nihcun CT hmangin zohfel nak kan nei than lai tiah a chim.

Relchap ko:Trump caah thawngpang chia tak tak Pennsylvania lei in a chuak. Pennsylvania i court a sangbikmi nih Trump le a team pawl nih tazacuainak an tuahmi mail in tlakmi vote 2.5 million thihternak cun an hlawnh piak diam. Pennsylvania Supreme Court nih cun tuni khan (US Saturday) ah court hme deuh nih order a tuahmi cu a cohlang lo.

Court hme deuh nih hin tutan ithimnak hi cohlang (certify) lo dingin nawlnak a tuah. Tazacuainak nih a duhmi cu hi state chung i mail in vote pawl hi US phunghrampi ning in a kal lo (Unconstitutional) tiah a ti. Hi tazacuainak hi kan hnu thla khan rak up cangmi a si. Cun Trump zong nih voi tampi a chim phuan cangmi a si. Tuni Saturday khan Pennsylvania Supreme court nih a hlawnh piak hi a si. Trump caah cun thawngpang chia tak tak a si. Zeitin US pi hi a kal lai ti ruahawk a tam ngai ngaicang. Source: Daily Mail.

Relchap ko:Vawleicung thawngthan chim minthang cem Billi Graham fapa Rev Franklin Gram nih a tialmi cabia tawite nih ka thinlung a kuaiter ngaingaii Joe Biden nih US a hruai ahcun khrihfa hna caah cun kan zalonnak, kan himnak le ka covo a zor lai i ruahchannak a bi chin lai , sehtan pennak nih hmunhma a laak lai i khrihfa hna hmunhma a bi chin lengmang lai.

Pathian a duh tuk mi pa Rev Franklin Gram hmanh nih Joe Biden a hei zomh khawh lo ning le Lai mi tampi nih Joe Biden kan hei tthan khawh ning ruah ahcun ngaihchia taktak khi kan si. US ram cu kan theih dih cio bangin vawleicung ram dihlak ah Missionary a thlah tam cem tu ram si ko hmanh sehlaw Obama nih US rampi a time hnih chung a vun hruai hnu bak ah rawk hram ai thawk.

Minak pa Obama nih time US rampi a hruai chung ah a hrawh mi thil tampi cu President Trump a nih time khat te a ttuan chung ah tampi cu a vun remh khawh tthan. Obama nih time hninh chung a ttuan mi nak in Trump nih time khat te a ttuan mi chung ah thiltttha a tuah mi a tam deuh ngai ngai. Trump nih US rampi a vun hruai hnu bak in Lai mi tampi nih Laitlang lei an chung le an zohkhenh khawh deuh hna.

Zei ruang dah an zohkhenh khawh deuh kan ti ahcun Trump a vun ttuan hnu bak in US um mi Lai mi tampi Company rianttuan mi nih fang 7 an hlawh khawh mi kha fang 15 hrawng hna an vun hlawh khawh ruangah chungkhar tampi cu Laitlang lei an chungkhat le an vun bomh khawh deuh ngai ngai hna. US president ttuan ding ahcun vawleicung ram dang cu um rih seh Laimi kan ca ko ahcun Trump nak i attha mi hi cu an um ti lai lo.

Lai mi tampi nih kan tthan tuk mi Joe Biden kong ah Rev Franklin Gram nih a hmuh ning le Joe Biden nih US rampi a vun hruai ahcun thil cang te lai ding le an tawn te ding mi pawl a vun langhter mi cu shreenshot in ka vun chiah chih mirang holh thiam mi hna na si ahcun rak bih ve hmanh ngaihchia taktak khi a si.

Be First to Comment

Leave a Reply

Your email address will not be published. Required fields are marked *