Press "Enter" to skip to content

USA nih:Facebook taza an cuai lai’Van that bak sicang.

Mipi zumhnak na buar tiah facebook company cu American ram New York State hruainak in state cheukhat hna nih hlathlainak an tuah cag i a ra laimi zarh chung ah tazacuai ding in timhlamhnak an nei tiah thawngpaang theih a si. Tutan tazacuainak hi kum 2020 chungah Technology company tazacuainak a voi hnihnak a si lai, a luan ciami October thla ah khan Alphabet Inc timi Justice Departmen nih Google taza a rak cuai cang.

A tu bantuk in Facebook tazacuainak ding ah hin American ram State 40 leng nih minsen thutnak tuah ding in timhlamhnak an nei i a hruai tu hna New York state ti dah lo cu zei State pawl dah an si timi belte cu fiang tein theih khawh si rih lo. A si nain facebook company lei nih an ruahnak langhter ding in an al bantuk in New York sihni hna zung lei in bia chimnak nawl nei tu pakhat nih a al ve.

Hi tazacuainak hi State biaceih zung ah maw District biaceih zungah chuah pi ding in a luan ciami cacawn nithum ni (December ni 2) ah khan The Federal Trade Commission zung lei in Commissioner pawl ton biaruahnak an nei. Hi tazacuai nak ah hin tazacuai ding state pawl nih zei bantuk sual puhnak dah an tuah lai timi zong fiang tein theih khawh si rih lo.

Pakhat theih khawh a simi cu facebook nih hin a mah bantuk social media ngan si lomi a hmemi pawl cawk ding ah thiam tak tak in aa zuam peng, a luan ciami kum 2012 ah khan Instagram le kum 2014 ah WhatsApp hna zong caw ding in aa rak zuamnak pawl aa tel chih.

A si nain Hlutdaw chung bia an i ceihnak ah Facebook CEO simi Mark Zuckerberg tu nih cun sual puhnak pawl cu a al chih ve i facebook company hi Technology company dang hna he aa ruang tein khuasami si ko tiah a chim. Department of Juctice le The Federal Trade Commission zung hna nih hin a luan ciami kum 2019 thok khan Amazon le Apple hna telh in Technology company pa 4 bak hlathlainak an rak tuah hna.

Cu hlathlainak an tuahnak a rauh hlaan ah Google le Facebook zong cu mipi zumhnak nan buar tiah State Attorney General zung lei nih hlathlainak an tuah colh ve hna.

Be First to Comment

Leave a Reply

Your email address will not be published. Required fields are marked *