Press "Enter" to skip to content

USA nih:Taluk doh ding ah ready asi nak cu’A van langhter ve cang’Tih a nung ko.

Tuluk phomhnak dingah Republican Congressman Ted Yoho nih House ah bill chuahpi a timh cang. Ted Yoho nih atimi cu Tuluk nih Taiwan a thuat asi ahcun US ralkap pawl zong cawlcangh colh asi khawhnak dingah House ah Bill chuahpi a timhnak kong a chim phuan cang. Hi konghe pehtlaiin a tanglei bangin a langhter.

US le South Korea siseh Japan hna nih hmunkhat te ah cawlcanghnak hi rampi kilven zohkhanhnak caah attha bik mi asi. Cuve rualrual in Taiwan kilven le zohkhanhnak lam ah hin US hi duhning bantukin a cawlcang lo tiah a chim chih. Republican Congressman Ted Yoho hi House Foreign Affairs Committee ah chungtel zong asi.

Culawng siloin Hong Kong Autonomy Act zongah Co-Sponsor a si rih. Henry Kissinger chan lio in US nih hin Tuluk le Taiwan karlak thilsining vialte hi biatak tein rian arak ttuan lo tiah a chim rih. Hi ruangah atubantukin Taiwan Invasion Prevention Act timi cu chuahpi a timhnak hi a si tiah langhter chih tthan rih a si.

Tutan ah chuahpi a timhmi Bill nih alanghter duh bik mi cu Tuluk nih Taiwan a tthuat asi ahcun US ralkap pawl hna rianrang in cawlcangh khawhnak dingmi Bill a si. Culawng siloin mah Bill hi an pass a si ahcun kumpi kum nga chung commander in chief nawlngeihnak hmangin Tuluk cu a thuat khawh cang lai tinak asi.

US nih hin i kilven zohkhanhnak dingah Taiwan cu hriamnam a pek i, atu ahcun Tuluk President Xi Jinping nih an kuttang ah an um khawhnak ding asi ahcun Taiwan hi thisen luannak ram asi lai tiah nawl a chuah. Taiwan nih aa kan halmi asi lo. Taiwan hi zeitikk caan paoh ah Communist China ramtthen khat asi bal lo i, a duh zong an duh bal lo tiah a chim chih.

Hi konghe pehtlaiin aliamcia mi thlachung ah khan Poll tuahmi an langhtermi cu Taiwan minung 67% hna nih Taiwanese kan si tiah an i ti i, 27.7% tu nih cun Independence kan duh tiah an ti ve tiah Republican Congressman Ted Yoho nih a chim chih. Hithil hi aliamcia kum 1994 hnu lei ah hi dirhmun hi akai bik caan asi i, 0.7% lawng nih Tuluk he ramkhat bantukin um hi an duh tiah a peh rih.

A tang lei zong hi relchap ko uh:

Khrihfa hna le Pathian azumh mi caah cun lungfak lo awk tha lo khi asi ve, America ah Jesuh Yuk/lem (statue) cu hrawh dih asi hnu ah sersatnak tuah in alu tan piak asi, West Kendall,Florida a Good Shepherd Catholic Church ah Jesuh Lu cu tan piak asi tiah news report nih cun alanghter.

Jesuh Lem hi anchiahnak dirternak hmun in tluk/rilter asi hnu ah Deacon Edivaldo da Saliv nih cun arak hmuh hmasa, mah thil cang mi hi tauh sual (accident) si lo in hramhram in tuah mi le hrawh asi tiin ahmutu hna nih fiangte in arak chim khi asi.

CATHOLIC Church leaders nih cun mah thil cang mi ah hin Investigation tuah piak ding in palik hna sin ah nawlnak atuah, palik hna nih mah thil sualtuahtu hna hi biatak te in hma akan lak piak khawh ah cun atha hnga? Thil sualtuahtu mi tlaih hram se tiah aduh tiin Local 10 News sin ah a chim.

America ram ah hin Catholic Church cheukhat hna hi atu bantuk in thuat/attack tuar peng arak si ko cang, Los Angeles ah kum 250 arak si cang mi Catholic church, San Gabriel Mission cu mei dawh le khangh arak si cang, New York ah Virgin Mary statue zong hrawh arak si cang fawn.

Mah misual hna le Pathian zei rel lo mi hna hi minung nih kan lehrul lo hmanh ah nikhatkhat ah cun acung ah Pathian nih hremnak apek te lai caah kan mah Khrihfatu nih cun thlacam piak tu deuh khi kan rian asi, mah caah cun USA ram hi buainak aphunphun nih atlak lio hna sikaw Pathian nih zei thil dah tuah atimh timi hi asi ko.

Donald Trump kong asi a tang hi:

Ngai anuam chin lengmang cang, Trump an tuah ning bantuk kha philh ding a si lo. Russia bawmhnak ruangah Trump nih President a coh tiah Democrats pawl nih fakpi in an soisel thangchiat hnuah Special Counsel Robert Muller’s Investigation nih kum 3 le hrawng hlet hlainak an tuah hnuah Trump le Russia cu pehtlainak an ngei lo riah thei a si

Mah kongah Trump nih Democrat pawl an thil tuah ning cu a philh lo caah mah bantuk in Democrat pawl nih thil an tuah ruangah dohhlatnak a kapi ve i,

Attorney General William Barr nih U.S. Attorney John Durham cu thil zeipoah fiangtein hlethlainak tuah ding in nawlngeinak a pek

Mah bantuk in Democrat pawl cungah hlethlainak an tuah ruangah Democrat pawl hna cu lungdai loin an um peng. John Durham, the U.S. Attorney nih September hlethalinak an tuah nak kong cu USA mipi thei ding in a phuan cang lai.

September ah phuankhawh a si lo ah cun November Election hlan ah phuan a si lai tiah a chimMah bantuk in thil a si caah Democrat pawl cu an mang a chia cang i, Democrats lei nih cun Trump he President i cuh ding mi Democrats Party Presidential candidate Joe Biden hrawh duh ruangah thil tuah mi a si tiin an lungtlinglonak fakpi an chim

Department of Justice spokeswoman Kerri Kupec nih a chim ning ah cun mah criminal investigation hi justice system thatein kapi nak a si, politic thil a si lo tiah a chimi. “American mipi nih biadik le biahman an thei duh mi a vun chuak cang. frankly, justice deserves resolution,’ tiin a chim. Fox News

A tang ah thawngpang dang asi:

US ram cu Pathian a tih mi le Pathian a bochan mi an si tiah vawlei cung mipi nih kan zoh cio mi hna an si. Asinain US ramchung i State ngandeuh pawl ah hin Pathian zeirelo nak a karh chin lengmang cang caah hi hnu kum zeimaw zat ah cun Pathian hi an phil taktak caan a phan cawlh ko lai.

Bawi Jesuh Cu Lesbian Bantuk Ah An Ruah

Liberal state tiah a minthang bikmi state cu California le New York an si. Cu hmanh ah California hi a minthang khun. California cu liberal pawl an ruhnak le an chahnak hmun a si lawng si loin Pathian zei ah a rel lomi, Hollywood pawl nih hmunhma a khuarnak hmun a si.

Hollywood nih Habit timi movie pakhat thlak an timh I, Bawi Jesuh cu lesbian timi, nule nu aa duhmi ah canter an timh. Bawi Jesuh lemcang a tuan dingmi fidi cu Michael Jackson fanu, Paris Jackson a si lai an ti.

Mah movie thlak dingmi cu khrihfa pawl an thin a phawh hna caah signature campaign an tuah I, movie thlak lo dingah minung 300,000 nih minsen an thut cang. Hollywood pawl nih hin Pathian zei rel lonak movie an thlak pah lengmang.
Catialtu: Salai Lairamthang

Thawngpang zong hi relchap ko:

India ram hi vawlei cung khrihfa hna an tuarbik nak Ram a rak si ko nain, a tu ah cun Donald Trump thawngin…Donald Trump nih human right India hna nih an nei khawhnak ding le abik in khrihfa hna hi Muslim hna le Hindu hna nih , hna an hnawh tilo nak hnga, PM Modi sinah a chimh. PM Modi zong nih a tha a dik mi asi a ti i, India khrihfa hna

Zalong te in Pathian an biakkhawh nak hnga nawl a pek ve cang hna. India ramah khrihfa mi hna nih thihloh nak hindu le Muslim hna ruangah an tuar rih ah cun, a hlan bantuk in zoh sasawh lo in, a zizuk ding asi cang tiah PM Modi nih India mipi le biaknak tampi hna hmai ah bia a chim ve cang. Khrihfa nih an biakmi thate le thianghlim te in Zesuh

an thangthat ko mi nang le Kei nih kan va buaihnawh hna Ding an si lo, India ram ah, religions ( biaknak) freedom asi cang tiah a chim. India ram ah hin missionary le khrihfa hna thah nak a tamtuk caah , Donald Trump nih a bik in hi kong he peh tlai in PM Modi hi a tong duhnak asi. Donald Trump hi khrihfa hna kan caah cun a sunglawi taktak.

Khrihfa hna an kan venghim ning hi ruah tik ah, ngaih lei a chia, zei bantuk in harsaknak a tong zongah khrihfa hna kan luat ah cun a nuam mi asi.

Donald Trump bantuk in president midang hna kha rak piangthar hna seh law, kan vawlei hi khrihfa ram ah a chuak cang hrimhrim lai. Donald Trump nih PM Modi kha batak te in khrihfa an himnak hnga Action na lak hau a ti i, PM Modi zong nih a lungtling nak a langhtar nak ah, Trump he an kut an thlir rual. Tha kho taktak.

A tang hi Joe Biden kong asi:

2020 White House Race, Joe Biden le President Trump an i cuhnak ah, White House Rose Garden ah President Trump nih Joe Biden hi ka tei hrimhrim lai, tiah a chim. “Joe Biden hi ka tei ka zumh ko, Polls ah hin rak ka tei taktak ko hmanhsehlaw polls lawnglawng hi i rinhngam ding a si lo,” tiin president Trump nih a chim.

Bikers pawl le Boaters tam taktak zong nih President Trump an support zia zong an hun langhter ve cang. “Intracoastal Florida zoh hmanh u! Trump supporters sign in a khat hih. American signs, Trump-Pence sign pawl lawng te hmuh ding a um. Bikers pawl zong meng tam taktak ah hmuh ding an um, a nuam kho taktak,” tiah President Trump cu ai nuam taktak.

Joe Biden nih Climate Change sersiamnak ding caah $2 trilllion plan a chuah than. “Joe Biden hi American politics ah kum 47 kan hmuh cang. China a duhsaknak le China a ngamhlonak ti lo hmuh ding a um lo.Joe Biden nih hin America rumnak hi China a ei ter thlu dih te lai.

Media pawl nih hin kan konglam nan chuahmi hi a dik lo (a fair lo), ka riantuanmi a tha lei paoh an chuah bal lo, nain a voi 2nak ka tlin than tik ah cun Media pawl zong hi an lungfim ve te ko lai,” tiah President Trump nih a chim.

A tang lei hi Obema le Media pawl kong asi:

Barak Obama le a nupi, Michelle Obama zong online video a tuahtu, Netflix ah political documentaries tuah ding in Netflix company he hnathlaknak minthut nak an tuah ve.

Obama te nupa nih a tlawm bik in 100 million cu an hmuh lai tiah ruah a si. Obama te nupa nih Netflix I riantuan ding in hnathlaknak an ngeih tlawn pal ah, Obama president a tuah lio I, national security advisor a rak tuanmi, Susan Rice zong Netflix Board of Directors ah rian an pek colh ve.

Susan Rice nih hin MSBC TV ah President Donald Trump nih ramdang mi [ Russia] sin in information le ruahnak a laak lai tiah a zumhnak kong in President Trump cu soisel a thawk ve. CNN nih rian an pekmi Obama minung James Clapper nih CNN in President Donald Trump nih 2016 thimnak lio ah Russia sin in bawmhnak a hal ti in biatak tein soiselnak a tuah.

CNN nih Trump sualnak kawltu dingah CIA le FBI a rak tuan balmi zong rian an pek hna. Mah hna cu CIA director a rak tuan balmi, Mchael Hayden, CIA agent hlun, Steven Hall, FBI agent hlun, Asha Rangappa, FBI agent hlun James Gagliano, hlan lio Deputy National Security Adviser Tony Blinken le hlan lio national security council adviser Samantha Vinograd hna an si.

Mah vialte hi CNN nih Trump dotu dingah an hlanmi hna an si. Mah hna nih hin Donald Trump tlamtlin lonak pakhat khat an hmuh ahcun chun le zan in media hmang in sum phomh in an pomh I an soisel. Credit-Salai Lairamthang

Biadang zong hi relchap ko a tang hi:

Democratic party nih President Donald Trump he November thla ah US president i cuh ding in an thimmi Joe Biden nih “Donald Trump na vote ahcun minak taktak na si lo tinak a si” tiah The Breakfast Club host a tuahtu, Charlamagne tha God sin ah interview ah a chim i, a mual a pho. [ “you ain’t black” if you vote for Donald Trump over him in the 2020 presidential race. ] A fiannak in hei chim ahcun minak na si ahcun democrats nan si awk a si ti le Democratic party cu minak ta a si ti khi a chim duhnak a si ko.

Mah ruangah Biden cu miphun thleidanak a ngeimi racist a si tiah tuchun ah media kip nih faak ngai in soisel a tong. Joe Biden cu a biachim mi a chuah sual ruangah tuchun lila ah nawlnak bia chim than. Minak cheukhat zong nih faak ngai in an soisel ve.

Joe Biden nih kanmah tein zalong tein thimnak nawl kan ngeimi hi a hngal lo maw? kan duh le kan vote lai, duh lo le vote lo a si ko, amah nih i thimnak nawl kan ngeih mi ah a kan tlangtlak ding a si lo” tiah an ti.

Joe Biden hi kum 78 a si cang caah a upa ngaingai cang i, a lung zong a lo ngai cangmi a si. A chimmi zong a philh lelek. A biachim hnu hmai a hngal tawn lo. Nikhat ah suimilam 10 tal a ih lo ahcun a tha tein a lungfim kho lo ti a si. Cucaah President Trump nih Sleepy Joe” tiah a auhnak a si.

Thawngpang dang hi relchap khawh asi:

China ram Wuhan khuapi in Hongkong ah, Hong Kong in US ah a zammi sibawi Dr.Li-Meng Yan nih cun 2019 kum, Decembar i Coved-19 zawtnak hrik zohhlattu ah a tel nak le, China cozah nih cun Covid-19 zawtnak cu a thok ka ah khan rak ngaihsak lo in damlo mi hna zong tuamhlawm tha duhlo in a rak um nak, WHO thawng a rak thanhtu zong nih covid-19 zawtnak cu minung taksa ah a chonh khawh timi cu a theih tuk ko nain, a rak chim duh ve lo tiah amah biahal tu pawl Fox thawngla tu sinah achim.

Dr. Li-Meng Yan cu Virology le Ummunology ah mithiam khun a si i, Hong Kong School of Public Health rian tlaitu zong a si. Chinna ram a chuahtak nak cu China cozah nih a cungah thilthalo research a tuah cu Supervesor zong nih a theih lo nak a chim i, Coved 19 zawtnak a rak si ka te ah khan China cozah nih cun mipi theihternak a rak tuah dohlo tiah achim.

“US ka luhnak a ruang cu Covid-19 zawtnak he pehtlaiin biadik kan chim ruangah a si cem ko. Kan riantuannak Laboratory cu WHO zong nih Laboratory zumhtlak ah a ruah i, SARS zawtnak bantuk virus zohhlattu Scientist ah ka tel.

2019 kum , December 31 ah Coronavirus zawtnak cu minung pakhat le pakhat i chonh khawh a si nak cu kan hotu ka rak chimh nain an rak ka ngaihsak piak duh lo. Curuangah sibaw tam deuh u cu an thin a rak phang tuk cang i Staff pawl cu a rak thirh dih hna.

“US ram ka rak luh cu airport ah an rak ka dir ter i, China ah kuat kir than ding an ka timh. Asinain, an sinah biadik phunchuah dingin China ka chuahtak i US ah a ra mi ka si, China ah nan ka kuat kir than a si ahcun an ka thah lai tiah ka chimh hna i, FBI nih cun bia an ka hal hnuah an ka kuat than lo” ati.

Cu pin ah China cozah nih hlathlainak hmun zongah cun sau um ter an kan sanhlo i, an kan kuat colh lengmang tiah achim. Dr. Li nih cun China cu virus thup tu le damlo hna zong tuamhlawm duhlo tu ah chim nain virus cu China tuahmi a si timi bia ka cu a ka in a chuak lo.

Hi bantuk in bia a um lio ah US i China Embassy nih cun Dr. Li cu an mitheih a si lo nak an chim ve i, Hong kong School of Public Health zong nih Dr. Li cu a rian in an rak phuahnak le a sulhnu zeizong te a rak thai piak dih.

Be First to Comment

Leave a Reply

Your email address will not be published. Required fields are marked *