Press "Enter" to skip to content

USA Ram Um Chinmi Cheukhat Nih Rammi Sinak Neilo Bak In Pu Biden Thimfung An Rak Pek Ngam Ko Hih

Atu lio a linsa ngai mi US ithimnak cu a tu tiang Official te in Vote result phuan le thanh a um kho bak rih loh.vawlei cung thawngpang thanhtu media tampi hna nih Trump cu a sung i Biden nih a tei cang tiah an thanh nak an tuah mi kha hmuh le rel cio a a si.asinain a tu tiang Official te in thanh le phuan a um khawh rih lo caah mi zei deuh dah US president cu a si tiah theih khawh a si rih lo.US ithimnak result um tu ning zoh tik ah kum vui January thla lawngah a dik mi le a fiang mi thawngpang theih khawh dawh in kan um.

US ithimnak konghe pehtlai in Trump cozah nih ningcang lo vote a tla mi, mithi cia vote, kum tlinglo hna vote, fir mi vote le hlawnh piak mi vote tibantuk a um ti ruangah tuchun tiang biaceih zungah pehzulh in an phan peng tiah media tampi nih an chim.tutan US ithimnak i Trump le Biden karlak thimfung a tla mi kongah miphun dang thimfung lawng si lo in US ram um kan mah Chin miphun hna lak zongin ningcang lo vote a thla mi tam pi an um tiah theih a si.

A bik in Indianapolis chungum Chin miphun le Columbus state chungum mi hna chungin US ram mi sinak zei hmanh a nei lo na in Pu Biden lei ah thimfung a thla mi tampi an um tiah theih a si.hi kongah Ohio’s state um mi Chin pa pakhat nih cun democratic joe biden campaign pawl hna nih kan mah lei ah thimfung nan thlak a si ah cun rammi sinak kan in tuaktan piak hna lai tiah an kan chimh rel caah an mah lei ah rammi sinak nei lo bak in thimfung cu a thli in kan chungkhar in kan pek ko hna tiah a mah bak in a chim. worldnewsforchin

Be First to Comment

Leave a Reply

Your email address will not be published. Required fields are marked *