Press "Enter" to skip to content

USA rampi nih:Ni3 chung rawl ulh’ thlacam nak ngei ai tim cang.

Louisiana Governor John Bel Edwards (D) nih a ram chung minung hna sinah Covid-19 dohnak caah zeizong tuah kho tu Pathian sinah bawmhnak hal ding dingin a sawm than hna. KLFY-TV nih a langhter ning ahcun ni lini conference an ngeihnak ah Edwards nih Pelican state chungi a ummi nan dihlak ni thum chung chunrawl (lunch) rawlulh thlacam nak ah I tel cio dingin a sawm hna.

Hi rawlulh thlacam nak cu July 20, Monday in kan an thok lai I, Wednesday, July 22 tiang asi lai. Hi rawlulh thlacamnak cu a dam lomi le damlo a zohkhenh tu hna le coronavirus ruang in thihtakmi chungkhar hna caah a si lai a ti.

Governor Edwards nih zei biaknak ti um loin ahopaoh I tel cio ding in a sawm hna. Ai phun dang deuh ti hi ka hngalh. Mah hi cu Thlarau rawl le cawlcanghnak a si tiah ka zumh, Catholic Khrihfa ka si bantuk in ka zumh, zei si zongah zumhnak cu a biapi tuk a ti.

Cun a chim rih mi cu hi idea a rat nak cu kan hnu zarh ah khan state chung ummi pastor vialte he phone in meeting kan tuahnak in a si a ti. Zarh thum ah voikhat lengmang biaknak lei upa hna he meeting kan ngei lengmang a ti. Louisiana ah hin covid-19 in a thi tharmi 24 asi I an zapi 3375 an phan cang.

State chungah virus in sizung ummi hi 1400 an si. Edwards nih coronavirus caah rawlulh thlacam a auhnak hi a voihnihnak a si cang.

March thla dongh lei ah khan Edwards le anupi nih rawlulh thlacamnak an ngei I midang zong tel ve dingin an sawm ve hna.

A hmasa I Kam ram le kan miphun a dam ter bantuk in atu zongah Covid-19 ruangah dawtmi chungkhar a sungmi hna an I hnemh khawhnak ding le positive a simi hna zong tlamtling tein an dam than khawhnak dingah Pathian sinah state chung minung dihlak thlacam ti dingin sawmnak a tuah hna tiah The Catholic News Agency nih a langhter.

A tang zong hi relchap ko:

US President Donald Trump nih cawnni hnih ni ah khan China President Xi Jinping he hrimhrim kan i chawn lo. I chawnbiaknak caan kan ngei zong ka zum lo, a mah chawnh hrimhrim hi a timh in ka tim lo, tiah White House ah reporter pawl hmai ah a chim.

Coronavirus a rak chuahnak kong ah a thinhunnak a van chim colh i, “Hithil hi a fiang cia bak a si. China nih vawleipi lak ah Coronavirus an thuh tihi thil fiang cia cu a si. Coronavirus kong hi vawleipi hmai ah an thuh peng. An duh ahcun coronavirus hi an dihter khawh.

Vawleicung pumpi ah chuak lo dingin an tuah khawh tuk,” tiah President Trump nih China a phomh hna. Cun, President Trump nih The World Health Organization lak ah a thinhunnak a hun peh than colh. “The World Health Organization hi China nih a duh duh in a tuah khawhmi China Uico te an si,” tiah a ti hna.

A tang hi nu kong he a pehtlai mi asi:

Nu hna nih thla fatin an ngeihmi thiratnak hi a sawhsawh in a ruatmi kan tampi. Sinain hi kong ah ningzak le zeirel loin um hrimhrim ding a silo. Mah thlafatin a rami thii color nih kan ngandamnak a langh ter. Nu cheukhat cu thiratnak kongkau hal tikah ningzah a hmangmi an tampi. Cucu ningzah ding a si lo.

Thil asining tein chimphuan khawh tu kha aṭha bik. Vawleicung ngandamnak lei thiamsang hna nih research an tuah i, nu thii color nih zei bantuk ngandamnak na ngeih ti a langh ter tiah an chim. Cu hna cu a tanghlei ah ka vun langh ter lai.

Pink Color (Reddish-pink): Na thii a rat lio i Pink color bantuk a um si ah cun na nu hang (Female Hormones) a tlawm tuk ti kha a langhter. Thla fatin hi Pink bantuk color lemang a si ah cun Dorctor sin ah naa zohter ah a ṭha bikmi a si. Caan sau a rauh ah cun nau ngeih khawh lonak ti bantuk tiang a chuahpi khawh caah na caah ṭihnung a si.

Thiifil (Bright Red): Na thii color kha na vun zoh i a sen tuk silo in a fil pah si ah cun eidin lei ah na chanbau ti a langhter. Cun nau-inn lei ah na thazaang a der tinak zong a si fawn. Mah bantuk thii color a rat si ahcun ralrin ngai na herh. Si nain thinphan ding cu a si tuklo.

A rianrannak in sibawi sin ah naa zohter ahcun caan sau raulo in an thlopbul khawh mi a si ko. Theihding pakhat bel cu hi bantuk color in ni 7 silo le 8 tiang peh thliahmah in a rat si ah cun, cucu thinphan ngai ding cu a si. Cu caah daithlang in um hrimhrim hlah.

Coffee Color (brown): Hi coffee color bantuk le brown lei a panhmi color in na thii rat si ahcun na thii a chuak kholo mi pawl kha caan saupi na nau-inn chungah an taan caah a si. A fawinak chim ah cun thii-lak mi kha a siko. Cu caah na thii rat lio ah a thlum-aal deuh kha na thii duhdim tein a rat khawhnak ding caah tam deuh in ei piak i zuam. Hi bantuk hi cu thinphan ding cu a um lo tiah ti a si.

Asenduk (Deep Burgundy): Na thii rat i a senduk tuk a si ah cun na nu hang (Female hormones) kha normal nak in a tam deuh caah a si ti kha theih ding a si. Cucu chiatlei nak in ṭhatnak lei deuh a si ko caah thinphan ding a si lemlo. Hi lio caan ah hin nau ngeih a fawibik caan zong a si tiah thiamsang hna nih an chim fawn.

Normal Red: Normal Red color in na thii a rat ah cun zei hmanh thinphan ding na ngei lo. Cu nih a chim duhnak cu mi ngandam na si kha a si ko.

Nu tamdeuh 70% nih hin mah thii color hi an ngeih mi a si. Cu caah na thii a rat tikah na thii color kha ṭha tein zoh law, a cunglei ka langhter ning bantuk a si sual ah cun, a rianrannak in Doctor sin maw sii-inn ahmaw kal colh i zuam. Cu cu na caah kilvennak ṭhabik zong a si. Ref: Health.com

Be First to Comment

Leave a Reply

Your email address will not be published. Required fields are marked *