Press "Enter" to skip to content

USA ram:Thimnak maw’Biapi deuh in kan chiah lai’Covid-19 deuh dah fianghter nak.

USA POLTICS LE COVID-19 USA i COVID-19 sining, karh ning hi politics he pethaihnak tampi a ngei in ka hmuh. Politics maw a biapi deuh ah kan chiah lai COVID-19 ikhamhnak dah? USA nihcun politics hi biapi deuh ah a chiah rua ti in ka hmuh. Aruang cu:

1. USA President thim kum i COVID-19 a tlunmi hi USA minung hna caah thil poi ngaingai asi. President i thim kum hi si hlah sehlaw hitluk ngaingai hin virus zong hi a karh hnga lo i a thimi zonghi ti tluk ngaingai hin cun an tam hnga lo.

2. USA ahcun COVID-19 hi karh sehlaw, ram hi buai sehlaw nawlngeitu pawl an min chia seh ti a duhmi tampi an rak um. COVID-19 in mi tampi an zawtmi le an thihmi kha hruaitu ai then nak ding a si poh ahcun a poi ah a chia lomi tampi an um ti khawh asi.

3. USA i nifatin COVID-19 mizaw thar mi 50,000 hrawng an karh lio ah khan mask hmang huaha loin USA minak pa kong ah sautuk lekpek duhlonak an langh ter tibantuk, political campaign a tuahnak ah a karh ter tuk tibantuk kha a tam ngaingai. Misual minak pa thihnak kong ah khan president i thim kum sihlah sehlaw, kha tluk sau kha duhlonak an langhter zuam hnga lo. Zawtnak zong kha kha tluk khan an karh ter hnga lo.

4. USA ah president thimnak cu November 3 ah tuah asi i Joe Biden nih a tei timi thawng a than, zarh khar a rauh bak ah COVID-19 vaccine kan chuah khawh cang timi thawng an thanh ve. 90% cu a him ti asi. Zarh hnih a rauh hnu in adang company nih 95% a himmi vaccine kan chuah khawh ve cang an i ve fawn.

5. Trump nih election vote ah hrokhrawl a tam tuk caah ka pom kho lo a ti i biaceihtu zung ah vote zoh fel ding in a chim tthan tikah atu tiang president thar zuamnak ah ai teitu i theifiang kho loin a um rih. Cucaah COVID-19 vaccine zong cu kan chuah khawh cang an ti nak thla khat asi cang nain aho hmanh vaccine an chun rih hna lo. Joe Biden nih president ttuan hram ai thawk in hi si hi chunh an timh bia maw asi hnga? Trump nih a hruai hna chung ahcun vaccine chunh i mi nunnak khamh hi an duh lo bia hna asi hnga maw?

6. USA ah nifatin minung 100,000 reng lo hi zawtnak hi a karh ko i, 1000 hrawng an thi peng. Asinain uktu thar kan ngeih lo ahcun a thimi poh cu thi ko hna seh, ti hna selaw ka dawh ter ngai. Election ahhin Trump hi tling selaw vaccine hi an thuh peng ko hna hnga maw?

7. Vaccine an chuah khawhnak a sau cang, ziah an hman bal hnga lo? Ram dang i an kuat khawh rih lo zongah ziah USA mipi tal an ven hna hnga lo? Zei nih dah a donh hna hnga? Kum vui thengmang i vaccine hman hi zeicadah USA nih ai timh peng hnga? Asiah USA hi hitluk zawtnak a karh i minung 250000 hrawng an thih cangmi hi Democratic ruang ah maw asi deuh Republican ruang ah dah?

Vaccine kong lawng ah si loin COVID-19 hi USA mi tampi nih uktu ithlennak caah faak tukin an hman tiin kei cu ka hmuh.

Angai ngai ti ahcun USA cu Trump nih a uk zongah a poinak a um lo i Biden i a uk zongah a poinak a um lo. Mi ttha veve an si ko. Anmah lak ah pakhat a chuah nakhnga hi vialte minung nih thihnak an tuar hi cu ai phu bak lo.

Be First to Comment

Leave a Reply

Your email address will not be published. Required fields are marked *