Press "Enter" to skip to content

USA Supermarket Pakhat Ah Meithal Kahnak A Chuak, Minung 10 An Nunnak Liam Cang Ee

American ram Supermarket pakhat ah meithal tlaitu pakhat nih minung 10 hrawng a kah hna i an nunnak a liam, tiah theih a si. Virginia ramkulh Chesa Paraki khua ah a ummi Walmart Supermarket pakhat ah a luancia November 22 ah Super Market Manager tiah ruahmi pa nih minung 10 hrawng a kah hna hnuah amah tein ai that ve, tiah ṭuanvo ngeitu palik nih an chim.

Cu kahnak kong he pehtlai in zei ruang ah dah meithal kahnak a chuah ti mi kong bel fiang in hngalh a si rih lo. Palik nih cun Supermarket chungah minung pakhat nih a thahmi hna a si, tiah an langhter.

A luancia kum 2019 lio zong ah Texas ramkulh, El Paso khua Walmart Supermarket ah meithal kahnak a rak chuak i minung 23 an nunnak a rak liam cang tiah theih a si. Credit; The CHin Post

Relchap; NLD Hluttaw MP Pathum Hna Cu SAC Nih Thong Kum 20 Thlak Dingin Bia An Khiahpiak Hna. Rampi nawlngeihnak latu Min Aung Hlaing nih thongtla cheukhat a thlah hna hnu ni tlawmpal a rauh ah NLD party Hluttaw palai pathum hna cu, Pathein thonginn ah kum 20 thong thlak dingin bia an khiahpiak hna, tiah theih a si.

Kum 20 thong thlak a tongmi hna cu Pathein ramṭhen Hluttaw palai Than Htuat, Tharpaung Pyituh Hluttaw palai Thein Htun, Tharpaung ramṭhen Hluttaw palai Aung Aung Oo hna an si, tiah theih a si.

SAC kuttang Pathein thonginn chung biaceih zung nih rampi limhang thlaknak le rampi rawiphiarnak case in kum 20 thong an thlak hna hi a si, tiah NLD party chungtel hna sinin theih a si.

Thong kum 20 thlak a tongmi NLD Hluttaw palai pathum hna cu, SAC nih nawlngeihnak an lak hnu ah an i thup i thla khat a rauh hnuah SAC ralkap nih an rak tlaih hna.

NLD party nih an khawmhsuatmi cazin ningin SAC nih nawlngeihnak an lak hnu in Hluttaw palai 90 tlaih an tong i, tlaih an ton i hren an ton lioah Hluttaw palai pahnih an nunnak a liam, tiah theih a si.

Relchap; Indonesia Ram Li Hninh Ruang Ah A Nunnak Liammi 268 Tiang An Phan, 150 Leng An Tlau I Inn 20,000 Leng A Rawk. Indonesia ram nitlak lei ah a luancia nikhat ni lio ah a cangmi Li hninhnak raung ah a nunnak liammi 268 tiang an phan i minung 151 an tlau rih tiah cu ka hmunhma tuanvo ngeitu nih November 22 ah a chim.

Java ramkulh ah a luancia nikhat ni lio ah 5.6 tluk a tha fakmi Li hninhnak a rak chuah caah minung 1,083 nih hliamhma an tuar i, minung 58,362 nih an umnak inn le lo an chuah tak tiah theih a si.

Li hninh raung ah a tlaumi hna cu mi bawmchantu phu hna nih an kawl cuahmah rih ko hna tiah Suhar Yan nih a chim. Li hninhnak ruang ah a rawkmi inn hna cu cozah nih Rupiah 10 million in 50 million tiang kan in liamh hna lai tiah Indonesia president Joko Widodo nih a chim tiah theih a si.

Be First to Comment

Leave a Reply

Your email address will not be published. Required fields are marked *