Press "Enter" to skip to content

USA:Pastor pawl thinphang in an um cang’Jesuh khri ruang ah.

Seattle CHOP Zone Buainak: Washington State Seattle khua ah, Black Lives Matter pawl nih sang pakhat cu an laak I, an sang chung in police vialte an thawl dih hna hnu ah anmah tein security an I laak. Asinain anmah lila chungah meithal kahnak a chuah caah Seattle khuabawi nih chop zone cu kan hrawh lai tiah a chim cang nain thisen chuah lai an phan caah atu tiang an hrawk kho rih lo. Mah ka CHOP zone chung I a ummi sipuazi tuahtu hna nih chop zone hruaitu pawl cu taza an cuai lio hna a si.

BLM hruaitu Shaunking nih, “Bawi Jesuh hmanthlak le milem vialte zong kan hrawh dih lai tiah a chim caah, khrihfa hruaitu pastor pawl cu thinphang thlalau in an um. Cucaah chop zone chung I a ummi khrihfa hna nih thlacamnak in bawmh cio dingah an pastor hna hmang in video clip in bawmhnak zapi sin ah an halnak social media kip ah an pho.

Princeton University Nih Woodrow Wilson An Chuah: Princeton University nih US President hlun Woodrow Wilson min a telnak poah cu Princeton university compus chung in kan hnawh dih lai tiah Princeton’s president, Christopher Eisgruber nih zarhte ni ah khan a chim. President Woodrow Wilson cu school’s board of trustees chungtel sinak in chuah dingah cacawn ninga ni ah khan vote ah thlak.

Minak ttanhtu, Black Livers Matter pawl le democrats pawl nih biatak tein lobby an tuah caah atu bantuk in an chuahnak a si an ti. President Woodrow Wilson cu 1913 in 1921 tiang US president a rak tuanmi a si. Amah chan ah sal zuatnak a rak um caah atu bantuk in an huatnak cu a si. Minak ttanhtu BLM pawl nih US founding fathers paohpoah cu an huat dih hna i, an lungphun, an milem le an nehnang poahpoah cu democrats pawl an thawhnak state poah ahcun an hrawh thluahmah hna.

President hlun, Gorge Washington, Andrew Jacson, Thomas Jefferson, Abraham Lincoln, Woodrew Wilson le Teddy Roosevelt lungphun hna cu ceilak an hrawh manh cang. Presdient Donald Trump nih kan hnu zarhte ni ah khan executive order a chuah i, federal nih a ngeimi lungphun le milem ahrawkmi poah cu kum 10 thong thlak dingah nawl a chuah cang.

US State Cheukhat Ah Coronavirus A Karh Than: US le Canada ramri Idaho, Arkansas, Missouri, Kansas, Texas, California le Florida ah Coronavirus a karh caah a thar in an rengh than hna. June 19 in June 20 chungah a let hnih a karh an ti. Black Lives Matter pawl lamzawhnak nih atu bantuk in zawtnak a karhter a si lai tiah an zumh. Asinain ttanh hlei ngei CNN le main stream media le Washington post tibantuk pawl nih cun an hna an I cheh I, an chim duh lo. US ramchungah virus a zor biknak cu Rhode Island le Connecticut a si an ti.

Tuluk Ram Beijing le Anxin Khua Ah Virus Nih A Den Hna: Tuluk ram khualipi Beijing in meng 80 a hlatnak Hebei province, Anxin khua cu Coronavirus nih a den hna caah minung 500000 cu lockdown an tuah dih hna. Inn khat ah minung pakhat lawng leng chuahnak nawl an pek hna. Kan hnu zarh zongah an khualipi Beijing khua chung ummi, wholesale market pakhat in Virus a thawk than caah million 21 tluk cu lockdown a tuah than hna. Police nih an khua luh chuahnak vialte cu an congh dih. An zumh lomi vialte test tuah dingah nawl a pek dih hna. Credit Salai Lairamthang

Be First to Comment

Leave a Reply

Your email address will not be published. Required fields are marked *