Press "Enter" to skip to content

Van Bawi Lian nih:Salai Lung Thli Tum’cu upat nak he bia a leh cang.

Salai Lung Thli Tum,

Pumpak in kan i hngalhtheih veve lo btk in i huat/dawtnak zong a um lo. 16,17Jul. 2020 ah Chinland News le Fbk hmang in Uico, Chungthu lengnal le Mileng/thar nih dum zohkhenh tu an tthawl”, tiah CNLD cawlcangh nak na phozaar mi ka rel. Cu pin ah SCBT kongah pumpak in na hnurtaat nak zong a lang fawn. Hi kong hi Party chung bia asi caah chim ka duh lo pin ah kai tim bal lo. Asinain Chinland News cazual tiang le phaisa thazang tampi hmang in phozaarnak na tuah. Mipi tampi nih na cabia kan rel/hmuh i ai lun mi zong tam pi an um kho. Cucaah hi kong he pehtlai in CNP, CNDP in CNLD tiang Thantlang ah EC member zong asi mi keimah nih lehnak kan tuah.
(Biakilh: Hi kong ah Pu Lal Mawng Cung le a dang kan pa le pawl phozaar duhnak a um lo. Na fian khawhnak caah a dot dot in ka langhter lai)

2017 Bi election

2017 Bi election caah CNDP in Thantlang ah Pi Za Tlem, Pu Lal Mawng Cung le Salai Ceu Bik Thawng nih Candidate cuh an duh cio nak cu CNDP zung Thantlang ah min an pek hna. A hnu ah PLMC nih PZT le SCBT cu a kianh hna nak le 2020 thimnak No(1) Pine hlutdaw canditate hmun i ham cia a duhnak kha 2016 Aug thla Party upa hna biaruah nak ah a chim.
(Hi lio ah Thantlang CNDP Party Chairman le Vice Chairman nih Sipin Committee ah thim an duh caah Chairman dirhmun an si nak in chuahnak ca an tial veve.) PZT le SCBT cu 2016 Sept 6(9:00am) ah OC upa hna nih mee thlaknak an tuah i (7:3) in PZT nih a tei.
2016 Sept 6(10:00 am) EC meeting

OC meeting a dihbak in EC meeting peh colh asi. Meeting Chairman (Pu Tum Sang) nih OC biachah mi (7:3) kong le PLMC 2020 thimnak caah a duh mi hmun ai ham mi fehter ding tiin agenda 2 a chuah pi. Meeting kai upa hna nih OC khuakhan nak ning in cohlan asi. ( Hi lio ah keimah nih ka biahal nak ka tuah mi pathum ka langhter lai.)
(Q.1) Chairman 2 nih chuahnak ca phunglut tein an tial hnu ah a thar in thim than nak zong a um rih lo. A ngai ngai ti ahcun OC 8 lawng nan tang. Cu ti asi ko bu in zeitindah OC (7:3) in mee kan thlak tiah nan chim khawh?
(Q.2) Chairman ngei loin a tbk Candidate thimnak kong hi OC a taang mi nih EC sinah hnatlak nak hal lo in zeitindah nan tuah khawh?

(Q.3)A tu EC a kai mi hi 54 kan si

tiah nan ti. Asinain tutan meeting ah sawmnak ca he a kai mi lak ahhin Party chungtel asi ko nain EC upa asi lo mi kan tam ngai. Abik in kan mah Party chungtel hmanh asi lomi (3) zong an i tel fawn. Cu cu kan upa hruaitu pawl nih zeitin dah nan cohlan khawh hna? Hmailei ahcun ningcang deuh in nan kan kal pi a hau, tiah biahalnak ka tuah hna.
( Lehnak bia a um lo)

2019 Dec 15 EC(44) meeting

Agenda
1. 2016.Sept 6 EC biachahnak record btk in PLMC cu 2020 thimnak ah No.(1) Pine hlutdaw caah ham cia asi mi fehter tthannak

2. Meeting record ah ttial asi lonain SCBT cu 2017 Bi election ah Centre Hlutdaw in candidate a duh ko caah 2020 thimnak ahhin pyithuh asiloah Amyotha hlutdaw ahhin a duh mi pakhatkhat thim in candidate caah fehter ding.
# Hi meeting ah PLMC nih a chim mi bia ” Xmas ah SCBT a rak tlung ding asi caah a hlankan in kan party caah timhlamh zong kan herh……, Tutan meeting agenda kan caih cang mi cu hrawh tthan khawh a ngah ti lai lo,” tiah bia a chim.

Upa tampi nih ruahning phunphun an chim cio. Hi lio ah keimah nih bia halnak ka tuah mi hna,

(Q.1) Agenda pahnih ning in Candidate kong veve ai tel. Hi kong he pehtlai in PLMC le SCBT nih phunglut in Candidate cuh an duhnak ေလ်ွာက္လႊာ an chiah mi a um maw? Amah SCBT teh pumpak in Phone nan chawn in an leh nak hna a um maw?

(Lehnak:Pumpak in Phone chawnh nak a um lo pin ah an pahnih nih ေလ်ွာက္လႊာ an chiah mi a um lo)
(Q.2) Kum thum tluk a rau cang mi biachahnak nan vun chuahpi va si kaw a hlan kan in OC nih rak caih chung nak nan ngei maw?

(Lehnak: Zei btk meeting hmanh a um lo)
(Q.3) 2016 Sept.6 EC meeting lio ah khan ” 2020 thimnak ah TT CNDP in candidate cuh ai tim mi caah zulhphung(10) kan rak ser mi ning in cun SCBT siseh Saya Rung Kaw hna hi cohlan awk an ttha ti lai lo. Cu ti asi ahcun zeitindah SCBT hi direct in candidate caah nan chuah pi khawh kun”?

(Lehnak:Kha lio By Law kha cu CNDP lio asi. A tu cu CNLD asi cang ).
Agenda(1)nk cu a sining in fehter asi. Angenda 2 nk caih lai ah ah SCBT cu Ph ka chawnh. “Ziah, a caan zong asi rih ttung lo. UEC nih nawl a chuah rih lo. Party CEC zong nih khoi ka hmanh ah thawng thanhnak a tuah rih lo. Cu caah hi hi Party CEC nih a cohlang kho lai lo. A bik in keimah kong cu rak caih rih hna hlah seh, tiah a ka chimh. Cucu meeting nak ah ka chimh hna. Asinain an duh lo i fehternak an kan tuah pi.

SCBT Nih TT CNLD OC Biaruah A Sawm Hna

SCBT nih Thantlang a’phanh hnu, 2019Dec 20 in 2020 Jan zarhkhat tiang TT CNLD OC upa sin ah biaruahnak ngei ding in voi tampi tiang a hal hna nain OC pawl nih an duh ti lo.
PLMC le SCBT Nih TT CNLD

Thawngpang dang zong hi relchap ko:

2020 White House Race, Joe Biden le President Trump an i cuhnak ah, White House Rose Garden ah President Trump nih Joe Biden hi ka tei hrimhrim lai, tiah a chim. “Joe Biden hi ka tei ka zumh ko, Polls ah hin rak ka tei taktak ko hmanhsehlaw polls lawnglawng hi i rinhngam ding a si lo,” tiin president Trump nih a chim.

Bikers pawl le Boaters tam taktak zong nih President Trump an support zia zong an hun langhter ve cang. “Intracoastal Florida zoh hmanh u! Trump supporters sign in a khat hih. American signs, Trump-Pence sign pawl lawng te hmuh ding a um. Bikers pawl zong meng tam taktak ah hmuh ding an um, a nuam kho taktak,” tiah President Trump cu ai nuam taktak.

Joe Biden nih Climate Change sersiamnak ding caah $2 trilllion plan a chuah than. “Joe Biden hi American politics ah kum 47 kan hmuh cang. China a duhsaknak le China a ngamhlonak ti lo hmuh ding a um lo.Joe Biden nih hin America rumnak hi China a ei ter thlu dih te lai.

Media pawl nih hin kan konglam nan chuahmi hi a dik lo (a fair lo), ka riantuanmi a tha lei paoh an chuah bal lo, nain a voi 2nak ka tlin than tik ah cun Media pawl zong hi an lungfim ve te ko lai,” tiah President Trump nih a chim.

A tang lei hi Obema le Media pawl kong asi:

Barak Obama le a nupi, Michelle Obama zong online video a tuahtu, Netflix ah political documentaries tuah ding in Netflix company he hnathlaknak minthut nak an tuah ve.

Obama te nupa nih a tlawm bik in 100 million cu an hmuh lai tiah ruah a si. Obama te nupa nih Netflix I riantuan ding in hnathlaknak an ngeih tlawn pal ah, Obama president a tuah lio I, national security advisor a rak tuanmi, Susan Rice zong Netflix Board of Directors ah rian an pek colh ve.

Susan Rice nih hin MSBC TV ah President Donald Trump nih ramdang mi [ Russia] sin in information le ruahnak a laak lai tiah a zumhnak kong in President Trump cu soisel a thawk ve. CNN nih rian an pekmi Obama minung James Clapper nih CNN in President Donald Trump nih 2016 thimnak lio ah Russia sin in bawmhnak a hal ti in biatak tein soiselnak a tuah.

CNN nih Trump sualnak kawltu dingah CIA le FBI a rak tuan balmi zong rian an pek hna. Mah hna cu CIA director a rak tuan balmi, Mchael Hayden, CIA agent hlun, Steven Hall, FBI agent hlun, Asha Rangappa, FBI agent hlun James Gagliano, hlan lio Deputy National Security Adviser Tony Blinken le hlan lio national security council adviser Samantha Vinograd hna an si.

Mah vialte hi CNN nih Trump dotu dingah an hlanmi hna an si. Mah hna nih hin Donald Trump tlamtlin lonak pakhat khat an hmuh ahcun chun le zan in media hmang in sum phomh in an pomh I an soisel. Credit-Salai Lairamthang

Biadang zong hi relchap ko a tang hi:

Democratic party nih President Donald Trump he November thla ah US president i cuh ding in an thimmi Joe Biden nih “Donald Trump na vote ahcun minak taktak na si lo tinak a si” tiah The Breakfast Club host a tuahtu, Charlamagne tha God sin ah interview ah a chim i, a mual a pho. [ “you ain’t black” if you vote for Donald Trump over him in the 2020 presidential race. ] A fiannak in hei chim ahcun minak na si ahcun democrats nan si awk a si ti le Democratic party cu minak ta a si ti khi a chim duhnak a si ko.

Mah ruangah Biden cu miphun thleidanak a ngeimi racist a si tiah tuchun ah media kip nih faak ngai in soisel a tong. Joe Biden cu a biachim mi a chuah sual ruangah tuchun lila ah nawlnak bia chim than. Minak cheukhat zong nih faak ngai in an soisel ve.

Joe Biden nih kanmah tein zalong tein thimnak nawl kan ngeimi hi a hngal lo maw? kan duh le kan vote lai, duh lo le vote lo a si ko, amah nih i thimnak nawl kan ngeih mi ah a kan tlangtlak ding a si lo” tiah an ti.

Joe Biden hi kum 78 a si cang caah a upa ngaingai cang i, a lung zong a lo ngai cangmi a si. A chimmi zong a philh lelek. A biachim hnu hmai a hngal tawn lo. Nikhat ah suimilam 10 tal a ih lo ahcun a tha tein a lungfim kho lo ti a si. Cucaah President Trump nih Sleepy Joe” tiah a auhnak a si.

Thawngpang dang hi relchap khawh asi:

China ram Wuhan khuapi in Hongkong ah, Hong Kong in US ah a zammi sibawi Dr.Li-Meng Yan nih cun 2019 kum, Decembar i Coved-19 zawtnak hrik zohhlattu ah a tel nak le, China cozah nih cun Covid-19 zawtnak cu a thok ka ah khan rak ngaihsak lo in damlo mi hna zong tuamhlawm tha duhlo in a rak um nak, WHO thawng a rak thanhtu zong nih covid-19 zawtnak cu minung taksa ah a chonh khawh timi cu a theih tuk ko nain, a rak chim duh ve lo tiah amah biahal tu pawl Fox thawngla tu sinah achim.

Dr. Li-Meng Yan cu Virology le Ummunology ah mithiam khun a si i, Hong Kong School of Public Health rian tlaitu zong a si. Chinna ram a chuahtak nak cu China cozah nih a cungah thilthalo research a tuah cu Supervesor zong nih a theih lo nak a chim i, Coved 19 zawtnak a rak si ka te ah khan China cozah nih cun mipi theihternak a rak tuah dohlo tiah achim.

“US ka luhnak a ruang cu Covid-19 zawtnak he pehtlaiin biadik kan chim ruangah a si cem ko. Kan riantuannak Laboratory cu WHO zong nih Laboratory zumhtlak ah a ruah i, SARS zawtnak bantuk virus zohhlattu Scientist ah ka tel.

2019 kum , December 31 ah Coronavirus zawtnak cu minung pakhat le pakhat i chonh khawh a si nak cu kan hotu ka rak chimh nain an rak ka ngaihsak piak duh lo. Curuangah sibaw tam deuh u cu an thin a rak phang tuk cang i Staff pawl cu a rak thirh dih hna.

“US ram ka rak luh cu airport ah an rak ka dir ter i, China ah kuat kir than ding an ka timh. Asinain, an sinah biadik phunchuah dingin China ka chuahtak i US ah a ra mi ka si, China ah nan ka kuat kir than a si ahcun an ka thah lai tiah ka chimh hna i, FBI nih cun bia an ka hal hnuah an ka kuat than lo” ati.

Cu pin ah China cozah nih hlathlainak hmun zongah cun sau um ter an kan sanhlo i, an kan kuat colh lengmang tiah achim. Dr. Li nih cun China cu virus thup tu le damlo hna zong tuamhlawm duhlo tu ah chim nain virus cu China tuahmi a si timi bia ka cu a ka in a chuak lo.

Hi bantuk in bia a um lio ah US i China Embassy nih cun Dr. Li cu an mitheih a si lo nak an chim ve i, Hong kong School of Public Health zong nih Dr. Li cu a rian in an rak phuahnak le a sulhnu zeizong te a rak thai piak dih.

Be First to Comment

Leave a Reply

Your email address will not be published. Required fields are marked *