Vanlong Chung I Riantuan Mi Nungak Nu A Thi Mi Kongkau Ah Tleihrem Nak I A Thimi A Si Loh Tiah Ca An Chuah I Hringtu A Nu A Lung Awi Loh (+ Video)
Vanzam chung i riantuan mi le Philippines Miss rak ngahtu nungak kum 23 mi Christine Angelica Dacera cu kumthar dawn zannak ah thicia in an rak char. Mipa 11 he Manila i City Garden Hotel ah kumthar dawn nak party an nei ti i zinglei ahcun thicia in an hmuh, taklawng in arak um i a serh sungah pa cii zong an hmuh.
A taksa zong ah hliamhma tlawmpal hmuh a si. Pa 11 lakah 3 cu ai theicia mi an si. Midang cu ai theicia mi an si loh nain, an haa hmeltheih cia an si, midang cu a theihmi an si lo nan an hawi le i an hawi chin khi an si. Siizung ah an tlikpi colh nain a thi cang tiah an rak ti hna.
A thawngpang an theihka teah cun an sualpi nak ah a thimi si lai tiah an rak zumh. Mipa 11 pawl zong sual an phawt tuk hna i, mipi nih a phunphun in an soisel hna. Asinain CCTV a chuah hnu in mipi thinlung ah phundang ngai in a um. Comment-tu ṭhenkhat nih cun amah zong ai nuam tuk ve. An sualpi mi cu a si lai loh. Siivai ṭha lo le zu a din chih ruangah a thi le a si lai timi zong an um.
Tlangval11 pawl nih cun an tleihrem lonak kong cu an chim ve, cun an zatein tuai (gay) an si nak kong cu an i phuang ve. CCTV ahcun pa pakhat a hnamh lio zong an hmuh. a ruak cu sizung lei nih an check dih hnuah tleihhrem nak i a thi mi a si loh. A chunglei damlo nak ruang i a thimi a si tiah ca an chuah.
An ca chuahmi ruangah a nu Sharon Dacera cu a lungawi lo i “Ka fanu cu an tleihhrem mi a si ko, Christine i a ruak hi zoh uhlaw nan theihthiem ko lai. A nu sive uh law a tuar nak cu nan theihthiam ve ko lai.ruang zoh uhla nan theithiam ding, asinain ka fanu cu a holh kho ti loh tiin tualchung Headstart sin ah a chim.
Party-nak i ai tel mi a hawipa Rommel Galido zong nih party an neih lioah Christine nih “Mi pakhat khat nih ka khuat chung ah thil an chiah, tiah palik sin ah a chim. Justice Secretary, Menardo Guevarra nih zohfel nak kan nei than lai tiah a chim. A zun an check i cu a zum an check mi result ah thil cu a fiang ding a si i, a zung resulh cu hmaizarh ah a chuak ding a si.
