Press "Enter" to skip to content

Vawlei Cung Ah A Min A Thang I US Ram Chung Ah A Um Lio Mi Singer Iggy Azalea Nih Donald Trump A Huat Nak A Chim

Hlasak thiam ,hlaphuah thiam le Model Iggy Azalea nih cun US president tuan cuahmah mi Donald Trump cu a huat tuk nak kong a chim i culong silo in a maj Donald Trump a duhtu le thazang a petu minung tiang in a huat chih dih hna ti a si. Hi bantuk bia a chim ruang ah Donald Trump a tanh tu minung an ngeih a chia tjk i minung pakhat nih cun Iggy Azalea cu politics kongkau ah i fimkhur ding in le daiten um ding in forhfial nak zong a va neih phah.

President Donald Trump cu phunglam thaten a zul mi le a rian ah fek tak in a dirmi pakhat a si i, US milar tamdeuh nih cun an duh loh. A bia a duh, mino herhbau mi a thei loh, midang a ngaihsak loh, theithiamnak a nei loh tiah sual an puhmi a si. Cu lakah Australia i chuak mi US ah hlasa le model i a lar mi Iggy Azalea zong a rak i tel ve i Trump a huat nak kong cu zohchia ngai in Twitter ah a langh ter.

Iggy Azalea nih cun “Donald Trump ka huai i ,Donald Trum na duh a si ah cun nangmah zong kan huat chih. Chimding na nei ti maw? tiah a langh ter. Hi bantuk in Iggy Azalea a holh mi cu mi thenkhat nih a si ah cun na chuah sem nak Australia ram ah kir than ko, US minung zong nih nangmah bantuk sullam ngei lo i a nung mi minung kan herh loh tiah an rak ti ve.

Hlasak thiam Iggy Azalea cu 1990 kum i a chuak mi a si i kum 16 a tlin ah ring awn le music lei i lut colh ding in a chuah sem nak, Australia ram, Sydney khuapi a chuah tak i USA ah umhmun a rak khuar. “Pussy” timi le “Two Times” timi hla funghnih hmang in larhram ai thok i, tu ahcun hlasak thiam milar a si pin ah model tuan pah mi zong a si. Rapper Rocky le Basketball player Nick Young a kemh hnuah US rapper Carti he an i an i duh i fate pakhat nei in kan hnu ah Carti he an i then nak kong cu a mah nih a thah mi a si. ( Daily Mail )

Be First to Comment

Leave a Reply

Your email address will not be published. Required fields are marked *