Press "Enter" to skip to content

Vawleipi huap in Coronavirus aa chonhmi minung million 60 leng an si cang tiah AFP nih a ttial. Mah zawtnak in a thimi 1,415,258+ an si.

November chung ahhin USA le EU siseh America ram pawl ah biatak tein a karh. Asia lei zorlei panh lo in South Korea zong ah tu zarh canceo ah a thong in an vun karh ti a si. Cucaah umkal, hawi he iton tikah daithlan lo a ttha.

USA cu Thanksgiving a si le mah ahhin tamtuk an i chonh lai ti an phang ngai. Cucaah Joe Biden nih chungkhat pawl tamtuk in i ton lo ah a ttha tiah ruahnak a pek hna. Khua khat ummi cu a poi tuk lo nain State dang le khua dang hi cu tam i ton lo a ttha a ti.December chung Christmas le Kum thar zong hi ramkip cozah nih an zenh ngaingai.Teirial catial tu

Relchap ko ri thildang zong hi:

US President Trump cu tunai te khan White House ah biahalnak a lak. Reuters White House Correspondent Jeff Mason nih cun Trump nih tutan Ithimnak hi a sungh na khan lai maw, Biden nih teinak a hmuhmi hi na cohlang lai maw? timi biahalnak a tuah. Trump nih cun fak tak tak in hi ti hin lehnak a tuah. Tutan hi US ithimnak a dih hnu in Trump nih media pawl hmai ah biahalnak a lakthannk a voi khatnak a si.

Trump nih cun fiang tak tak in White House a chuahtak lai maw, tutan thimnak hi ah Biden hi teitu tiah a cohlang lai maw, elector college nih Joe Biden vote an pek tikah timi cu hi ti hin lehnak a tuah. Trump nih cun ‘ Sungh khan timi cu biahalnak har ngaimi a si te lai. A ruang cu diklo i hrokhrawlnak tam tuk kan theih. A rannak i thil a kal khawh nak hnga Caan hi kan mah lei ah a um, a dikmi (fact) zong kanmah lei ah an um. Hihi lihrawkhrolnak ngan tukmi a si.

Kan ram chungah a um hrimhrim a si lo mi thil a si. Vote thlaknak machine ahohmanh nih thatha kan zoh khawh lomi hna kan hman tiah a lehnak a tuah. Cun tlawmpal ah Trump huat tukmi biahalnak an tuah i US President a simi kha bantuk khan ka chawn hlah tiah fak ngaiin thawnglatu (media) a phomh. Source: Daily Mail

Relchap ko:USA i covid-19 sining, karh ning hi politics he pehtlaihnak tampi a ngei in ka hmuh. Politics maw a biapi deuh ah kan chiah lai covid-19 ikhamhnak dah? USA nihcun politics hi biapi deuh ah an chiah rua ti in ka hmuh. A ruang cu :

USA president thim kum i covid-19 a tlunmi hi USA minung hna caaah thil poi ngaingai a si. President i thim kum hi si hlah sehlaw hi tluk ngaingai hin virus zong hi a karh hnga lo i a thimi zong hi ti tluk ngaingai hin cun an tam hnga lo.

USA ahcun covid-19 hi karh sehlaw, ram hi buai sehlaw nawlngeitu pawl an min chia seh ti a duhmi tampi an rak um. Covid-19 in mi tampi an zawtmi le an thihmi kha hruaitu ai then nak ding a si poh ahcun a poi ah an chia lomi tampi an um ti khawh a si.

USA i nifatin covid-19 mizaw thar mi 50,000 hrawng an karh lio ah khan mask hmang huaha loin USA minak pa kong ah sautuk lekpek duhlonak an langhter tibantuk, political campaign a tuahnak ah a karhter tuk tibantuk kha a tam ngaingai. Misual minak pa thihnak kongah khan president i thim kum sihlah sehlaw, kha tluk sau kha duhlonak an langhter zuam hnga lo. Zawtnak zong kha kha tluk khan an karh ter hnga lo.

USA ah president thimnak cu November 3 ah tuah a si Joe Biden nih a tei timi thawng a thang, zarh khat a rauh bak ah covid-19 vaccine kan chuah khawh cang timi thawng an thanh ve. 90% cu a him ti a si. Zarh hnih a rauh hnu in a dang company nih 95% a himmi vaccine kan chuah khawh ve cang an ti ve fawn.

Trump nih election vote ah hrokhrawl a tam tuk caah ka pom kho lo a ti i biaceihtu zung ah vote zohfel dingin a chim than tikah a tu tiang president thar zuamnak ah ai teitu i theifiang kho loin a um rih. Cucaah covid-19 vaccine zong cu kan chuah khawh cang an tinak thla khat a si cang nain a ho hmanh vaccine an chun rih hna lo. Joe Biden nih president ttuan hram ai thawk in hi si hi chunh an timh bia maw a si hnga? Trump nih a hruai hna chung ahcun vaccine chunh i mi nunnak khamh hi an duh lo bia hna a si hnga maw?

USA ah nifatin minung 100,000 reng lo hi zawtnak hi a karh ko i, 1000 hrawng an thi peng. Asinain uktu thar kan ngeih lo ahcun a thimi poh cu thi ko hna seh ti hna sehlaw ka dawh ter ngai. Election ahhin Trump hi tling sehlaw vaccine hi an thuh peng ko hna hnga maw?

Vaccine an chuah khawhnak a sau cang, ziah an hman bal hnga lo? Ram dang i an kuat khawh rih lo zongah ziah USA mipi tal an ven hna hnga lo? Zeinih dah a donh hna hnga? Kum vui thengmang i vaccine hman hi zeicadah USA nih ai timh peng hnga.

Vaccine kong lawngah si loin covid-19 hi USA mi tampi nih uktu ithlennak caah fak tukin an hman tin kei cu ka hmuh. Cattialtu : Dr. Aung Myint Thang

Be First to Comment

Leave a Reply

Your email address will not be published. Required fields are marked *