Nepal ram ah Vanlawng a tla, a tlawmbik mi 40 nunnak liam. Tuchun Zarhpi ni Nepal ram ah Vanlawng a tlak caah minung 40 hrawng nunnak liam, mithi an i chap kho men tiah media nih an langhter.
Yeti Airlines Minung 72 a phurtu Vanlawng cu ruah lo piin a tlak caah a tlawmbik in minung 40 anthi, mithi an i chap kho men tiah local media nih an langhter.
Hi hna lak ahhin ramdang mi zong an i tel tiah an langhter chap. Tutiang ah thilsining fiang tein theih khawh mi a um rih lo. #thelainews
Adang Relchap; Lainu Dawt Tha Sung nih pasal caah a duh phun le a uar phun a biathli vialte a phuan dih cikcek. Laipa pawl nih cun nan theih hrimhrim awk asi. Lainu pakhat nih hibantuk in a chim tikah hin hibantuk ziaza a ngeimi hi Lainu an duh phun le pasal i an duh phun asi ti theih khawh asi. Ka pasal caah ka duh phun cu a pakhatnak ah Pathian a theimi a tihzahmi le a hrinthanmi a si lai.
Cun zeitluk in dah a rum ti leinak in amah tha le zaang tein le amah kut ke tein a hmuhmi ah a lawm khomi le nu le pa nih cawm chawm siloin amah tha le zaang tein a dirpi khuasak tuntuk a thiammi hi an sunglawi deuh. An mnak le an thiamnak kha caah aherhmi asi lo. An mnak le an thiamnak hi keimah caah cun a herh bik ko. Cu nakin cun keimah a dawtu Pathian a tịhzahmi mi dawtzia a thiammi a si ah cun cucu a za ko tiah a chim.
A pumrua mui le sam ka zoh hrimhrim lo. Khuasak a thiammi le a nun ziaza a tḥ a mi zohchun awk tlak le zumh awk tlak tein a nungmi le biachim holh rel a ralring mi hibantuk kei ka caah cun a za ko. Nikhat ah nazi 24 chung ka caah pek hau lo i, a rian a off caah maw, siloah a manhni caan te ah ka caah zumh awk tlak tein a ummi hi ka duh bik ko hna.
Riantụ annak ah thil puan ttha le dawh he a kal pengmi nakin cun caan hman athiam i hnawm belbulin a um ko zongah a rian ah a teimi ka thim deuh hna. A capo ngaimi chaw le va tampi ngei ruangah midang tịhzah loin mi nehsawh a hmangmi mi cungah biachim holh a sum lomi le innpa chaktlang hnahnawhnak petu pa cu ka thim nemamam hna lai lo. Cu nakin cun a sifah hmanh ah, mi toidor le mi nunnem, midang caah le innpa chakthlang caah hnahnawhnak petu siloin innpa chakthlang caah tḥ athnemnak a chuahpitu le lung a lawmter nun zia dawh asi ah cun cu pa cu ka thim deuh.
Ka pasal ding cu minthangpi le mipi theih ah a mi lar a si thengtheng hau lo. Nupi le fa le a cawm keng khotu le fa le ttha tein a zohkhenh khotu asi ah cun za ko. Chung le khat i bochan in le mah nih kawltu an huam ve tung lomi um thlorh in a ummi pa cu ka huat phun bak an si. Mah kut ke tein a dirmi, mah le thazaang tein dir a timmi pa ka thiam deuh.
Mi sifak si ko hmanhseh, biatak a tạ nhtu le miding felmi asi ah cun cu pa cu ka caah a sung tuk hirnghran. Thil puan tha le dawt zimziam tein um ttung i midang caah mi luakchuak asimi le keimah timi lungput ngeih in midang thatnak hmuh a thiam ve lomi keimah bia in biatlu seh atimi cu kei ka caah cun ral bantuk an si.
Mui le sam ah ka buai lo. A ruang cu ka pasal ding cu miphun dang, ramdang pa asi lai lo ti ka ang tuk i, keimah bantuk, ka miphun pa te asi lai. Midang nih zeitin an kan ruah lai timi zei ah ka rel lo ka zei lo a ruang cu anmah caah ka ngeihmi si lo i keimah caah te asi ko caah keimah mit hmuh ah le keimah nih a tling ka timi cu ka caah a tha bikmi asi ko. Dawt Tha Sung
Note: Hihi nungak Dawt Tḥ a Sung nih a pasal ca dingah a uar phun le a duh phun aa chimmi asi. Kanmah ruahnk asi hrimhrim lo. Hihi Lainu tampi an chungmang a si cio rua tiah ka ruah. Ka halmi hna an tam ngai cang i atu nungak Dawt Tha Sung (Sung Sung) chimmi hi an chim ciomi a si. A biapi ngaingaimi a si tiah ka ruah.
Adang; Teamwork Collaboration A Nei Lo I A buin Rianṭuan a thiam Lomi NUG Nih Ral An Kan Tei Pi Lai Maw: Asi khawhlo Ding mi in Mipi Thazang Kan pek ti hlah Uh. Nunnak le Thisen a pek mi Mipi le Kan Ralkap rual nih Thazang peknak kan herh ti lo. Hriamnam le Phaisa Bawmh lawng kan herh. Teamwork Team Building Umlo Buin Ral Tei Khawh Asilo. Mipi Zumhnak A Zawr. Mipi lung a dong sual ahcun kan kal khawh te lai lo hi mu?
Khuaiva le Hngerhte bang a buin rianṭuan a thiam lomi, a pak in mah le Policy le chungmang cio in biathlah le cangvai hi, NUG Vuanci rual le upa hruaitu hna nih kal tak cang uhsih. Lungrualnak le pumkhat sinak loin Ralhrang thluk khawh asi lo timi hi, NUG bia asi. Mipi kan in pumkhat i, kan lung aa rual dih.
NUG upa le nan minung / nan kusale rual le State ah thlah mi NUG ai awh tu hna tu hi pumkhat an si khawh lo. NUG Vuanci le upa hna nih Teamwork nan ngeih bak lo, Team Building le Trust Building zong pelte hmanh nan ngeih lo caah, Collaboration timi a buin rianṭuan nan thiam ti lo.
A phi chuak cu: EAOs le NUG pumkhat asi khawh ti lo caah Federal Army a um khawh ti lo, nihin tiang Ralhrang kan thluk khawh ve ti lo. EAOs a nganmi 17 lakah, CNF / CJDC, KIA, KNU, KNPP / KNDF / AA / TNLA lawng NUG he Alliance an si. Tam deuh cu Rallokap hawikom an si. NUG Hawikom EAOs 5 lakah CNF lawng hi Nupi tak asi. KIA, KNU, KNPP / KNDF hna cu Nupichun an si. AA le TNLA cu Kalpah / Khualtlawn / Innlak nupi bantuk an si. Zankhat lunglen ruangah awfit (office) on hmang nupi btk asi mi AA le TNLA an si.
PDF LDF CDF le NUG pumkhat asi khawh ti lo caah, Kawlrawn um mi PDF LDF lawng in Federal Army cu Division 5 in dirh asi. Ni hin tiang NUG Federal Army nih biatak tein ral an doh rih lo. Phiangkum bantukin ral an doh. Chin, Kachin, Karen le Kaya bantukin NUG Federal Army nih raldoh a si rih lo.
Kawl miphun PDFs LDFs tampi nih NUG tang um an duh lo. Bo Nagar te MRNA, BPLA, SAF le PDF Thazang ngeih deuh cu Kawl miphun EROs in an um; NUG kuttang an um lo. EAOs bantukin Alliance in an um. PDF LDF CDF 500 leng a um. 200 leng hi NUG kuttang an si. Pu Yemon nih 300 leng ati mi kha a palh. Tam deuh cu NUG kuttang an si lo. Tlangcungmi btkin raldoh bak ve mi, Sakai Ramkulh lawng ah PDF LDF 150 leng an um. 80% leng cu NUG kuttang lo an si.
Aruang tampi aum ko lai nain, Aruang bikbik cu NUG Vuanci, Upa, NUG kusale le NUG aiawh tu hna ruangah ah asi. NUG kusale rual nih PDF LDF CDF le Mipi uktu cozah cung ah bawi si le ralbawi si an duh, Bawmhnak phaisa vialte anmah kut ah chiah an duh caah, Pumkhat asi khawh ti lo I, funtom khawh lo tiang in kan rawk I kan man cikcek cang. A poi tak khi asi ko.
Pumkhat nan si lo, nan lung aa rual lo, Teamwork in rian hma nan lak lo, Collaboration timi a buin nan cangvai lonak tehte cu Acting Tamada Duwa Lashila he nan bia aa dan mi hi asi. Pu Duwa Lashila bia: Vanlawng kahnak kan ngeih rih lo. CNF he lawng C3C kan si. KIA, KNU, KNPP he C2C lawng asi.
TNLA, AA, le adang EAOs cu kan sawm lio hna asi. Media ah phuan awk asi rih lo. SAC he biaruah khawh asi. SAC hnatlak ding mi hna cu: mipi thah ngawl cikcek seh: Ramkhel thongtla mi thlah; Zalon tein mipi bawmhnak on seh; Ramdang nih tlangtlak siseh; 2008 phunghrampi thah siseh; Rallokap ramkhel in I ngawl cikcek seh. Ukraine bangin nan kan bawmh ahcun thla 6 ah SAC kan tei lai. PDF LDF CDF tampi cu Auto meithal an ngeih lo. PDF pakhat ah Auto gun zun 2-3 lawng a um. Raldoh tikah PDF dang ta aa hlan hna.: Ko Min Ko Naing nih thisen man ah biaruahnak a um khawh lo a ti.
NUG Vuanci le Hotu / Chungṭuan rual hna bia: Vanlawng kah nak 5000 leng kan cawk cang: kan kawl lio rih; Vanlawng in raldoh poah ah tei asi lo. Kan Ralkap Thazang hi SAC thluk khawh tu asi ko; Ramdang bawmhnak aum lo zong ah SAC thluk nak Thazang kan ngei. EAOs he C3C kan tuah dih cang. PDF LDF CDF hi 500 leng an si. 300 leng hi NUG minung an si. Adang hi NUG ah kan lut lai an ti lio asi. Vanlawng kahnak a mak ngai mi kan ngeih cang, Rallokap cu nan ngamh le ra uh; Mandalay Vanlawng tual kan lak ahcun Bomb cu ruah bang in a sur lai; USD 40 million man Meithal kan cawk cang. USD 100 million kan kut ah a um. Meithal kan cawk lai; Vanlawng kahnak tampi kan cawk rih lai; USD 250 million kan kawl chap lai; Pu Duwa Lashila he Nan bia aa kalh dih.
Social media ah mual an I pho hna: Sikan an ngei lo; Phaisa an vaivuan dih tbk Media ah aa zelh ngai. Si hram hlahseh ti lawng thla kan cam ko. Zu an ram tuk; Hlawhhlang inn ah kal an hmang: Nu ṭhalo sin kal a duh lomi Driver an phuah: Bawmhnak phaisa in vawlei an helh;
Phaisa cazin an fian ter ballo; Zurit buin an I chawk I Hlawhhlang inn an kalnak ah Bak nuai 1 an liam; Thailand: Mizoram le Ramthumnak ah nan um nain ramchung ah kan um tiah mipi nan kan hlen; Ramchung um mi cu Pu Duwa (KIA); Ei Thinzar Mg (KNU) tbk lawng ansi: Ko Min Ko Naing hna cu Thai USA Embassy ah aum; Dr. Sa Sa Shillong ah a um; Nu zuar hna sin an kal timi le Bawmhnak phaisa an vaivuan, anmah rumnak caah an hmang timi hi sihram hlahseh; NUG minung hna bia asi.
Demagogue hi kal tak cang uh. False Promise (Asi khawh lo mi) bia thlah ti hlah uh. Hlan kha cu mipi kan hrut tuk, Ramkhel kong kan hngalh mi a tlawm tuk caah nan kan hlen khawh. Tu hnu ah Demagogue nan hmang rih ahcun zu na rit lo ahcun pakhatkhat na rih I asi ko lai. NUG Vuanci le upa hruaitu hna hi a buin in rian hmalak ve cang uh,
I rem uh, lungrual uh, pumkhat si uh, bawmhnak phaisa fir ti hlah uh. Na tefa le ram caah siivai nan kan dinh mi asi. Raltei awk ah Lungrualnak, pumkhat sinak le a buin tiah nan kan ti mi kha philh hlah uh? Fianternak: NUG le Upa hna soiselnak asilo. Ziaza i remh hna seh ti nak cu asi. Crd; JRT
Be First to Comment